1 SAMUEL 18:18 - Edisana ñwed Abasi Ibom

¹⁸ Ndien David ɔdɔhɔ Saul, ete, Ami ndi anie? uwem mi onyuŋ edi nso, ye oruk ete mi ke Israel, eke ami ŋkpedide ukot edidem?

1 SAMUEL 18:18 ပူးပေါင်းရင်းမြစ်များ

2 SAMUEL 7:18

Ekem edidem David oduk editie ke iso Jehovah, onyuŋ ɔdɔhɔ ete, Ami ndi anie, O Jehovah Abasi? Ufɔk mi onyuŋ edi nso, emi afo adade mi edi ken?

1 NDIDEM 4:15

Ahimaaz odu ke Naphtali: enye onyuŋ ada Basemath eyen Solomon aŋwan ɔdɔ:

EXODUS 3:11

Ndien Moses ɔdɔhɔ Abasi, ete, Ami ndi anie, eke ndikade ke ɔtɔ Pharaoh, nnyuŋ nsio nditɔ Israel ke Egypt mfep?

MME ŊKE 15:33

Uteŋe Jehovah edi item mbufiɔk: nsukidem onyuŋ ebem ubɔŋ iso-

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

JEREMIAH 1:6

Ndien ami ndɔhɔ, nte, Aha, Ɔbɔŋ Jehovah! sese, mfiɔkke nditiŋ ikɔ: koro ami ndide eyen-ɔwɔŋ.

RUTH 2:10

Ndien enye (Ruth) ɔduɔ ke isɔŋ okubi iso, onyuŋ ɔnuhɔ ke isɔŋ, onyuŋ ɔdɔhɔ ete, Nsinam afo enende iso ye ami, emi afo ɔdiɔŋɔde mi emi ami ndide esen owo?

1 SAMUEL 18:23

Ndien David ɔbɔrɔ ete, Nte mbufo ebat itie ukot edidem ke ekpri ŋkpɔ? ndien ami ndi eyen ubuene, mmɔ enyuŋ ese mi ke mbio.

1 SAMUEL 9:21

Ndien Saul ɔbɔrɔ ete, Nte ami ndige eyen Benjamin, nto ke ata ekpri esien Israel? Nte oruk mi inyuŋ ikprike ikan kpukpru oruk esien Benjamin? Nsinam ndien afo ɔdɔhɔde mi oruk ikɔ emi?