1 SAMUEL 14:19 - Edisana ñwed Abasi Ibom

¹⁹ Edikem ke ini Saul osuk ɔdɔhɔde ye oku, mkpo oro odude ke nna-ekɔŋ mme Philistine ɔdɔdiɔŋ ɔdɔk aka iso. Ndien Saul ɔdɔhɔ oku, ete, Sio ubɔk fo.

1 SAMUEL 14:19 ပူးပေါင်းရင်းမြစ်များ

ŊWED MME PSALM 106:13

Mmɔ esɔp ndifre se enye akanamde; mmɔ ibetke item esie.

ISAIAH 28:16

Mmɔdo ntem ke Ɔbɔŋ Jehovah ɔdɔhɔ, ete, Sese, ami mmonim itiat ke Zion, itiat eke edomode, ɔsɔŋ-urua itiat inuk, emi etimde esin ke idak ibibene: owo eke ɔbuɔtde idem idinyeneke ndifehe.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

JOSHUA 9:14

Ndien mbio oro ebɔ mmɔ udia, inyuŋ ibupke uyo Jehovah.

1 SAMUEL 13:11

Ndien Samuel obup ete, Nso ke afo akanam? Ndien Saul ɔbɔrɔ ete, adaŋemi ŋkutde nte kpukpru owo esuanade ekpɔŋ mi, afo mukonyuŋ udige ke ini oro ekedoride, ye nte mme Philistine ebonode ke Michmash;

1 SAMUEL 14:20

Ndien Saul owuk kpukpru owo oro edude ye enye: ndien mmɔ eka ekeduk ke ekɔŋ: ndien, sese, ofut kpukpru owo ke ekpeŋe ekemɔ owo, nsobo onyuŋ okpon eti-eti.

1 SAMUEL 14:24

Ndien nditɔ Israel ekpa mba ke usen oro: koro Saul ama okowuk kpukpru owo, ete, Idifɔnke fɔn inɔ owo eke editade uyo tutu osim mbubreyo, man nsio usiene ye mme asua mi.

1 SAMUEL 30:7

Ndien David ɔdɔhɔ Abiathar oku, eyen Ahimelech, ete, Mbɔk, da ephod di nɔ mi. Ndien Abiathar ada ephod edi ke ɔtɔ David.