1 SAMUEL 15:11 - Edisana ñwed Abasi Ibom

¹¹ Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

1 SAMUEL 15:11 ပူးပေါင်းရင်းမြစ်များ

GENESIS 6:6

Ndien Jehovah atua ŋkpɔfiɔk koro enye akanamde owo ke isɔŋ, esit onyuŋ ayat enye.

GENESIS 6:7

Ndien Jehovah ɔdɔhɔ ete, Nyesɔhi owo emi mbotde ke iso isɔŋ mfep; ntɔŋɔ ye owo nsim ufene, ye ɔnyɔni, ye inuen enyɔŋ: koro mmatua ŋkpɔfiɔk koro ŋkanamde mmɔ.

2 SAMUEL 24:16

Ndien adaŋemi angel oro anyande ubɔk esie ese Jerusalem, ete isobo enye, mbɔm idiɔk-ŋkpɔ oro anam Jehovah, enye onyuŋ ɔdɔhɔ angel oro, ete, Ekem, ndien: fep ubɔk fo. Ndien angel Jehovah ada ke ɔtɔ ubek ibokpot Araunah Jebusite.

1 NDIDEM 11:9

Ndien Jehovah ayat esit ye Solomon, koro esit esie akabarede ɔkpɔŋ Jehovah Abasi Israel, emi okowutde enye idem utim ikaba;

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

1 CHRONICLES 21:15

Abasi onyuŋ ɔdɔŋ angel esie, ete aka okosobo Jerusalem: ndien ke ini enye osobode, Jehovah ese, onyuŋ atua mkpɔfiɔk ke idiɔk-ŋkpɔ oro, onyuŋ ɔdɔhɔ angel emi osobode, ete, Ekem, suk ubɔk fo, ndien. Ndien angel Jehovah ke ada ke ebiet-ubek-ibokpot Ornan Jebusite.

ŊWED JOB 34:27

Oto koro mmɔ ekefiakde ekpɔŋ enye, minyuŋ ikereke usuŋ esie baba kiet;

ŊWED MME PSALM 109:4

Mmɔ esua mi ke usiene ima mi, edi ami nsuk nnam mkpeubɔk.

ŊWED MME PSALM 110:4

Jehovah ɔmɔŋwɔŋɔ, idinyuŋ ituaha mkpɔfiɔk, Afo edi nsinsi oku, nte utɔ Melchizedek asaŋade.

ŊWED MME PSALM 119:136

koro mmɔ minimke ido fo.

ŊWED MME PSALM 125:5

Ndien ama edi mmɔ eke ewahade eduk ke ŋkwaŋa usuŋ mmɔ, Jehovah eyeyak mmɔ eka ye mme anam-idiɔk. Yak emem odu ye Israel.

ŊWED MME PSALM 36:3

Ikɔ inua esie edi abiaŋa ye nsu: enye emetre ndidi ɔniɔŋ nnyuŋ nnam eti.

ŊWED MME PSALM 78:41

Enyuŋ etɔŋɔ ntak edomo Abasi, enyuŋ esuene Edisana Abasi Israel.

ŊWED MME PSALM 78:57

Enyuŋ efiak edem, enyuŋ enam abiaŋa nte mme ete mmɔ: mmɔ ekabare nte emik utiga.

EXODUS 32:11

Ndien Moses ekpe Jehovah Abasi esie ubɔk, ete, O Jehovah, nsinam iyaresit fo asakde ntem ye ikɔt fo, emi afo okosiode mmɔ ke isɔŋ Egypt, ke akwa odudu, ye ke ɔkpɔsɔŋ ubɔk?

EXODUS 32:14

Ntem ke Jehovah adahado ke idiɔk-ŋkpɔ emi enye ekekerede ndinam ikɔt esiemɔ.

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 34:16

ndien mbufo etɔŋɔ ntak esabare enyiŋ mi, enyuŋ enam ifin iren mbufo ye ifin iban mbufo, emi mbufo ekeyakde ewɔrɔ ufin, nte mmɔ emade, efiak, enyuŋ ekan mmɔ ubɔk, ete edi ifin iren mbufo ye ifin iban mbufo.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

JEREMIAH 9:18

Ndien yak mmɔ ewara emen ntuaŋa ebaŋa nnyin, man mmɔŋeyet oto nnyin ke enyin ɔsuhɔre, man mmɔŋ onyuŋ oto nnyin ke mkpɔk-enyin ewet.

