1 SAMUEL 15:22 - Edisana ñwed Abasi Ibom

²² Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

1 SAMUEL 15:22 ပူးပေါင်းရင်းမြစ်များ

GENESIS 4:4

Abel onyuŋ ada akpa nditɔ ŋkpri ufene esiemɔ ye ikpɔŋ mmɔ ɔnɔ.

EXODUS 19:5

Mmɔdɔ edieke mbufo miditreke ndikop uyo mi, nnyuŋ nnim ediomi mi, mbufo eyedi ndien akpan inyene mi ekan kpukpru obio: koro ofuri ererimbot edide okim.

MME ŊKE 21:3

Jehovah ama erinam eti ido ye edinen ikpe akan uwa.

ECCLESIASTES 5:1

KPEME ukot fo ke adaŋemi afo akade ke ufɔk Abasi, ndien ndisaŋa ŋkpere man okop, ɔfɔn akan uwa eke ndisime owo awade: koro mmɔ mikereke ite ke mmimɔ inam idiɔk.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 26:13

Mbufo ekabare ndien usuŋ mbufo, ye ido mbufo enam ɔfɔn, enyuŋ ekop uyo Jehovah Abasi mbufo; ndien Jehovah eyedahado ke idiɔk-ŋkpɔ oro enye ɔdɔhɔde abaŋa mbufo.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

MATTHEW 12:7

Edi edieke mbufo ekpɔfiɔkde se ikɔ emi ɔdɔhɔde ete, Edi mbɔm ke nyom, idige uwa, ɔwɔrɔde, mbufo ikpobiomke mmɔ emi miduehe.

MATTHEW 23:23

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo esiode ubak ikɔŋ ye mfri ye mkpasip kiet ke itie duop enɔ Abasi, enyuŋ etrede ndinam ikpɔ ŋkpɔ ibet, ikpe, ye mbɔm, ye mbuɔtidem.

MATTHEW 5:24

kpɔŋ enɔ fo do ke iso itie-uwa, ka kebem iso nam emem ye eyen -ete fo, ndien di diwa enɔ fo.

MATTHEW 9:13

Edi eka ekekpep se ikɔ emi ɔwɔrɔde, Edi mbɔm ke nyom, idige uwa. Koro ŋkedige ndikot ndinen owo, edi mme idiɔk owo.

MARK 12:33

ndien owo ndima Enye ke ofuri esit, ye ke ofuri asian ye ke ofuri odudu, ndinyuŋ mma mbɔhiduŋ esie nte idem esie omotim okpon akan kpukpru erifɔp enɔ ye uwa.

1 SAMUEL 13:12

ndien ndɔhɔ nte, Ke emi mme Philistine eyesuhɔre ebine mi ke Gilgal, ndien ŋkpehe kaŋa Jehovah ubɔk: ndien nsɔŋ esit mfɔp edifɔp uwa.

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.