1 SAMUEL 17:47 - Edisana ñwed Abasi Ibom

⁴⁷ Ndien ofuri esop emi eyefiɔk ete ke Jehovah idaha ofut, inyuŋ idaha eduat, iŋwana: koro ekɔŋ enyenede Jehovah, ndien enye eyeda mbufo esin nnyin ke ubɔk.

1 SAMUEL 17:47 ပူးပေါင်းရင်းမြစ်များ

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

2 CHRONICLES 14:11

Ndien Asa eseme ɔnɔ Jehovah Abasi esie, ete, O Jehovah baba kiet ke mibɔhɔke afo ikemeke ndinyaŋa ke ufɔt mkpɔsɔŋ owo ye mmeme: nyaŋa nnyin, O Jehovah Abasi nnyin; koro nnyin ibɔbuɔt idem nnyin ye afo, inyuŋ ida enyiŋ fo ika ndiŋwana ye akwa otu emi. O Jehovah, afo edi Abasi nnyin; kuyak owo ɔsɔŋ akan fi.

ŊWED MME PSALM 46:11

Jehovah mme udim odu ye nnyin; Abasi Jacob edi ebiet-ubɔhɔ nnyin. [Selah.]

ISAIAH 9:7

Ubɔŋ ye emem ididopke ndikɔri ke ebekpo David, ye ke itie ubɔŋ esie, man onim enye, onyuŋ ɔsɔŋ owuk enye ke ikpe ye ke edinen ido, ke emi ye ke nsinsi. Ufup Jehovah mme udim eyenam ŋkpɔ emi.

HOSEA 1:7

Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

ŊWED MBON ROME 8:37

Edi ke kpukpru ŋkpɔ emi nnyin imakan, inyuŋ idɔdiɔŋ ikan, oto ke Enye emi akamade nnyin.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 18:17

Ndien Saul ɔdɔhɔ David, ete, Se adiaha mi Merab, nyeda enye nnɔ fi ɔdɔ; edi afo di owo uko nɔ mi, nyuŋ ŋwana ekɔŋ Jehovah. Koro Saul ɔdɔhɔde ete, Ubɔk mi okutuk enye, edi yak ubɔk mme Philistine etuk enye.