1 SAMUEL 17:46 - Edisana ñwed Abasi Ibom

⁴⁶ Mfin emi Jehovah eyeda fi esin mi ke ubɔk; ndien nyewot fi, nnyuŋ mbigi fi ibuot; nyenyuŋ nda okpo mbon ekɔŋ mme Philistine mfin emi, nnɔ mme inuen enyɔŋ, ye mme unam ikɔt; man ofuri ererimbot efiɔk ete ke Israel enyene Abasi.

1 SAMUEL 17:46 ပူးပေါင်းရင်းမြစ်များ

GENESIS 40:19

Ayak usen ita Pharaoh eyemenere ibuot fo esibe efep, eyenyuŋ eyiri fi ke eto; ndien inuen eyekɔŋ obukidem fo eta.

2 SAMUEL 18:28

Ekem Ahimaaz ofiori ɔdɔhɔ edidem, ete, Ŋkpɔ ɔfɔfɔn. Enye onyuŋ atuak ibuot ɔnɔ edidem, otuk iso esie ese isɔŋ: onyuŋ ɔdɔhɔ ete, Ekɔm Jehovah Abasi fo, emi adade mmɔ emi emende ubɔk mmɔ eŋwana ye ɔbɔŋ mi edidem, ayak ɔnɔ.

2 SAMUEL 21:10

Ndien Rizpah eyen Aiah aŋwan ada ɔfɔŋ ikpo ebri ke enyɔŋ itiat ɔnɔ idem esie, ke eritɔŋɔ ukpeŋe, tutu mmɔŋ oto ke enyɔŋ edep mmɔ ke idem, enye inyuŋ iyakke mme inuen enyɔŋ esɔrɔ mmɔ ke idem ke uwemeyo, inyuŋ iyakke mme unam ikɔt etuk mmɔ ke okoneyo.

1 NDIDEM 8:43

afo tie ke enyɔŋ, ebiet iduŋ fo, kop, nyuŋ nam kpukpru se esen owo oro edisemede ɔnɔ fi abaŋa: kpaŋ kpukpru mbio ererimbot emi ekpefiɔk enyiŋ fo, enyuŋ ebak fi, kpa nte ikɔt fo Israel enamde: man mmɔ enyuŋ efiɔk ete ke eda enyiŋ fo esio ufɔk emi ami mbɔpde.

1 NDIDEM 8:60

man kpukpru obio ke ererimbot efiɔk ete ke Jehovah edi Abasi; efen iduhe du.

2 NDIDEM 19:19

Ke emi, ndien, O Jehovah Abasi nnyin, mbɔk, nyaŋa nnyin sio enye ke ubɔk, ndien kpukpru mme idut ererimbot eyefiɔk ete ke afo edi Jehovah Abasi, afo ikpɔŋ-ikpɔŋ.

2 NDIDEM 5:15

Ekem, enye ye ofuri udim esie efiak ekesim owo Abasi, edi edida enye ke iso: ndien enye ɔdɔhɔ ete, Mbɔk, sese, mmɔfiɔk nte ke baba Abasi kiet iduhe ke ofuri ereri-mbot, ke mibɔhɔke ke Israel: mbɔk ndien, bɔ owo fo ŋkpɔ mfɔn.

ŊWED MME PSALM 31:8

ukonyuŋ uyakke mi usin mme asua mi ke ubɔk: edi omonim ukot mi ke akamba ufaŋ.

ŊWED MME PSALM 46:10

Mbufo edobo, enyuŋ efiɔk ete ke ami ndi Abasi: nyekpon ke otu mme idut, nyekpon ke ererimbot.

EXODUS 9:16

Edi ŋkɔm edi emi ekesin mi nnim fi, man ŋwut fi odudu mi; man enyuŋ ekwɔrɔ enyiŋ mi ke ofuri ererimbot.

ISAIAH 37:20

Mbɔk, ndien, O Jehovah Abasi nnyin, nyaŋa nnyin sio ke ubɔk esie, ndien kpukpru mme idut ererimbot eyefiɔk ete ke afo ikpɔŋ-ikpɔŋ edi Jehovah.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

ISAIAH 56:9

Mbufo kpukpru mme unam ikɔt, ye mbufo kpukpru mme unam ke akai, edi edita.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 34:20

nyeda mmɔ nsin mme asua mmɔ ke ubɔk, ye ke ubɔk mmɔ eke eyomde uwem mmɔ; ndien mme okpo mmɔ eyekabare edi se inuen enyɔŋ ye mme unam isɔŋ ekpetade.

DANIEL 2:47

Edidem ɔbɔrɔ Daniel onyuŋ ɔdɔhɔ, ete, Ke akpanikɔ Abasi mbufo edi Abasi mme abasi ye Ɔbɔŋ ndidem: edi enye ayarare ndibe-ndibe ŋkpɔ, koro afo ekemede ndiyarare ndibe ŋkpɔ emi.

DANIEL 3:29

Ami nnyuŋ ŋwuk ewuhɔ, nte ke eyeda idut, ye obio, ye usem eke etiŋde se minenke edian Abasi Shadrach ye Meshach ye Abednego, ekpok mmɔ mbak-mbak, enyuŋ enim ufɔk mmɔ ke ekwe: koro baba Abasi efen eke ekemede ndinyaŋa ntem miduhe.

MATTHEW 24:28

Ɔtɔ nte okpo odude, do ke mme utere edibono.

DEUTERONOMY 28:26

Ndien okpo fo eyedi udia kpukpru inuen enyɔŋ, ye eke mme unam ikɔt, ndien owo eke edibinde mmɔ efep ididuhe.

DEUTERONOMY 7:2

ndien adaŋemi Jehovah Abasi fo edidade mmɔ onim ke iso fo; afo onyuŋ akan mmɔ, kutre ndisobo mmɔ; kunam ediomi ye mmɔ, kunyuŋ utua mmɔ mbɔm:

DEUTERONOMY 7:23

Ndien Jehovah Abasi fo eyeda mmɔ onim ke iso fo, eyenyuŋ ada akamba ndutime otimere mmɔ, tutu mmɔ esuana ema.

JOSHUA 10:8

Ndien Jehovah ɔdɔhɔ Joshua, ete, Kufehe mmɔ: koro ndade mmɔ nsin fi ke ubɔk; owo mmɔ ndomo kiet idikemeke ndida fi ke iso.

JOSHUA 4:24

Kpaŋ kpukpru mme idut ke ererimbot ekpefiɔk ubɔk Jehovah, nte enye ɔsɔŋɔde: kpaŋ mbufo ekpeteŋe Jehovah Abasi mbufo kpukpru ini.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:44

Philistine onyuŋ ɔdɔhɔ David, ete, Diken, ndien nyeda obukkidem fo nnɔ mme inuen enyɔŋ, ye mme unam ikɔt.