1 SAMUEL 18:30 - Edisana ñwed Abasi Ibom

³⁰ Ekem mbɔŋ mme Philistine ewɔŋɔ: ndien edikem adaŋa ini nte mmɔ ewɔŋɔde, David okut unen akan kpukpru ikɔt Saul; mmɔ enyuŋ ekpono enyiŋ esie eti-eti.

1 SAMUEL 18:30 ပူးပေါင်းရင်းမြစ်များ

2 SAMUEL 11:1

EDIKEM ke isua akabarede, ekem ke ini emi ndidem ekam ewɔŋɔde eka ekɔŋ, David ɔdɔŋ Joab ye ikɔt esie ŋko, ye ofuri Israel, ekesobo ye nditɔ Ammon, ndien mmɔ ekan Rabbah ekuk. Edi David etie ke Jerusalem.

2 SAMUEL 7:9

mma nnyuŋ ndu ye afo ke kpukpru ebiet emi afo akade, nnyuŋ nsibe kpukpru mme asua fo mfep ke iso fo, nnyuŋ nnam akamba enyiŋ nnɔ fi, eke ebietde enyiŋ ikpɔ owo emi ekedude ke ererimbot.

2 NDIDEM 1:13

Ndien enye ɔtɔŋɔ ntak ɔdɔŋ etubom owo aba ye duop ɔyɔhɔ ita, ye owo esie aba ye duop, utom. Ndien etubom aba ye duop ɔyɔhɔ ita ɔdɔk, aka ɔkɔtɔŋɔ edɔŋ esie ke iso Elijah, onyuŋ ekpe enye ubɔk, onyuŋ ɔdɔhɔ enye, ete, Owo Abasi, mbɔk, yak uwem mi, ye uwem owo fo aba ye duop emi, edi ŋkpɔ-uto ke enyin fo.

ŊWED MME PSALM 116:15

Mkpa mbon ima Jehovah edi ŋkpɔ-uto ke enyin esie.

ŊWED MME PSALM 119:99

Ndi ɔniɔŋ ŋkan kpukpru mmɔ emi etemede mi; koro uyo fo edide se ntiede ŋkere.

MME ŊKE 12:8

Adaŋa nte owo asiande, ke eda etoro enye: edi eyesuene owo eke akwaŋade ke esit.

DANIEL 1:20

Ndien ke kpukpru ŋkpɔ ifiɔk ye asian eke edidem obupde mmɔ, enye onyuŋ okut ete ke mmɔ ekan kpukpru mbon-ŋwed ye mbia-idiɔŋ eke edude ke ofuri idut esie utim ikoduop.

LUKE 21:15

koro Ami nyenɔ mbufo inua ikɔ ye eti ibuot, eke kpukpru mme asua mbufo midikemeke ndikaŋ mme ndineni.

ŊWED MBON EPHESUS 5:15

Mmɔdo etiŋ enyin ekpeme nte esaŋade: ekusaŋa nte ndisime, edi esaŋa nte mbon eti ibuot.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

1 PETER 2:7

Enye ɔsɔŋ urua ke enyin mbufo emi ebuɔtde idem ye Enye; edi ama edi mmɔ emi mibuɔtke idem ye Enye, Itiat emi mme ɔbuɔp-ufɔk ekesinde Amakabare edi Etubom inuk;

1 SAMUEL 18:29

Ndien ndik David ɔdɔdiɔŋ anam Saul aka iso; Saul onyuŋ ɔdɔdiɔŋ asua David kpukpru usen.

1 SAMUEL 18:5

Ndien David ɔwɔrɔ aka kpukpru utom eke Saul ɔdɔŋde enye, ɔdiɔŋ anam ŋkpɔ; ndien Saul onim enye ke etubom mbom-ekɔŋ: ndien kpukpru owo ye ikɔt Saul ema enye.

1 SAMUEL 19:8

Ndien ekɔŋ ɔtɔŋɔ ntak etibe: ndien David ɔwɔrɔ aka ekɔŋ ye mme Philistine, onyuŋ owot mmɔ ata ediwak; ndien mmɔ efeŋe ke iso esie.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.

1 SAMUEL 26:24

Ndien, sese, kpa nte ŋkabatde uwem fo ke akamba ŋkpɔ mfin emi, kpa ntre yak Jehovah onyuŋ abat uwem mi ke akamba ŋkpɔ, onyuŋ osio mi ke kpukpru nnanenyin.