1 SAMUEL 13:14 - Edisana ñwed Abasi Ibom

¹⁴ Edi ke emi ubɔŋ fo idibigike: Jehovah ama oyom owo ke idem esie eke ekemde esit ye enye, Jehovah ama onyuŋ eteme enye, ete edi etubom ikɔt imɔ, koro afo mukonimke se Jehovah eketemde fi.

1 SAMUEL 13:14 ပူးပေါင်းရင်းမြစ်များ

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

2 SAMUEL 6:21

Ndien David ɔdɔhɔ Michal, ete, Ke iso Jehovah emi ɔkɔkpɔŋde usɔ, ye ofuri ufɔk esie, emek mi onim ke etubom ikɔt Jehovah, kpa Israel: oro esin mbre mbre ke iso Jehovah.

2 NDIDEM 20:5

Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

ŊWED MME PSALM 78:70

Onyuŋ emek David owo esie, onyuŋ ada enye ke nna ufene efep:

MME ŊKE 27:24

Koro inyene midibigike ke nsinsi: idem anyanya midinyuŋ ibigike ke ofuri emana.

ISAIAH 39:5

Ndien Isaiah ɔdɔhɔ Hezekiah, ete, Kop uyo Jehovah mme udim: Sese, mme usen ke edi,

UTOM MME APOSTLE 13:22

Edi ke Enye ama ekemen enye efep, anam David adaha ada, ete edi edidem mmɔ: onyuŋ ɔdɔhɔ abaŋa enye ete, Mmokut David eyen Jesse, owo emi ekemde esit ye Ami, emi edinamde ofuri uduak Mi.

UTOM MME APOSTLE 7:46

emi okutde mfɔn-iso ke iso Abasi, onyuŋ ebeŋede, ete eyak imɔ ikut ebiet iduŋ inɔ Abasi Jacob.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

1 SAMUEL 15:26

Ndien Samuel ɔdɔhɔ Saul, ete, Nditieneke fi mfiak: koro afo ekesinde uyo Jehovah, Jehovah omonyuŋ esin fi, ete okudi edidem Israel.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:12

Ndien enye ɔdɔŋ ekeda enye edi. Enye onyuŋ oyibe, onyuŋ eye iso, onyuŋ ɔfɔn ndise. Ndien Jehovah ɔdɔhɔ enye, Daha ke enyɔŋ, yet enye aran, koro edide emi edi enye.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.

1 SAMUEL 24:20

Ndien, sese, mmɔfiɔk nte ke afo udutreke ndidi edidem, nte ke itie edidem Israel eyenyuŋ ɔsɔŋ ada fi ke ubɔk.

1 SAMUEL 25:30

Ndien ama ekem ke adaŋemi Jehovah edinamde ɔbɔŋ mi kpukpru ufɔn emi enye ɔkɔdɔhɔde abaŋa fi, edinyuŋ onimde fi ke etubom Israel;

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.