1 SAMUEL 14:15 - Edisana ñwed Abasi Ibom

¹⁵ Ndien nna-ekɔŋ, ye isɔŋ, ye kpukpru owo enyek, mbon-ukpeme ye mbon-uŋwo enyuŋ enyek ŋko, isɔŋ onyuŋ enyek: ndien akabare edi ata akwa nnyekisɔŋ.

1 SAMUEL 14:15 ပူးပေါင်းရင်းမြစ်များ

GENESIS 35:5

Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

2 SAMUEL 5:24

Ama ekem, ke ini afo okopde uyom ikpat ke mbuot eto mulberry, men idem ndien; koro ke ini oro ke Jehovah edibem fi iso ɔwɔrɔ akasuan nna-ekɔŋ mme Philistine.

ŊWED JOB 18:11

Ŋkpɔ-ndik ekan enye ekuk enam enye, enyuŋ ebin enye ikpat-isaŋ esie.

ŊWED MME PSALM 14:5

Do ke mmɔ efehe ndik: koro Abasi odude ke otu emana ndinen owo.

EXODUS 19:18

Ndien ofuri obot Sinai edi nsuŋikaŋ-nsuŋikaŋ; oto koro Jehovah etiede ke ikaŋ ɔsuhɔre ke esit: nsuŋikaŋ esie onyuŋ ɔwɔrɔ ɔdɔk nte nsuŋikaŋ furnace, ofuri obot onyuŋ enyek eti-eti.

DANIEL 5:6

Ndien iso edidem akabare kpai, ekikere esie enyuŋ etimere enye, ŋkek isin esie enyuŋ emem: edɔŋ esie kiet onyuŋ atuak eken.

MATTHEW 24:6

Mbufo eyenyuŋ ekop ebaŋa ekɔŋ ye etop ekɔŋ; ekpeme ekutimere esit; koro mme ŋkpɔ emi enyene ndiwɔrɔ; edi idige utit kaŋa.

JOSHUA 2:9

Ndien enye ɔdɔhɔ mmɔ oro, ete, Mmɔfiɔk nte Jehovah ada isɔŋ emi ɔnɔ mbufo, nte ndik mbufo onyuŋ ɔduɔ nnyin ke idem, nsia onyuŋ oyomo kpukpru mme andiduŋ isɔŋ emi abaŋa mbufo.

JUDGES 7:21

Ndien kpukpru owo etuak eda ke itie mmɔ ekan nna ekuk. Ndien ofuri nna etibi itɔk, enyuŋ esioŋo mkpo, enyuŋ efeŋe.

1 SAMUEL 13:17

Ndien udim mbon-uŋwo ita ewɔŋɔ ke nna-ekɔŋ mme Philistine: udim kiet ekabare eduk usuŋ Ophrah, eka ke isɔŋ Shual:

1 SAMUEL 13:18

udim kiet enyuŋ ekabare eduk ke usuŋ Beth-horon: udim eken enyuŋ ekabare eka ke usuŋ adaŋa eke esede itihere Zeboim ke edem wilderness.

1 SAMUEL 13:23

Ekem mbon-ekɔŋ mme Philistine ewɔŋɔ eka ke ebiet-ube ebedeŋ Michmash.

1 SAMUEL 14:14

Ndien mmɔ oro Jonathan ye andibiom ŋkpɔ-ekɔŋ esie ekebemde iso ewot, esim owo edip, ke ibio ubak isɔŋ nte enaŋ iba ekemede ndifuŋ.

1 SAMUEL 14:16

Ndien mbon-ukpeme Saul ke Gibeah Benjamin ese; ndien, sese, otu owo oro ke esuana, enyuŋ edediɔŋ esuana eka iso.

1 SAMUEL 7:10

Ndien ke ini Samuel osuk ɔfɔpde edifɔp uwa oro, mme Philistine esaŋa ekpere ndiŋwana ye Israel: edi Jehovah atuak enyɔŋ, ada ɔkpɔsɔŋ uyo okuni mme Philistine, onyuŋ asuan mmɔ usen oro; ndien mmɔ enuaha ke iso Israel.