1 SAMUEL 17:26 - Edisana ñwed Abasi Ibom

²⁶ Ndien David ɔdɔhɔ mmɔ emi edade ye enye, ete, Edinam nso enɔ owo eke ediwotde Philistine emi, onyuŋ odorore Israel but emi? Koro edut Philistine emi edi anie owo, eke enye ekpesinde mbon-ekɔŋ Abasi uwem ke ndek?

1 SAMUEL 17:26 ပူးပေါင်းရင်းမြစ်များ

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

2 CHRONICLES 32:17

Enye onyuŋ ewet ŋwed esuene Jehovah Abasi Israel, onyuŋ ɔdɔhɔ abaŋa enye, ete, Kpa nte mme abasi mme idut efen etide, emi mikekemeke ndisio ikɔt mmɔ ke ubɔk mi, kpa ntre Abasi Hezekiah idisioho ikɔt esie ke ubɔk mi.

NEHEMIAH 5:9

Ndien mmɔ edop uyo, inyuŋ inyeneke ibɔrɔ. Ndien ndɔhɔ nte, Ŋkpɔ emi mbufo enamde ifɔnke: nte mbufo ikpasaŋake ke uteŋe Abasi nnyin, ibak nsahi mme idut mme asua nnyin?

ŊWED MME PSALM 44:13

Onim nnyin ke ŋkpɔ nsahi mbɔhɔ-iduŋ nnyin, ye ke se mmɔ eke ekande nnyin ekuk, esuenede enyuŋ esakde.

ŊWED MME PSALM 74:18

Ti emi, usua ke esuene, O Jehovah; mbon ndisime esin enyiŋ fo ke ndek.

ŊWED MME PSALM 79:12

Ndien da esuene emi mbɔhɔiduŋ nnyin esuenede fi, Ɔbɔŋ, yak nɔ mmɔ ke ikpanesit utim ikatiaba.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 9:25

Jehovah ɔdɔhɔ ete, Sese, mme usen ke edi eke ndinɔde kpukpru mbon mbobi ufen ŋkɔrɔ ye mbon edut:

JEREMIAH 9:26

kpa Egypt, ye Judah, ye Edom, ye nditɔ Ammon, ye Moab, ye kpukpru mmɔ eke efatde ntaŋ-ebek, emi eduŋde ke wilderness: koro kpukpru mme idut edide edut, ofuri ufɔk Israel enyuŋ edi edut ke esit.

EZEKIEL 28:10

Afo eyekpa mkpa mbon edut ke ubɔk isen owo; koro edi ami ndɔhɔ. Uyo Ɔbɔŋ Jehovah edi emi.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

DANIEL 6:27

Enye anyaŋa onyuŋ osio, onyuŋ anam mme idiɔŋɔ ye mme utibe ŋkpɔ ke enyɔŋ ye ke isɔŋ, emi akanyaŋade Daniel osio ke ubɔk mme lion.

DANIEL 9:16

O Obɔŋ, kpa nte ofuri eti ido fo asaŋade, mbɔk, yak iyaresit fo ye ikpahesit fo ekabare ekpɔŋ obio fo Jerusalem, edisana obot fo: koro mme idiɔk ido nnyin ye mme ukwaŋ-ŋkpɔ mme ete nnyin esinde Jerusalem ye ikɔt fo ekabare edi ŋkpɔ esuene kpukpru mmɔ eke ekande nnyin ekuk.

JOEL 2:19

Ndien Jehovah eyebɔrɔ, onyuŋ ɔdɔhɔ ikɔt esie, ete, Sese, ami nyeda ibokpot nnɔ esɔk mbufo, ye obufa wine, ye aran, ndien mbufo eyeyuhɔ ke esit: ndinyuŋ nnimke aba mbufo ke ŋkpɔ but ke otu mme idut.

DEUTERONOMY 5:26

Koro anie odu ke otu kpukpru obukidem emi okokopde uyo Abasi uwem nte etiede ke ufɔt ikaŋ etiŋ, nte nnyin, ndien odu uwem?

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

JOSHUA 3:10

Ndien Joshua ɔdɔhɔ ete, Ntem ke mbufo edifiɔk ete ke Abasi uwem odudu ke ufɔt mbufo, idinyuŋ itreke ndibin mme Canaanite, ye mme Hittite, ye mme Hivite, ye mme Perizzite, ye mme Girgashite, ye mme Amorite, ye mme Jebusite, ke iso mbufo mfep.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.

1 SAMUEL 11:2

Ndien Nahash eyen Ammon ɔbɔrɔ mmɔ, ete, Ntem ke ndinyime ndinam ediomi ye mbufo, mma ntibi mbufo kpukpru enyin nnasia, nnyuŋ nda enye ndori ofuri Israel ke esuene.

1 SAMUEL 14:6

Ndien Jonathan ɔdɔhɔ akparawa oro obiomde ŋkpɔ-ekɔŋ esie, ete, Di, yak nnyin ibe ika ke itie mbon-ekɔŋ mme edut emi: ndusuk Jehovah eyenam ŋkpɔ ɔnɔ nnyin: koro ŋkpɔ baba kiet mikpanke Jehovah ndida uwak mme esisit nnyaŋa.

1 SAMUEL 17:10

Ndien Philistine oro ɔdɔhɔ ete, Ami nsin mbon-ekɔŋ mme Israel ke ndek mfin emi: mbufo enɔ mi owo man nnyin iwana ye enye.

1 SAMUEL 17:30

Ndien enye ɔwɔŋɔre ɔkpɔŋ enye ese owo efen, onyuŋ ɔdɔhɔ kpasuk ntre: ndien mmɔ ebɔrɔ enye ikɔ nte akpa ikɔ.

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

1 SAMUEL 31:4

Ndien Saul ɔdɔhɔ andibiom ŋkpɔ-ekɔŋ esie, ete, Sio ofut fo, nyuŋ da enye kim mi; mbak mbio edut emi edidi edikim mi, enyuŋ enam mi ŋkpɔ but. Edi andibiom ŋkpɔ-ekɔŋ esie inyimeke: koro enye efehede ndik eti-eti. Ndien Saul ada ofut esie ɔduɔ ke esit.