1 SAMUEL 19:18 - Edisana ñwed Abasi Ibom

¹⁸ Ntre ke David efehe, ɔbɔhɔ, aka ke ɔtɔ Samuel ke Ramah, onyuŋ asian enye kpukpru se Saul akanamde enye. Ndien enye ye Samuel eka ekedaŋ ke Naioth.

1 SAMUEL 19:18 ပူးပေါင်းရင်းမြစ်များ

ŊWED MME PSALM 116:11

Ami ŋkɔdɔhɔ ke ndik mi, nte, “Kpukpru owo edi mme osunsu.”

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

1 SAMUEL 1:19

Ekem eyo esiere, mmɔ ebak edemere, etuak ibuot ke iso Jehovah, ndien efiak eka ke ufɔk mmɔ ke Ramah. Ndien Elkanah ɔfiɔk Hannah ŋwan esie; Jehovah onyuŋ eti enye;

1 SAMUEL 15:34

Ndien Samuel aka Ramah; Saul onyuŋ ɔdɔk ke ufɔk esie ke Gibeah Saul.

1 SAMUEL 19:19

Ekem mmɔ etiŋ enɔ Saul, ete, Sese, David odu ke Naioth ke Ramah.

1 SAMUEL 19:22

Ekem enye aka Ramah ke idemesie, ndien adaŋemi enye osimde akamba obube mmɔŋ kiet emi odude ke Secu, enye obup, ete, Enye Samuel ye David? Ndien owo ɔbɔrɔ ete, Sese, mmɔ edu ke Naioth ke Ramah.

1 SAMUEL 19:23

Ekem adaŋemi enye otode do aka ke Naioth ke Ramah, spirit Abasi onyuŋ oduk enye ke idem, enye onyuŋ asaŋa anam prophecy, tutu osim ke Naioth ke Ramah.

1 SAMUEL 20:1

EKEM David adaha ke Naioth ke Ramah efehe aka ɔkɔdɔhɔ ke iso Jonathan, ete, Ŋkanam nso? Nsidi idiɔk ido mi? Ŋkonyuŋ nnam nso idiɔk ŋkpɔ ke iso usɔ, eke esinde enye oyom uwem mi?

1 SAMUEL 21:11

Ndien ikɔt Achish edɔhɔ enye, ete, Nte emi idige David edidem idut oro? Nte idige enye ke mmɔ ekekwɔ ebaŋa ke unek, ete, Saul ama owot mme tɔsin esie; edi David ama owot mme tɔsin esie duop?

1 SAMUEL 28:3

Ndien Samuel ama akakpa, ofuri Israel ema enyuŋ etuaŋa enye, enyuŋ ebuk enye ke Ramah, ke obio esie. Saul ama okonyuŋ ebin mmɔ eke enyenede nsaŋa ekpo, ye mbia-idiɔŋ, ke isɔŋ efep.

1 SAMUEL 7:17

Enye akam afiak ke Ramah: koro ufɔk esie odude do; onyuŋ ekpe ikpe Israel do; do ke enye onyuŋ anam itie-uwa ɔnɔ Jehovah.