1 SAMUEL 13:13 - Edisana ñwed Abasi Ibom

¹³ Ndien Samuel ɔdɔhɔ Saul, ete, Afo amanam ndisime ŋkpɔ: afo ukonimke ewuhɔ Jehovah Abasi fo, emi enye okowukde fi: koro ntem ke Jehovah okponim ubɔŋ fo ke Israel ke nsinsi.

1 SAMUEL 13:13 ပူးပေါင်းရင်းမြစ်များ

GENESIS 31:28

ndido, ye harp? Unyuŋ uyakke mi ntim nditɔ-iren mi ye nditɔ-iban mi inua? Ke emi afo amanam ndisime.

2 SAMUEL 24:10

Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

1 NDIDEM 18:18

Ndien enye ɔbɔrɔ ete, Idige ami ndutuhɔ Israel; edi afo, ye ufɔk usɔ (enam), koro mbufo ekpɔŋde mbet Jehovah, koro afo onyuŋ etienede Baalim.

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

1 CHRONICLES 10:13

Ntre ke Saul akpa ke eridue emi enye eduede Jehovah, kpa ke ikɔ Jehovah emi enye mikonimke, koro enye etienede nsaŋa ekpo,

2 CHRONICLES 16:9

Koro enyin Jehovah esaŋade ke ofuri ererimbot, ete isɔŋɔ imum mmɔ eke ofuri esit mmɔ odude ye enye ikama. Afo amanam ndisime ke ŋkpɔ emi; koro toto ke ini emi afo eyenyene ekɔŋ.

2 CHRONICLES 19:2

Ndien Jehu eyen Hanani, okut-ŋkukut, ɔwɔrɔ okosobo ye enye, onyuŋ ɔdɔhɔ edidem Jehoshaphat, ete, Nte ɔfɔn fi ndiŋwam mme idiɔk owo, nnyuŋ mma mmɔ eke esuade Jehovah? Emi esin Jehovah ɔtɔhɔ utɔk ye afo.

ŊWED JOB 34:18

Nte owo edidɔhɔ edidem, ete, Oburobut owo? ɔdɔhɔ ikpɔ owo, ete, Idiɔk?

MME ŊKE 12:8

Adaŋa nte owo asiande, ke eda etoro enye: edi eyesuene owo eke akwaŋade ke esit.

MME ŊKE 19:3

Ndisime ido owo abiat usuŋ esie: ndien enye ayat esit ye Jehovah.

ISAIAH 39:5

Ndien Isaiah ɔdɔhɔ Hezekiah, ete, Kop uyo Jehovah mme udim: Sese, mme usen ke edi,

JEREMIAH 18:10

ndien enye ama anam idiɔk ido ke enyin mi, minyuŋ ikopke uyo mi, nyedahado ndien ke mfɔn oro ŋkɔdɔhɔde, nte nyefɔn ye enye.

1 SAMUEL 1:22

Ndien Hannah idɔkke: edi enye ɔdɔhɔ ebe esie, ete, ŋkaha tutu eyen adaha ke eba, ndien nyeda enye ŋka, man ekut enye ke iso Jehovah, man enye onyuŋ adaŋ do ke nsinsi.

1 SAMUEL 13:12

ndien ndɔhɔ nte, Ke emi mme Philistine eyesuhɔre ebine mi ke Gilgal, ndien ŋkpehe kaŋa Jehovah ubɔk: ndien nsɔŋ esit mfɔp edifɔp uwa.

1 SAMUEL 15:11

Mmatua mkpɔfiɔk koro ŋkonimde Saul ke edidem: koro enye ama akabare ɔkpɔŋ mi, inyuŋ inamke uyo mi. Ndien Samuel ayat esit, onyuŋ eseme ɔnɔ Jehovah ke ofuri okoneyo.

1 SAMUEL 15:22

Ndien Samuel ɔdɔhɔ ete, Nte edifɔp uwa ye uwa emem enem Jehovah esit nte edikop uyo Jehovah? Sese ŋkopuyo ɔfɔn akan uwa, mkpaŋutɔŋ onyuŋ ɔfɔn akan ikpɔŋ okukim.

1 SAMUEL 15:28

Ndien Samuel ɔdɔhɔ enye, ete, Jehovah ama awai fi ubɔŋ Israel ke ubɔk osio mfin emi, ama onyuŋ ada enye ɔnɔ mbɔhiduŋ fo emi ɔfɔnde akan fi.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 26:21

Ndien Saul ɔdɔhɔ ete, Mmanam idiɔk: fiak edem, eyen mi, David: koro mmendinamke aba fi idiɔk ŋkpɔ; koro afo akabatde uwem mi ke ŋkpɔ uto mfin emi: sese, mmanam ndisime, mma nnyuŋ ndue eti-eti.