1 SAMUEL 17:36 - Edisana ñwed Abasi Ibom

³⁶ Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

1 SAMUEL 17:36 ပူးပေါင်းရင်းမြစ်များ

2 CHRONICLES 32:17

Enye onyuŋ ewet ŋwed esuene Jehovah Abasi Israel, onyuŋ ɔdɔhɔ abaŋa enye, ete, Kpa nte mme abasi mme idut efen etide, emi mikekemeke ndisio ikɔt mmɔ ke ubɔk mi, kpa ntre Abasi Hezekiah idisioho ikɔt esie ke ubɔk mi.

ISAIAH 10:15

Nte ekuri ekeme ndibure mbure ŋkan andida enye ŋkpi? Nte uyɔk-ŋkpɔ ekeme ndimenere idem ŋkan andida enye nyɔk? Eto ikemeke ndimen andikama enye, esaŋ ikemeke ndimen se midige eto.

ISAIAH 36:15

Ekunyuŋ eyak Hezekiah esin mbufo ebere edem ye Jehovah, ete, jehovah iditreke ndinyaŋa nnyin: ke ididaha obio emi isin ke ubɔk edidem Assyria.

ISAIAH 36:18

Ekuyak Hezekiah abiaŋa mbufo, ete, Jehovah eyenyaŋa nnyin. Nte mme abasi mme idut kiet kiet ema enyaŋa isɔŋ mmɔ esio ke ubɔk edidem Assyria?

EZEKIEL 28:10

Afo eyekpa mkpa mbon edut ke ubɔk isen owo; koro edi ami ndɔhɔ. Uyo Ɔbɔŋ Jehovah edi emi.

EZEKIEL 32:19

Afo enem anie akan? Suhɔre na ye mbon edut.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

ZECHARIAH 12:3

Ndien ama ekem ke usen oro, nyenim Jerusalem ke edidobi itiat nnɔ kpu-kpru mme idut: kpukpru mmɔ eke emenerede enye eyewaha mbak-mbak: kpukpru mme idut ke ererimbot eyenyuŋ esop idem ebaŋa enye.

ZECHARIAH 2:8

Koro ntem ke Jehovah mme udim ɔdɔhɔ, ete Ke ini ubɔŋ edide, enye eyedɔŋ mi utom ke ɔtɔ mme idut oro ekebumede mbufo: koro enye emi otukde mbufo otuk eyen enyin esie.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:10

Ndien Philistine oro ɔdɔhɔ ete, Ami nsin mbon-ekɔŋ mme Israel ke ndek mfin emi: mbufo enɔ mi owo man nnyin iwana ye enye.

1 SAMUEL 17:26

Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:35

ndien ŋwɔrɔ mbine enye, nnyuŋ ŋwot enye, nnyuŋ nsio enye ke inua esie mfep: ndien ke ini enye adahade ada, ete iŋwana ye ami, mmum enye ntaŋ-ebek, nyibi enye ŋwot.

1 SAMUEL 17:37

David onyuŋ ɔdɔhɔ ete, Jehovah emi okosiode mi ke ubɔk lion, ye ke ubɔk bear, eyesio mi ke ubɔk Philistine emi. Ndien Saul ɔdɔhɔ David, ete, Ka; Jehovah onyuŋ osuk odu ye afo.

1 SAMUEL 18:17

Ndien Saul ɔdɔhɔ David, ete, Se adiaha mi Merab, nyeda enye nnɔ fi ɔdɔ; edi afo di owo uko nɔ mi, nyuŋ ŋwana ekɔŋ Jehovah. Koro Saul ɔdɔhɔde ete, Ubɔk mi okutuk enye, edi yak ubɔk mme Philistine etuk enye.

1 SAMUEL 31:4

Ndien Saul ɔdɔhɔ andibiom ŋkpɔ-ekɔŋ esie, ete, Sio ofut fo, nyuŋ da enye kim mi; mbak mbio edut emi edidi edikim mi, enyuŋ enam mi ŋkpɔ but. Edi andibiom ŋkpɔ-ekɔŋ esie inyimeke: koro enye efehede ndik eti-eti. Ndien Saul ada ofut esie ɔduɔ ke esit.