1 SAMUEL 15:28 - Edisana ñwed Abasi Ibom

²⁸ Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 15:28 ပူးပေါင်းရင်းမြစ်များ

2 SAMUEL 3:10

nnyuŋ mbɔ ufɔk Saul itie edidem, nnyuŋ nnim ebekpo David ke Israel ye ke Judah, ɔtɔŋɔde ke Dan tutu osim ke Beer-sheba.

2 SAMUEL 3:18

enam ndien ke emi: koro Jehovah ɔkɔdɔhɔde abaŋa David, ete, Nyeda ubɔk owo mi David nnyaŋa ikɔt mi Israel, nsio ke ubɔk mme Philistine, ye ke ubɔk kpukpru mme asua mmɔ.

2 SAMUEL 3:9

Yak abasi osuk anam ntre ye Abner, onyuŋ anam ntre aka iso, ke mmendinamke nnɔ David kpa nte Jehovah ɔkɔwɔŋɔde ɔnɔ enye,

2 SAMUEL 6:21

Ndien David ɔdɔhɔ Michal, ete, Ke iso Jehovah emi ɔkɔkpɔŋde usɔ, ye ofuri ufɔk esie, emek mi onim ke etubom ikɔt Jehovah, kpa Israel: oro esin mbre mbre ke iso Jehovah.

1 NDIDEM 11:11

Ndien Jehovah ɔdɔhɔ Solomon, ete, Koro edide ntem ye afo, mukonyuŋ unimke ediomi mi, ye mme ewuhɔ mi, emi ŋkowukde fi, nditreke ndiwai fi ubɔŋ ke ubɔk mbɔ, nnyuŋ nda enye nnɔ owo fo.

1 CHRONICLES 10:14

onyuŋ obupde enye; ndien mibupke Jehovah: mmɔdo Enye owotde enye, onyuŋ akabarede ubɔŋ ɔnɔ David eyen Jesse.

ŊWED JOB 34:24

Enye anuak mkpɔsɔŋ owo mbak-mbak, ndien iduŋɔke, onyuŋ emenere owo efen onim ke itie mmɔ.

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:32

Ubɔŋ amadaha ɔkpɔŋ fi; ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt; eyebɔk fi ke mbiet nte enaŋ; ndien isua itiaba eyebe fi, tutu afo edifiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

JOHN 19:11

Jesus ɔbɔrɔ enye ete, Ukpenyeneke odudu ndinam Mi ŋkpɔ, ke Abasi mikpetiehe ke enyɔŋ inɔ fi odudu: mmɔdo idiɔk-ŋkpɔ owo emi adade Mi edisin fi ke ubɔk okpon akan.

UTOM MME APOSTLE 13:22

Edi ke Enye ama ekemen enye efep, anam David adaha ada, ete edi edidem mmɔ: onyuŋ ɔdɔhɔ abaŋa enye ete, Mmokut David eyen Jesse, owo emi ekemde esit ye Ami, emi edinamde ofuri uduak Mi.

ŊWED MBON ROME 13:1

KPUKPRU owo esuk idem enɔ mme enyene-odudu emi ekarade; koro odudu iduhe ke mitoho Abasi; ndien mme enyene-odudu emi edude kemi, edi Abasi okonim mmɔ.

1 SAMUEL 13:14

Edi ke emi ubɔŋ fo idibigike: Jehovah ama oyom owo ke idem esie eke ekemde esit ye enye, Jehovah ama onyuŋ eteme enye, ete edi etubom ikɔt imɔ, koro afo mukonimke se Jehovah eketemde fi.

1 SAMUEL 16:12

Ndien enye ɔdɔŋ ekeda enye edi. Enye onyuŋ oyibe, onyuŋ eye iso, onyuŋ ɔfɔn ndise. Ndien Jehovah ɔdɔhɔ enye, Daha ke enyɔŋ, yet enye aran, koro edide emi edi enye.

1 SAMUEL 18:8

Ndien Saul ayat esit eti-eti, ikɔ emi inyuŋ inemke enye; ndien enye ɔdɔhɔ, ete, Mmɔ emenɔ David mme tɔsin duop, edi ami mmɔ enɔ mme tɔsin: ndien ubɔŋ ikpɔŋ-ikpɔŋ osuk enye ndida kaŋa.

1 SAMUEL 25:30

Ndien ama ekem ke adaŋemi Jehovah edinamde ɔbɔŋ mi kpukpru ufɔn emi enye ɔkɔdɔhɔde abaŋa fi, edinyuŋ onimde fi ke etubom Israel;