1 SAMUEL 17:55 - Edisana ñwed Abasi Ibom

⁵⁵ Ndien adaŋemi Saul okutde David nte enye ɔwɔrɔde aka ekɔŋ ye Philistine oro, enye ɔdɔhɔ Abner, etubom mbon-ekɔŋ, ete, Abner, akparawa emi edi eyen anie owo? Ndien Abner ɔbɔrɔ ete, Ma uwem fo, O edidem, mfiɔkke.

1 SAMUEL 17:55 ပူးပေါင်းရင်းမြစ်များ

GENESIS 42:15

Eyeda emi edomo mbufo: ma uwem Pharaoh mbufo ididahake mi, ke ekperedem eyen-ete mbufo midige mi.

1 SAMUEL 1:26

Ndien eka ɔdɔhɔ ete, O ɔbɔŋ mi, ma uwem fo, ɔbɔŋ mi, ami ndi ŋwan oro akadade ekpere fi mi, ŋkpe Jehovah ubɔk.

1 SAMUEL 14:50

enyiŋ aŋwan Saul onyuŋ ekere Ahinoam, eyen Ahimaaz aŋwan: enyiŋ etubom mbon-ekɔŋ esie ekere Abner eyen Ner, eyenete ete Saul.

1 SAMUEL 16:12

Ndien enye ɔdɔŋ ekeda enye edi. Enye onyuŋ oyibe, onyuŋ eye iso, onyuŋ ɔfɔn ndise. Ndien Jehovah ɔdɔhɔ enye, Daha ke enyɔŋ, yet enye aran, koro edide emi edi enye.

1 SAMUEL 17:54

David onyuŋ emen ibuot Philistine, ada enye edi ke Jerusalem; edi ada ŋkpɔ-ekɔŋ esie esin ke tent esie.

1 SAMUEL 17:56

Ndien edidem ɔdɔhɔ ete, Afo bup owo emi akparawa emi edide eyen esie.

1 SAMUEL 17:58

Ndien Saul obup enye, ete, Akparawa, afo edi eyen anie owo? Ndien David ɔbɔrɔ ete, Ami ndi eyen owo fo Jesse a-Bethlehem.

1 SAMUEL 26:5

Ndien David adaha ke enyɔŋ aka ke ɔtɔ emi Saul anamde nna-ekɔŋ; David onyuŋ okut ebiet emi Saul anade do, ye Abner eyen Ner, etubom mbon-ekɔŋ esie: ndien Saul ana do ke ebiet mkpoduoho, kpukpru owo enyuŋ ena ekan enye ekuk,