1 SAMUEL 15:24 - Edisana ñwed Abasi Ibom

²⁴ Ndien Saul ɔdɔhɔ Samuel, ete, Mmanam idiɔk: koro mmeŋ ŋkokpe uyo Jehovah, ye ikɔ fo: koro ŋkefehede mbon emi, nnyuŋ ŋkop uyo mmɔ.

1 SAMUEL 15:24 ပူးပေါင်းရင်းမြစ်များ

GENESIS 3:12

Ndien owo oro ɔdɔhɔ, ete, Ŋwan emi afo ɔkɔnɔde ete odu ye ami, enye ɔkɔnɔ mi mfri eto oro, ami nnyuŋ ndia.

GENESIS 3:17

Ndien enye ɔdɔhɔ eren owo ete, Koro afo okopde uyo aŋwan fo, onyuŋ adiade mfri eto emi ŋkowukde fi, nte, Kudia ke esit: osuk ɔdiɔk ɔnɔ isɔŋ abaŋa fi; ke ukut ke afo edidia ke esit ke ofuri ini uwem fo:

2 SAMUEL 12:13

Ndien David ɔdɔhɔ Nathan, ete, Mmanam idiɔk ido ye Jehovah. Ndien Nathan ɔdɔhɔ David, ete, Jehovah ɔmɔnyuŋ adahado ke idiɔk ido oro ɔnɔ fi; afo udukpaha.

ŊWED JOB 31:34

Koro mfehede ererimbot, koro nsahi mme esien onyuŋ anamde mi ndikhe, ndien ndop uyo, ndien ntoho ke inua-otop ŋwɔrɔ.

ŊWED MME PSALM 51:4

Mmedue fi, kpa fi ikpɔŋ, mmonyuŋ nnam idiɔk ke iso fo: man afo enen ke ikɔ fo, onyuŋ edi edisana ke ini afo ekpede ikpe.

EXODUS 10:16

Ndien Pharaoh awara okot Moses ye Aaron edi; ndien enye ɔdɔhɔ ete, Mmedue Jehovah Abasi mbufo, ye mbufo ŋko.

EXODUS 23:2

Kutiene ediwak owo edem uka udiɔk; kunyuŋ ubɔrɔ ke ikpe uwaha utiene ediwak owo edem, man akwaŋa ikpe:

EXODUS 9:27

Ndien Pharaoh ɔdɔŋ ekekot Moses ye Aaron edi; onyuŋ ɔdɔhɔ mmɔ ete, Mmanam idiɔk ke ini emi: Jehovah enenen; edi ami ye mbio mi imɔdiɔk.

MME ŊKE 29:25

Uteŋe owo ɔkɔk afia onim: edi eda owo eke ɔbuɔtde idem esie ye Jehovah emenere enye enim ke enyɔŋ.

JEREMIAH 38:5

Ndien edidem Zedekiah ɔdɔhɔ ete, Sese, enye mmɔdo ke ubɔk mbufo: koro midige edidem ekeme ŋkpɔ ye mbufo.

NUMBERS 22:34

Ndien Balaam ɔdɔhɔ angel Jehovah, ete, Mmanam idiɔk: koro nmeŋkɔfiɔkke nte afo amada ke usuŋ ndibiɔŋɔ mi: ndien ke emi mifɔnke fi ke enyin, kam yak mfiak edem.

MATTHEW 27:4

Edi mmɔ ete enye, Nnyin isaŋa nso do? Ikɔ fo edi oro.

ŊWED MBON GALATIA 1:10

Koro nte nyoyom owo enen iso ye ami, mme nte nyoyom Abasi enen iso ye ami ke emi? mme nte ŋwaŋwana ndinem owo esit? Edieke ŋkposuk nnemde owo esit, ŋkpedige owo Christ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

1 SAMUEL 15:15

Ndien Saul ɔdɔhɔ ete, Ekeda mmɔ ke Amalek edi: koro mbon-ekɔŋ ekekpɔŋde ŋkpri ufene ye enaŋ eke efɔnde, man ewa enɔ Jehovah Abasi fo; edi nnyin ima isobo mmɔ eken.

1 SAMUEL 15:30

Ndien enye ɔdɔhɔ ete, Mma nnam idiɔk ido: edi kam kpono mi, mbɔk, ke iso mbiowo ikɔt mi, ye ke iso Israel, nyuŋ tiene mi fiak edem, man ntuak ibuot nnɔ Jehovah Abasi fo.

1 SAMUEL 15:9

Ndien Saul ye kpukpru owo eyak Agag, ye ŋkpri ufene, ye enaŋ eke edide nti, ye eke oruk efen, ye nditɔ-erɔŋ, ye kpukpru se ifɔnde, inyuŋ inyimeke ndisobo mmɔ: edi mmɔ esobo kpukpru ufene eke edide mbukkpo ye mfum-mfum.

1 SAMUEL 2:29

Nsinam mbufo edigide mme uwa mi ke ukot, ye inuak-udia mi, emi ŋkowukde ke ebiet iduŋ mi? Afo omonyuŋ okpono nditɔ fo akan mi ke erinam idem mbufo ekpon ke akpan kpukpru mme uwa Israel ikɔt mi.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.