1 SAMUEL 12:3 - Edisana ñwed Abasi Ibom

³ Se mi mi: mbufo ebaŋa mi ke iso Jehovah, ye ke iso enye emi Enye ekeyetde aran: ŋkɔbɔ anie owo enaŋ esie? ŋkɔbɔ anie owo ass esie ŋko? ŋkonyuŋ ntuk anie owo? ŋko-nyuŋ mfik anie? anie owo ke ŋkenyuŋ mbɔ inyene ke ubɔk, man nda enye mfuk enyin mi? ndien nyeyak nnɔ mbufo.

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Koro ŋkpemede usuŋ Jehovah, mmenyuŋ ndiɔkke ŋkpɔŋ Abasi mi.

NEHEMIAH 5:11

Mbɔk, mbufo eyak iŋwaŋ mmɔ ye iŋwaŋ-vine mmɔ, ye iŋwaŋ-olive mmɔ, ye ufɔk mmɔ enɔ mmɔ mfin emi, enyuŋ eyak ɔyɔhɔ ubak silver ikie, ye eke ibokpot, ye eke wine, ye eke aran, emi mbufo ebɔde mmɔ.

ŊWED MME PSALM 15:5

Enye ibuɔtke inyene esie idia udori ikaha, inyuŋ ibɔhɔ enɔ ituk owo eke miduehe isop. Owo eke anamde ŋkpɔ emi idisehekede ke nsinsi.

EXODUS 20:17

Kuyom ufɔk mbɔhiduŋ fo; kuyom ŋwan mbɔhiduŋ fo, ye ofin eren esie, ye ofin aŋwan esie, ye enaŋ esie, ye ass esie, ye ŋkpɔ ekededi eke enyenede mbɔhiduŋ fo.

EXODUS 22:4

Edieke ekutde ŋkpɔ inɔ ye uwem ke ubɔk esie, edide enaŋ, onyuŋ edide ass, onyuŋ edide erɔŋ; yak enye osio usiene utim ikaba.

EXODUS 23:8

Kunyuŋ ubɔ enɔ: koro enɔ otibide mme okut-usuŋ enyin, onyuŋ ɔyurɔde ikɔ ndinen owo.

MME ŊKE 15:27

Adia idiɔk udori ɔtuhɔ ufɔk esie: edi owo eke asuade enɔ enye eyedu uwem.

LEVITICUS 6:4

ama ekem, adaŋemi enye eduede ntem, onyuŋ enyenede isop, enye enyene ndien ndiyak mbume emi enye obumede, ye ŋkpɔ nnama emi enye akanamde, mme ebuɔt eke ekebuɔtde enye, mme ŋkpɔ emi osopde, emi enye ɔfiɔhɔde:

LEVITICUS 6:5

mme ŋkpɔ ekededi emi enye okotomo esin ke nsu; ndien yak enye ada iso ŋkpɔ oro, onyuŋ ɔkɔrɔ ɔyɔhɔ ubak ition ke esit, osio usiene ɔnɔ andinyene, ke usen usio-isop esie.

NUMBERS 16:15

Ndien Moses ayat esit eti-eti, onyuŋ ɔdɔhɔ Jehovah, ete, Kuwɔŋɔre use enɔ mmɔ: ŋkɔbɔhɔ mmɔ baba ass kiet, ŋkonyuŋ ndiɔkke ye baba owo mmɔ kiet.

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

LUKE 19:8

Edi Zacchaeus adaha ada, onyuŋ ɔdɔhɔ Ɔbɔŋ ete, Ɔbɔŋ, ke nɔnɔ mme ubuene ubak inyene mi; onyuŋ edieke ŋkɔbɔde owo ŋkpɔ ke ŋkanubɔk, nsosio usiene utim ikanaŋ.

UTOM MME APOSTLE 20:33

Ŋkesinde esit ke silver, mme gold, mme edisine-ŋkpɔ owo baba kiet.

