1 SAMUEL 14:13 - Edisana ñwed Abasi Ibom

¹³ Ndien Jonathan ada ubɔk esie ye ukot esie ɔdɔk, andibiom ŋkpɔ-ekɔŋ esie onyuŋ etiene enye ke edem: ndien mmɔ oro eduɔŋɔ ke iso Jonathan; andibiom ŋkpɔ-ekɔŋ esie onyuŋ etiene enye owot.

1 SAMUEL 14:13 ပူးပေါင်းရင်းမြစ်များ

ŊWED MME PSALM 18:29

Koro afo eyenam mi mbumere udim-ekɔŋ: Abasi mi onyuŋ anam mi mfrɔ

ŊWED MBON ROME 8:31

Nso ke ididɔhɔ ndien ibaŋa ŋkpɔ emi? Edieke Abasi adade ye nnyin, anie edikeme ndibiɔŋɔ nnyin?

DEUTERONOMY 28:7

Jehovah eyeda mme asua fo eke edahade eda eŋwana ekɔŋ ye afo, onim fo ke iso asuan mmɔ: mmɔ eyewɔŋɔ ekɔŋ ye afo ke usuŋ kierakiet, edi ke usuŋ itiaba ke mmɔ edifeŋe ke iso fo.

DEUTERONOMY 32:30

Owo kiet ekpekeme didie ndibine tɔsin, iba ekpenyuŋ ekeme didie ndisin tɔsin duop efeŋe, ke midige Akwa Itiat mmɔ akanyam mmɔ, Jehovah okonyuŋ ayak mmɔ ɔnɔ?

MME HEBREW 11:34

ebɔhɔ iso ofut, ewɔŋɔ ekpɔŋ mmem-idem ekabare ekop idem, ewɔŋɔ edi uko ke ekɔŋ, enyuŋ enam udim-ekɔŋ mme idut efeŋe.

JOSHUA 23:10

Owo mbufo kiet eyebine tɔsin: koro edi Jehovah Abasi mbufo aŋwana ekɔŋ ɔnɔ mbufo, kpa nte enye ɔkɔdɔhɔde mbufo.

JUDGES 9:54

Ndien enye awara okot akparawa emi akamade ŋkpɔ-ekɔŋ esie, onyuŋ ɔdɔhɔ enye, ete, Sio ofut fo wot mi, mbak edidɔhɔ ebaŋa mi, ete ke edi ŋwan kiet okowot mi. Ndien akparawa esie okim enye owot.

1 SAMUEL 14:12

Ndien mbon-ekɔŋ oro edɔhɔ Jonathan ye andibiom ŋkpɔ-ekɔŋ esie, ete, Mbufo edɔk etiene nnyin, ndien nnyin iyewut mbufo ŋkpɔ. Ndien Jonathan ɔdɔhɔ andibiom ŋkpɔ-ekɔŋ esie, ete, Tiene mi dɔk, koro Jehovah adade mmɔ esin Israel ke ubɔk.

1 SAMUEL 14:14

Ndien mmɔ oro Jonathan ye andibiom ŋkpɔ-ekɔŋ esie ekebemde iso ewot, esim owo edip, ke ibio ubak isɔŋ nte enaŋ iba ekemede ndifuŋ.