1 SAMUEL 13:6 - Edisana ñwed Abasi Ibom

⁶ Ke adaŋemi nditɔ Israel ekutde mbaba oro ababade mmɔ (koro efikde mmɔ) mmɔ edibe ke aba itiat, ye ke ikɔt, ye ke ikpɔ itiat, ye ke ŋkokoŋo ebiet, ye ke obube.

1 SAMUEL 13:6 ပူးပေါင်းရင်းမြစ်များ

2 SAMUEL 24:14

Ndien David ɔdɔhɔ Gad, ete, Mmetie ke akwa nnanenyin: yak nnyin ikam iduɔ isine Jehovah ke ubɔk: koro enye okponde mbɔm: yak mi ŋkuduɔ nsine ke ubɔk owo.

ISAIAH 42:22

Edi enye emi edi idut eke owo ebumede enyuŋ enamde mmɔ nnama; eke kpukpru mmɔ esikede ke ndudu, enyuŋ edibede ke ufɔk ebuka: mmɔ emekebare edi ŋkpɔ mbume, ndien baba owo kiet eke osiode mmɔ iduhe; mmɔ emekabare edi ŋkpɔ nnama, ndien baba owo kiet idɔhɔke, ite, Yak nɔ.

JEREMIAH 41:9

Ndien obube oro Ishmael ɔduɔŋɔde do kpukpru mme okpo owo oro enye okowotde, mmɔ oro ekedude Gedaliah ke ubɔk, edi oro Asa edidem akanamde abak Baasha edidem Israel; enye ke Ishmael eyen Nethaniah emen owo oro enye okowotde ɔyɔhɔ ke esit.

EZEKIEL 33:27

Dɔhɔ mmɔ ntem, ete, Ntem ke Ɔbɔŋ Jehovah ɔdɔhɔ ete, Ma uwem mi, mme mmɔ emi edude ke ndon eyeduɔŋɔ ke ofut, ndien nyeda mmɔ eke edude ke iso isɔŋ nnɔ mme unam ikɔt eta, ndien mmɔ eke edude ke mkpɔsɔŋ ebiet ye ke aba itiat eyekpaŋa ke idiɔk udɔŋɔ.

ŊWED MBON PHILIPPI 1:23

Ekikere asiaha mi iba; ɔdɔŋ mi ndidaha nnyɔŋ ŋkodu ye Christ, koro edi oro otim ɔfɔn akan:

MME HEBREW 11:38

mmɔ enana ŋkpɔ, ekut ukut, ebɔ ndutuhɔ (edi ererimbot idotke mmɔ); mmɔ esaŋa eyo ke desert ye obot, ye obube, ye aba itiat isɔŋ.

JOSHUA 8:20

Ndien mbio-obio Ai ekabare ese edem ekut, ndien, sese, nsuŋikaŋ obio mmɔ ɔdɔk ke enyɔŋ; ndien mmɔ ikwe nte efeŋede eka nnasia, mme ufien, ke edem mbiba; ndien mbon oro efeŋede eka edem wilderness, efiak edem eŋwana ye mme andibine.

JUDGES 10:9

Nditɔ Ammon ŋko enyuŋ ebe Jordan ekeŋwana ekɔŋ ye Judah, ye Benjamin, ye ufɔk Ephraim ŋko-ŋko: ndien Israel ekut ukut eti-eti.

JUDGES 20:41

Ndien nditɔ Israel ekabare, ndien nditɔ Benjamin ebumere itɔk: koro mmɔ ekutde ete ke idiɔk-ŋkpɔ omosim mmimɔ.

JUDGES 6:2

Ndien ubɔk Midian ɔsɔŋ akan Israel: ndien Midian esin nditɔ Israel eka ekenam mme ebedeŋ emi edude ke ikpɔ obot, ye mme obube, ye mkpɔsɔŋ ebiet.

1 SAMUEL 13:15

Ekem Samuel adaha ke Gilgal ɔdɔk ke Gibeah Benjamin. Ndien Saul abat mmɔ eke edude ye enye, osim owo ikie itiokiet.

1 SAMUEL 14:11

Ekem mmɔ mbiba ewut mbon-ekɔŋ mme Philistine idem mmɔ: ndien mme Philistine edɔhɔ ete, Sese, mme Hebrew ke ewɔŋɔ ke obube emi mmɔ edibede ke esit.

1 SAMUEL 14:22

Ndien adaŋemi kpukpru nditɔ Israel eke edibede ke obot Ephraim, ekopde ete ke mme Philistine efeŋe, mmɔ enyuŋ ebine mmɔ ke ekɔŋ.

1 SAMUEL 23:19

Ekem mbio-obio Ziph edɔk eka ke ɔtɔ Saul ke Gibeah, ete, Nte David idibeke ye nnyin ke mkpɔsɔŋ ebiet ke akai, ke obot Hachilah, emi odude ke edem usuk Jeshimon?

1 SAMUEL 24:3

Ndien enye okosim nna ŋkpri ufene ke usuŋ, emi aba itiat odude do; ndien Saul oduk aka ndifuk ukot esie: ndien David ye ikɔt esie etie do ke ŋkaŋ aba oro.

1 SAMUEL 31:7

Ndien adaŋemi nditɔ Israel eke edude ke edem itihere oko, ye mmɔ eke edude ke edem Jordan oko, ekutde nte nditɔ Israel efeŋede, ye nte Saul ye nditɔ esie ema enyuŋ ekpa, mmɔ ekpɔŋ mme obio efeŋe; ndien mme Philistine edi ediduŋ ke esit.

1 SAMUEL 7:7

Ekem adaŋemi mme Philistine ekopde ete ke nditɔ Israel emebono ke Mizpah, mbɔŋ mme Philistine edɔk eka ikɔ ndinam ye Israel. Ndien adaŋemi nditɔ Israel ekopde, ndik mme Philistine anam mmɔ.