EZEKIEL 18:24

Ndien ke adaŋemi edinen owo ɔkpɔŋde edinen ido esie afiak edem, onyuŋ anam mme ukwaŋ-ŋkpɔ, onyuŋ anam nte asaŋade ye kpukpru mbubiam ido emi idiɔk owo anamde, nte enye eyedu uwem? Iditihi edinen ido esie eke enye anamde baba kiet: enye eyekpa ke ndudue esie eke enye eduede, ye ke idiɔk ido eke enye anamde.

AMOS 7:3

Emi esin Jehovah akabare ido: Jehovah ɔdɔhɔ, ete, Ididige.

JONAH 3:10

Ndien Abasi okut se mmɔ enamde, koro mmɔ ekpɔŋde mme idiɔk ido mmɔ efiak edem; Abasi onyuŋ akabare esit ke idiɔk-ŋkpɔ oro enye ɔkɔdɔhɔde, ete ke imɔ iyenam mmɔ; ndien etre, inamke.

JONAH 4:2

O Jehovah, mbɔk, nte emi idige uyo mi ke ŋkodude ke edem nnyin? Oro ekesin mi mfehe ŋka ke Tarshish ke akpa: koro mfiɔkde nte afo edi Abasi mbɔm ye mfɔn, usɔpke iyaresit, edi okpon ima, onyuŋ akabare esit ke idiɔk-ŋkpɔ.

ZEPHANIAH 1:6

ye mmɔ eke ekpɔŋde Jehovah efiak edem; eke miyomke Jehovah ŋko, minyuŋ ibineke enye.

MATTHEW 24:13

Edi eyenyaŋa owo eke edimede ime tutu osim akpatre.

MATTHEW 5:44

Edi Ami ndɔhɔ mbufo nte, ema mme asua mbufo enyuŋ ebɔŋ akam eyom ufɔn mmɔ eke enamde mbufo isin-enyin:

LUKE 6:12

Edikem ke mme usen oro, Enye ɔwɔrɔ ɔdɔk ke akamba obot ndibɔŋ akam; onyuŋ ama ofuri okoneyo ke eribɔŋ akam nɔ Abasi.

MME HEBREW 10:38

Edi edinen owo Mi edidu uwem ke mbuɔtidem: Ndien edieke enye edikhede afiak edem, ukpɔŋ Mi idikopke inemesit ke enye.

JOSHUA 22:16

ndien edɔhɔ mmɔ, ete, Ntem ke ofuri esop Jehovah edɔhɔ, ete, Nso oruk eridue edi emi mbufo eduede Abasi Israel, ke erifiak mfin ŋkpɔŋ Jehovah, ŋkanam itie-uwa ke idem mbufo, man mbufo esɔŋ ibuot ye Jehovah mfin emi?

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 13:13

Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

1 SAMUEL 15:10

Ekem uyo Jehovah osim Samuel,ete,

1 SAMUEL 15:3

Ka, ndien kasuan Amalek, mbufo enyuŋ esobo kpukpru se mmɔ enyenede, kufen mmɔ: edi wot eren, ye ŋwan, ye eyen-ɔwɔŋ, ye nsek-eyen, ye enaŋ, ye ŋkpri ufene, ye camel, ye ass.

1 SAMUEL 15:35

Ndien Samuel itɔŋɔke aba ntak ikut Saul tutu osim usen mkpa esie: edi Samuel atua Saul: Jehovah onyuŋ atua mkpɔfiɔk koro enye okonimde Saul ke edidem Israel.

1 SAMUEL 15:9

Ndien Saul ye kpukpru owo eyak Agag, ye ŋkpri ufene, ye enaŋ eke edide nti, ye eke oruk efen, ye nditɔ-erɔŋ, ye kpukpru se ifɔnde, inyuŋ inyimeke ndisobo mmɔ: edi mmɔ esobo kpukpru ufene eke edide mbukkpo ye mfum-mfum.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 8:6

Edi ikɔ oro inemke Samuel, ke ini mmɔ edɔhɔde ete, Nɔ nnyin edidem eke edikpede ikpe nnyin.