1 SAMUEL 18:27 - Edisana ñwed Abasi Ibom

²⁷ Ndien David adaha ke enyɔŋ asaŋa ye ikɔt esie aka okowot mme Philistine owo ikie iba; David onyuŋ ada edut mmɔ kpukpru edinɔ edidem, man enye edi ukot edidem. Ndien Saul ɔnɔ enye Michal uduŋwan esie ɔdɔ.

1 SAMUEL 18:27 ပူးပေါင်းရင်းမြစ်များ

2 SAMUEL 3:13

Ndien enye ɔbɔrɔ, ete, Ɔfɔn: ami nyediomi ye afo: edi ŋkpɔ kiet ke ami nyom ke ubɔk fo; nte ke afo udukwe mi iso, tutu afo ebem iso ada Michal uduŋwan Saul edi, adaŋemi afo edidide ndikut mi iso.

2 SAMUEL 3:14

David onyuŋ ɔdɔŋ mme isuŋutom etiene Ish-bosheth eyen Saul, ete, Nɔ mi Michal ŋwan mi emi ŋkadade edut mme Philistine ikie ntomo ukot.

JUDGES 14:19

Ndien spirit Jehovah oduk enye ke idem, ndien enye ɔsuhɔre aka ke Ashkelon, okowot owo mmɔ edip ye duop, onyuŋ ada mbume mmɔ, ndien emen ukpuhɔ edisine ŋkpɔ ɔnɔ mme andisiak ŋke. Esit onyuŋ ayat enye, ndien enye ɔdɔk aka ke ufɔk ete esie.

1 SAMUEL 14:49

Ndien nditɔ-iren Saul edi Jonathan, ye Ishvi, ye Malchi-shua; enyiŋ nditɔ esie iban iba enyuŋ ekere Merab, adiaha, ye Michal, uduŋwan:

1 SAMUEL 18:13

Ekem Saul adianare enye ke idem esie efep onyuŋ onim enye ke etubom tɔsin ɔnɔ idem esie: ndien enye ɔwɔrɔ onyuŋ oduk ke iso mbio-obio.

1 SAMUEL 18:17

Ndien Saul ɔdɔhɔ David, ete, Se adiaha mi Merab, nyeda enye nnɔ fi ɔdɔ; edi afo di owo uko nɔ mi, nyuŋ ŋwana ekɔŋ Jehovah. Koro Saul ɔdɔhɔde ete, Ubɔk mi okutuk enye, edi yak ubɔk mme Philistine etuk enye.

1 SAMUEL 18:28

Ekem Saul okut onyuŋ ɔfiɔk ete ke Jehovah ododu ye David, ete ke Michal uduŋwan Saul onyuŋ ama enye.

1 SAMUEL 25:44

Edi Saul ama akada Michal uduŋwan esie, ŋwan David, ɔnɔ Palti eyen Laish, emi okotode ke Gallim.