1 SAMUEL 17:10 - Edisana ñwed Abasi Ibom

¹⁰ Ndien Philistine oro ɔdɔhɔ ete, Ami nsin mbon-ekɔŋ mme Israel ke ndek mfin emi: mbufo enɔ mi owo man nnyin iwana ye enye.

1 SAMUEL 17:10 ပူးပေါင်းရင်းမြစ်များ

2 SAMUEL 21:21

Ndien adaŋemi enye esinde Israel ke ndek, Jonathan eyen Shimei eyen-eka David owot enye.

2 SAMUEL 23:9

Ndien Eleazar, eyen Dodai eyen Ahohi adiana enye, enye okodu ke otu mbon-uko ita ye David, ke ini mmɔ esahide mme Philistine oro ebonode ke itie-ekɔŋ, ndien nditɔ Israel edɔk edi:

2 NDIDEM 19:4

Ndusuk Jehovah Abasi fo eyekop kpukpru ikɔ Rabshakeh emi ete esie, edidem Assyria, ɔkɔdɔŋde ete edisuene Abasi uwem; eyenyuŋ asua ɔnɔ ikɔ emi Jehovah Abasi fo okokopde: menere ndien uyo fo kpe enye ubɔk nɔ nsuhɔ emi esuhɔde mi.

NEHEMIAH 2:19

Ekem adaŋemi Sanballat Horonite oro, ye Tobiah ofin, eyen Ammon, ye Geshem Arabian, ekopde, mmɔ esak nnyin, enyuŋ esin nnyin ke ndek, ete Nsidi ŋkpɔ emi mbufo enamde? Nte mbufo eyom ndisɔŋ ibuot ye edidem?

MME ŊKE 16:18

Iseri ebem nsobo iso: mkpon-esit onyuŋ ebem iduɔ iso.

JEREMIAH 9:23

Ntem ke Jehovah ɔdɔhɔ, ete, Owo eti ibuot okubure mbure ke eti ibuot esie, owo uko okunyuŋ obure mbure ke uko esie, owo inyene okunyuŋ obure mbure ke inyene esie:

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

1 SAMUEL 17:11

Ndien adaŋemi Saul ye ofuri Israel ekopde uyo Philistine oro, nsia oyomo mmɔ, mmɔ enyuŋ edige eti-eti.

1 SAMUEL 17:36

Owo fo okowot lion ye bear; ndien edut Philistine emi eyebiet mmɔ kiet, koro enye emesin mbon-ekɔŋ Abasi uwem ke ndek.

1 SAMUEL 17:45

Ndien David ɔdɔhɔ Philistine, ete, Afo ada ofut, ye eduat, ye onyim etiene mi: edi ami nda enyiŋ Jehovah mme udim, Abasi mbon-ekɔŋ; Israel, emi afo esinde ke ndek, ntiene fi.