2 ŊWED CORINTH 12:14

Sese, emi edi ɔyɔhɔ iduɔk ita eke mbeŋede idem ndidi ke ɔtɔ mbufo, ndien ndidige mbiomo nnɔ mbufo; koro idige inyene mbufo ke nyom, edi mbufo ke idem mbufo. Koro idige nditɔ ekpenim ŋkpɔ enɔ ete ye eka, edi ete ye eka enɔ nditɔ.

DEUTERONOMY 16:19

Kuyut ikpe; kuteŋe owo enyin, kunyuŋ ubɔ enɔ: koro enɔ editibide mme enyene ibuot owo enyin, onyuŋ akwaŋde ikɔ owo eke enende.

1 ŊWED THESSALONICA 2:10

Mbufo edi mme ntiense, Abasi onyuŋ etiene ese, adaŋa nte nnyin ikadade ido eke asanade, onyuŋ enende, onyuŋ ananade ndo idu uwem ye mbufo emi enimde ke akpanikɔ:

1 ŊWED THESSALONICA 2:5

Koro akanam owo ikwe nnyin idade ikɔ nnem-inua nte mbufo efiɔkde; Abasi onyuŋ edi ntiense ete, akanam nnyin inyuŋ idaha ikɔ idip mbumek;

1 PETER 5:2

nnyuŋ ndide ntiense ndutuhɔ Christ, nnyuŋ ndide abuana ke ubɔŋ emi ediya-rarede, nte, Ekpeme udim-erɔŋ Abasi emi odude ke otu mbufo; ese ebaŋa mmɔ ke ima esit nte Abasi oyomde, ekuyak etie nte enyenyik mbufo; ekunam emi ebaŋa mbukpo udori, edi enam ke erinyime esit;

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 12:4

Ndien mmɔ edɔhɔ ete, Afo ukotukke nnyin, ukonyuŋ ufikke nnyin, unyuŋ ubɔhɔ baba owo nnyin kiet ŋkpɔ ke ubɔk.

1 SAMUEL 12:5

Ndien enye ɔdɔhɔ mmɔ ete, Jehovah edi ntiense ye mbufo, edidem esie onyuŋ edi ntiense mfin emi, ete ke mbufo ikwe baba ŋkpɔ kiet ke ubɔk mi. Ndien mmɔ edɔhɔ ete, Ntiense.

1 SAMUEL 2:35

Ndien nyenam oku akpanikɔ adaha da ɔnɔ mi, enye eyenam kpa nte odude ke esit mi ye ke ekikere mi; nyenyuŋ mbɔp ɔkpɔsɔŋ ufɔk nnɔ enye; ndien enye eyesaŋa ke iso Messiah mi ke nsinsi.

1 SAMUEL 24:11

Ndien ŋko, ete mi, se utɔŋ ekura fo ke ubɔk mi: koro ŋkesibede utɔŋ ekura fo mfep, ndien mme-ŋwotke fi, da oro fiɔk, nyuŋ se, ete ke idiɔk ido ye ukwaŋ-ŋkpɔ iduhe mi ke ubɔk, ŋkonyuŋ nduehe fi baba ŋkpɔ kiet; edi afo ke osuk ebine ndibɔ mi uwem.

1 SAMUEL 24:6

Enye onyuŋ ɔdɔhɔ ikɔt esie, ete, Nsa mi, ma Jehovah, ndinamke ŋkpɔ emi ye ete mi emi Jehovah ekeyetde aran; ndinyanke ubɔk mi ntuk enye: koro enye edide se Jehovah ekeyetde aran.

1 SAMUEL 24:7

Ntre ke David ada ikɔ oro akpan ikɔt esie, inyuŋ iyakke mmɔ edaha ke enyɔŋ enam Saul baba ŋkpɔ kiet. Ekem Saul adaha ke enyɔŋ oto ke aba aka esiemɔ.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?