1 SAMUEL 14:27 - Edisana ñwed Abasi Ibom

²⁷ Edi Jonathan ikopke ke ini oro ete esie okowukde kpukpru owo; ndien enye anyan iso esaŋ oro odude enye ke ubɔk, edebi ke aran-ɔkwɔk, ndien adian ubɔk esie ke inua; ndien enyin eŋwaŋa enye.

1 SAMUEL 14:27 ပူးပေါင်းရင်းမြစ်များ

MME ŊKE 24:13

Eyen mi, dia aran-ɔkwɔk, koro ɔfɔnde; ye obukpa ɔkwɔk emi eniŋede fi ke nsiŋ.

MME ŊKE 25:26

Idim eke etimerede, ye obube mmɔŋ eke abiarade, ebiet eti owo eke ɔduɔde ke iso idiɔk.

1 SAMUEL 14:28

Ndien owo kiet ke otu mbon oro ɔbɔrɔ ete, Usɔ ɔsɔŋ owuk kpukpru owo, ete, Okufɔfɔn ɔnɔ owo eke editade uyo mfin emi.

1 SAMUEL 14:29

Ndien kpukpru owo ekpa mba. Ndien Jonathan ɔdɔhɔ ete, Ete mi odutuhɔ kpukpru owo: se, mbɔk, nte enyin aŋwaŋade mi, koro ntabide aran-ɔkwɔk emi esisit.

1 SAMUEL 14:43

Ndien Saul ɔdɔhɔ Jonathan, ete, Sian mi se afo akanamde. Ndien Jonathan asian enye, ete, Ŋkada iso eto emi odude mi ke ubɔk ntabi aran-ɔkwɔk esisit. Sese, ami mmɔŋ ŋkpa.

1 SAMUEL 30:12

enyuŋ enɔ enye ubak ebok fig, ye ebok edisat grape iba: ndien adaŋemi enye adiade, ukpɔŋ eset enye: koro enye mikadiaha ŋkpɔ, mikonyuŋ iŋwɔŋke mmɔŋ ke uwemeyo ita ye okoneyo ita.