1 SAMUEL 17:37 - Edisana ñwed Abasi Ibom

³⁷ David onyuŋ ɔdɔhɔ ete, Jehovah emi okosiode mi ke ubɔk lion, ye ke ubɔk bear, eyesio mi ke ubɔk Philistine emi. Ndien Saul ɔdɔhɔ David, ete, Ka; Jehovah onyuŋ osuk odu ye afo.

1 SAMUEL 17:37 ပူးပေါင်းရင်းမြစ်များ

2 SAMUEL 10:12

ami nyedi ndinyaŋa fi. Sɔŋ esit, yak nnyin inyuŋ inam nte iren-owo inɔ oruk nnyin, ye mme obio Abasi nnyin: yak Jehovah onyuŋ anam nte enye amade.

1 CHRONICLES 22:11

Yak Jehovah ndien akam odu ye afo, eyen mi; afo akam onyuŋ okut unen, onyuŋ ɔbɔp ufɔk Jehovah Abasi fo, kpa nte enye ɔkɔdɔhɔde abaŋa fi.

1 CHRONICLES 22:16

Ndien idomoke gold, ye silver, ye okpoho, ye ukwak. Daha ke enyɔŋ nam, ndien Jehovah eyedu ye afo.

ŊWED MME PSALM 11:1

MMƆBUƆT idem mi ye Jehovah. Didie ke mbufo edɔhɔ ukpɔŋ mi, ete, Ntarusuŋ, mbufo efe eka ke akwa obot mbufo.

ŊWED MME PSALM 118:6

Jehovah edi okimmɔ; ndidigeke: owo ekeme ndinam mi nso ŋkpɔ?

ŊWED MME PSALM 138:3

Ke usen emi nsemede nnɔ fi, afo ama eyere mi, anam mi ndaha uko ɔkpɔsɔŋ ke ukpɔŋ mi.

ŊWED MME PSALM 63:7

Koro afo edide andiŋwam mi, ndien nyedara ke mfut mba fo.

ŊWED MME PSALM 77:11

Nyetaŋ ese Jehovah: koro nyeti mme utibe ŋkpɔ fo ke eset.

DANIEL 3:17

Sese, Abasi nnyin emi nnyin inamde ŋkpɔ esie emekeme ndinyaŋa nnyin nsio ke akwa ikaŋ emi asakde: ndien enye eyenyaŋa nnyin osio fi ke ubɔk, O edidem.

JOSHUA 1:17

Kpa nte nnyin ikekopde uyo Moses ke kpukpru ŋkpɔ, kpa ntre ke idinyuŋ ikop uyo fo ŋko: edi Jehovah Abasi fo akam odu ye afo, kpa nte okodude ye Moses.

RUTH 2:4

Ndien, sese, Boaz oto ke Beth-lehem edi, ndien enye ɔkɔm mbon ukpeŋe, ete, Jehovah osuk odu ye mbufo. Ndien mmɔ ebɔrɔ enye, ete, Jehovah osuk ɔdiɔŋ fi.

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

1 SAMUEL 17:38

Ndien Saul ada ekura esie esine David ke idem, onyuŋ ayara enye ndun okpoho ke ibuot, onyuŋ esine enye ɔfɔŋ-idem ekɔŋ ukwak.

1 SAMUEL 20:13

Jehovah osuk anam ntre ye Jonathan, onyuŋ anam aka iso: edi edieke ete mi amade ndinam fi idiɔk-ŋkpɔ, nyenyuŋ nsian fi, nnyuŋ nyak fi ɔnyɔŋ ke emem: ndien Jehovah osuk odu ye afo, kpa nte okodude ye ete mi.

1 SAMUEL 24:19

Ke ini owo okutde asua esie, nte eyeyak enye ɔbɔhɔ ke ifure? Jehovah osuk ada eti ŋkpɔ osio fi usiene ke ibuot ŋkpɔ emi afo akanamde ye ami mfin emi.

1 SAMUEL 26:25

Ndien Saul ɔdɔhɔ David, ete, Ɔfɔfɔn ɔnɔ fi, eyen mi, David: afo udutreke nditim nnam, nnyuŋ ŋkut unen. Ndien David ɔnyɔŋ esiemɔ, Saul onyuŋ afiak ke ebiet esie ŋko.

1 SAMUEL 7:12

Ndien Samuel ada itiat owuk ke ufɔt Mizpah ye Shen, ndien osio enye enyiŋ Eben-ezer (itiat uŋwam), ete, Jehovah amanyaŋa nnyin tutu osim emi.