1 SAMUEL 14:40 - Edisana ñwed Abasi Ibom

⁴⁰ Ndien enye ɔdɔhɔ ofuri Israel, ete, Mbufo eda edem kiet, ndien ami ye Jonathan eyen mi iyeda ke edem eken. Ndien kpukpru owo edɔhɔ Saul, ete, Nam nte afo amade.

1 SAMUEL 14:40 ပူးပေါင်းရင်းမြစ်များ

2 SAMUEL 15:15

Ndien ikɔt edidem edɔhɔ edidem, ete, Sese, ikɔt fo ke eda ke ndinam kpukpru se ɔbɔŋ mi edidem oyomde.

1 SAMUEL 1:23

Ndien Elkanah ebe esie ɔdɔhɔ enye, ete, Nam se afo amade; tie tutu anam enye adaha ke eba; edi yak Jehovah anam uyo esie ɔsɔŋɔ ada. Ndien ŋwan oro etie ɔnɔ eyen esie eba, tutu enam enye adaha ke eba.

1 SAMUEL 14:36

Ndien Saul ɔdɔhɔ ete, Yak nnyin isuhɔre ibine mme Philistine ke okoneyo emi, inyuŋ ibume mmɔ tutu eyo esiere, ikunyuŋ iyak baba owo mmɔ kiet ɔbɔhɔ. Ndien mmɔ ebɔrɔ ete, Nam kpukpru se afo amade. Edi oku ɔdɔhɔ ete, Yak nnyin itiene Abasi mi.

1 SAMUEL 14:39

Koro, ma uwem Jehovah emi anyaŋade Israel, ama odu ye Jonathan eyen mi, enye iditreke ndikpa. Edi baba ofuri owo mmɔ kiet ibɔrɔke enye.

1 SAMUEL 14:41

Ndien Saul ɔdɔhɔ Jehovah, ete, O Abasi Israel, wut edem eke miduehe. Ndien eda Saul ye Jonathan: ndien mmɔ eken ebɔhɔ.

1 SAMUEL 14:7

Ndien andibiom ŋkpɔ ekɔŋ esie ɔdɔhɔ enye, ete, Nam kpukpru se idude fi ke esit: wɔŋɔre; sese ami mi ye afo ke owo ŋkemesit fo.