1 SAMUEL 14:12 - Edisana ñwed Abasi Ibom

¹² Ndien mbon-ekɔŋ oro edɔhɔ Jonathan ye andibiom ŋkpɔ-ekɔŋ esie, ete, Mbufo edɔk etiene nnyin, ndien nnyin iyewut mbufo ŋkpɔ. Ndien Jonathan ɔdɔhɔ andibiom ŋkpɔ-ekɔŋ esie, ete, Tiene mi dɔk, koro Jehovah adade mmɔ esin Israel ke ubɔk.

1 SAMUEL 14:12 ပူးပေါင်းရင်းမြစ်များ

GENESIS 24:42

Ekem, ami nsim ke obube mmɔŋ mfin emi, ndien ndɔhɔ nte, Jehovah Abasi ete mi Abraham, mbɔk, edieke afo anamde mi ŋkut unen ke usuŋ mi emi ami ŋkade ke esit:

GENESIS 24:48

Ndien nnuhɔ nnyuŋ ntuak ibuot nnɔ Jehovah, nnyuŋ ntoro Jehovah Abasi ete mi Abraham, emi akanamde mi nsaŋa ke edinen usuŋ, ndida eyen eyen-ete ɔbɔŋ mi nnɔ eyen esie.

2 SAMUEL 5:24

Ama ekem, ke ini afo okopde uyom ikpat ke mbuot eto mulberry, men idem ndien; koro ke ini oro ke Jehovah edibem fi iso ɔwɔrɔ akasuan nna-ekɔŋ mme Philistine.

2 NDIDEM 14:8

Ndien Amaziah ɔdɔŋ mme isuŋutom ke ɔtɔ Jehoash, eyen Jehoahaz, eyen Jehu, edidem Israel, ete, Di, yak kiet ese kiet iso.

JUDGES 4:14

Ndien Deborah ɔdɔhɔ Barak, ete, Daha ke enyɔŋ; koro mfin emi edide usen emi Jehovah edidade Sisera esin fi ke ubɔk: nte Jehovah ibemke fi iso iwɔrɔ? Ndien Barak oto ke obot Tabor ɔsuhɔre, ye tɔsin owo duop oro etienede enye ke edem.

JUDGES 7:14

Ndien mbɔhiduŋ esie ɔbɔrɔ ete, Emi idige ŋkpɔ baba kiet, ibɔhɔke ofut Gideon, eyen Joash, owo Israel: Abasi mmɔŋ ada Midian ye ofuri nna ekɔŋ emi esin enye ke ubɔk.

JUDGES 7:15

Edikem ke ini Gideon okopde mbuk ndap oro, ye nte esiakde enye, enye atuak ibuot, ndien afiak ke nna Israel, onyuŋ ɔdɔhɔ ete, Mbufo edaha ke enyɔŋ: koro Jehovah amada nna ekɔŋ Midian esin mbufo ke ubɔk.

JUDGES 9:54

Ndien enye awara okot akparawa emi akamade ŋkpɔ-ekɔŋ esie, onyuŋ ɔdɔhɔ enye, ete, Sio ofut fo wot mi, mbak edidɔhɔ ebaŋa mi, ete ke edi ŋwan kiet okowot mi. Ndien akparawa esie okim enye owot.

1 SAMUEL 14:10

Edi mmɔ ema edɔhɔ ete, Mbufo edɔk etiene nnyin, ndien nnyin iyedɔk, koro Jehovah adade mmɔ esin nnyin ke ubɔk: ndien emi edidi idiɔŋɔ nnyin.

1 SAMUEL 14:13

Ndien Jonathan ada ubɔk esie ye ukot esie ɔdɔk, andibiom ŋkpɔ-ekɔŋ esie onyuŋ etiene enye ke edem: ndien mmɔ oro eduɔŋɔ ke iso Jonathan; andibiom ŋkpɔ-ekɔŋ esie onyuŋ etiene enye owot.