1 SAMUEL 18:10 - Edisana ñwed Abasi Ibom

¹⁰ Edikem ke usen efen, idiɔk spirit Abasi oduk Saul ke idem, ndien enye adama ke ufɔk: ndien David ebre harp ke ubɔk esie, nte enye akam esinamde: eduat onyuŋ odu Saul ke ubɔk.

1 SAMUEL 18:10 ပူးပေါင်းရင်းမြစ်များ

1 NDIDEM 18:29

Ekem ke ini ufɔt uwemeyo ama ekebe, mmɔ edama nte idat, tutu oyom ndikem ke ini emi ewade uwa, edi uyo iduhe, baba owo kiet eke eyerede iduhe, baba mkpaŋ-utɔŋ inyuŋ iduhe.

1 NDIDEM 22:12

Ndien kpukpru prophet oro etiŋ prophecy ntem, ete, Dɔk ka ke Ramoth-gilead, nyuŋ kut unen: koro Jehovah eyeda enye esin edidem ke ubɔk.

JEREMIAH 28:11

Hananiah onyuŋ ɔdɔhɔ ke iso kpukpru owo, ete, Ntem ke Jehovah ɔdɔhɔ ete, Ntem ke ndibuŋ kpukpru mme idut ɔkpɔnɔ Nebuchadnezzar edidem Babylon ke itɔŋ mfep, ke isua iba ete ikɔyɔhɔ. Ndien Jeremiah prophet ɔnyɔŋ esiemɔ.

UTOM MME APOSTLE 16:16

Edikem, nte nnyin isaŋade ika itie-akam, eyen-aŋwan kiet, emi enyenede spirit idiɔŋ, osobo ye nnyin, emi adade idiɔŋ ebre ɔkɔ ediwak okuk ɔnɔ mme ete-ufɔk esie.

2 ŊWED THESSALONICA 2:11

Emi esin Abasi ɔdɔŋ abiaŋa ndinam utom ke esit mmɔ, ete enim nsu ke akpanikɔ:

JUDGES 16:20

Ndien enye ɔdɔhɔ ete, Mme Philistine emɔŋ emum fi Samson. Ndien enye edemere ke idap, onyuŋ ɔdɔhɔ ete, Nyewɔrɔ nte ŋkam ŋwɔrɔde, nnyuŋ nnyeŋe idem mi. Edi enye ifiɔkke ite ke Jehovah ɔmɔkpɔŋ imɔ.

1 SAMUEL 16:23

Ndien edikem adaŋemi spirit Abasi oro anamde Saul, David emen harp ke ubɔk esie ebre: ntre ke efere Saul, onyuŋ ɔfɔn ye enye, idiɔk spirit oro onyuŋ ɔkpɔŋ enye.

1 SAMUEL 18:9

Saul onyuŋ ese David idiɔk enyin, toto ke usen oro, onyuŋ aka iso.

1 SAMUEL 19:10

Ndien Saul oyom ndida eduat esie ŋkim David ndian ke ibibene; edi enye efep ɔbɔhɔ ke iso Saul, ndien enye okim ibibene ke eduat: edi David efehe ke okoneyo oro ɔbɔhɔ.

1 SAMUEL 19:7

Ndien Jonathan okot David, Jonathan onyuŋ emen kpukpru ikɔ emi etiŋ ɔnɔ enye. Jonathan onyuŋ ada David ɔsɔk Saul, enye onyuŋ odu ke iso esie, kpa nte akpa.

1 SAMUEL 19:9

Edikem idiɔk spirit oto Jehovah ediduk Saul ke idem, enye onyuŋ etie ke ufɔk esiemɔ ye eduat esie ke ubɔk: David onyuŋ ebre harp ke ubɔk.

1 SAMUEL 26:19

Mbɔk, ndien, yak ɔbɔŋ mi edidem okop uyo owo esie. Ndi Jehovah ekedemere fi ete ebine mi, yak enye ɔbɔ uwa; edi ama edi nditɔ owo, osuk ɔdɔdiɔk ɔnɔ mmɔ ke iso Jehovah; koro mmɔ emebin mi efep mfin emi, esin mi ŋkusop idem ye udeme Jehovah, ete, Ka kanam ŋkpɔ nɔ Abasi efen.