1 SAMUEL 16:7 - Edisana ñwed Abasi Ibom

⁷ Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.

1 SAMUEL 16:7 ပူးပေါင်းရင်းမြစ်များ

GENESIS 4:5

Ndien Jehovah ese Abel ke iso, ye uwa esie: edi isehe Cain, ye uwa esie. Ndien Cain ofut esit eti eti, iso onyuŋ ɔkpuhɔre enye.

2 SAMUEL 14:25

Baba owo kiet eke eyede nte Absalom inyuŋ iduhe ke ofuri Israel, emi etorode eti-eti: ɔtɔŋɔde ke ikpat ukot esie tutu osim ke etiŋe ibuot enye inyeneke baba ndo kiet.

2 SAMUEL 7:20

Ndien nso ŋkpɔ eŋwen ke David edidɔhɔ fi? Ŋkɔm afo ɔmɔfiɔk owo fo, O Ɔbɔŋ Jehovah.

1 NDIDEM 8:39

afo tie ndien ke enyɔŋ, ebiet iduŋ fo, kop, nyuŋ dahado, nyuŋ nam, nyuŋ nɔ owo emi afo ɔfiɔkde esit esie, nte kpukpru usuŋ esie edide: koro afo ikpɔŋ ɔfiɔkde esit kpukpru nditɔ Adam;

1 CHRONICLES 17:18

Nso ŋkpɔ efen ke David edidɔhɔ fi ndikpono owo fo, sia afo ɔfiɔkde owo fo?

1 CHRONICLES 28:9

Ndien afo Solomon eyen mi, fiɔk Abasi usɔ, nyuŋ nam ŋkpɔ esie ke ofuri esit, ye ke ima ukpɔŋ: koro Jehovah ɔduŋɔde kpukpru esit owo, onyuŋ otim ɔfiɔk kpukpru se ekikere obotde: afo ama oyom enye, eyekut enye; edi ama ɔkpɔŋ enye, enye eyemen fi ɔduɔk tutu amama.

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

2 CHRONICLES 6:30

afo tie ndien ke enyɔŋ, ke ebiet-iduŋ fo, kop, nyuŋ dahado, nyuŋ nɔ owo kpa nte ekemde ye kpukpru ido enye emi afo ɔfiɔkde esit esie: (koro afo ikpɔŋ-ikpɔŋ ɔfiɔkde esit nditɔ Adam:)

ŊWED JOB 10:4

Nte afo emenyene enyin obukidem?

ŊWED JOB 35:5

Tiŋ enyin ke heaven, nyuŋ se ikpa-enyɔŋ emi okoŋde akan fi.

ŊWED MME PSALM 139:2

Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

ŊWED MME PSALM 7:9

Mbɔk, nam idiɔk ido mme idiɔk owo etre, nyuŋ nam edinen owo ɔsɔŋ ada: afo, edinen Abasi, onyuŋ odomo esit ye ekput.

MME ŊKE 15:11

Hell ye nsobo ena ke iso Jehovah: ŋwaŋwa ediso esit nditɔ owo?

MME ŊKE 16:2

Kpukpru usuŋ owo esana ke enyin esie: edi Jehovah odomo spirit.

MME ŊKE 24:12

Afo ama ɔdɔhɔ ete, “Sese, mmimɔ ikɔfiɔkke;” nte andidomo esit itimke ikut? Nte andikpeme ukpɔŋ fo ifiɔkke? Nte enye idinyuŋ inɔŋɔ owo nte utom owo edide?

MME ŊKE 31:30

Mfɔnidem edi nsu, uyai onyuŋ edi ikpikpu edi eyetoro ŋwan eke abakde Jehovah.

JEREMIAH 11:20

Edi O Jehovah mme udim, emi ekpede edinen ikpe, odomo nsia ye esit, nyekut nte afo osiode usiene ye mmɔ: koro mmayarade ikɔ mi nnɔ fi.

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 20:12

Ndien, O Jehovah mme udim, emi odomode edinen owo, onyuŋ okutde ekput ye esit, yak ŋkut usiene eke afo edisiode ye mmɔ: koro mmayarare ikɔ mi nnɔ fi.

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

JOHN 7:24

Ekukpe ikpe nte etiede owo ke enyin, edi ekpe edinen ikpe.

JOHN 8:15

Mbufo ebiere ŋkpɔ ke ido obukidem; Ami mbiereke ikpe baba owo kiet.

UTOM MME APOSTLE 1:24

Mmɔ enyuŋ ebɔŋ akam ete, Afo, ɔbɔŋ, emi ɔfiɔkde esit kpukpru owo, wut enye emi ekemekde ke otu owo iba emi,

2 ŊWED CORINTH 10:10

Koro mmɔ edɔhɔ ete, Ŋwed esie edobi enyuŋ esɔŋ; edi enye ke idem esie edi mmem-mmem, ikɔ-inua esie inyuŋ idige ŋkpɔ.

2 ŊWED CORINTH 10:7

Ese se inade mbufo ke iso. Edieke owo ekededi oburede ɔfiɔk ete imɔ idi owo Christ, yak enye ɔtɔŋɔ ntak ekere emi ŋko ke esit esie, ete, nte imɔ idide owo Christ, kpa ntre ke nnyin idi.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,

1 PETER 3:4

edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.

1 SAMUEL 2:3

Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido

1 SAMUEL 9:2

Ndien enye enyene eyen kiet ekere Saul ata eti ye ediye akparawa; ndien owo eke eyede akan enye iduhe ke otu nditɔ Israel: kpukpru owo eda enye ke afara.