1 SAMUEL 12:23 - Edisana ñwed Abasi Ibom

²³ Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 12:23 ပူးပေါင်းရင်းမြစ်များ

1 NDIDEM 8:36

afo tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ eke edisaŋade ke esit; nyuŋ nam edim edep ke isɔŋ fo, emi afo ɔkɔnɔde ikɔt fo ke udeme.

2 CHRONICLES 6:27

tie ndien ke enyɔŋ kop, nyuŋ dahado ke mme idiɔk ido ifin fo, ye eke ikɔt fo Israel, adaŋemi afo etemede mmɔ eti usuŋ, emi mmɔ ekpesaŋade ke esit; nyuŋ nam edim edep ke isɔŋ fo emi afo ɔkɔnɔde ikɔt fo ke udeme.

ŊWED MME PSALM 122:6

Mbufo enam mkpeubɔk eyom ifure Jerusalem: mmɔ eke emade fi eyetie ke ifure.

ŊWED MME PSALM 34:11

Mbufo nditɔwɔŋ, edi ekop uyo mi: nyeteme mbufo eteŋe Jehovah.

ŊWED MME PSALM 34:12

Edi anie owo ke itɔŋ uwem ɔdɔŋ enye, ke ama ini eke okutde nti ŋkpɔ?

EXODUS 32:30

Edikem eyo esiere, ndien Moses ɔdɔhɔ kpukpru owo, ete, Mbufo emenam ata idiɔk ido, ndien ke emi, nyedɔk ntiene Jehovah; ndusuk nyekut nte nsiode isop idiɔk ido mbufo emi.

MME ŊKE 4:11

Mmeteme fi nsin ke usuŋ eti ibuot; nnam fi asaŋa ke usuŋ emi enende.

ECCLESIASTES 12:10

Ɔkwɔrɔikɔ esin ubɔk oyom edinem ikɔ: ndien se ewetde edi ikɔ akpanikɔ.

ISAIAH 30:21

ndien utɔŋ fo eyekop uyo ke edem fo, ete, “Emi edi ɔkpɔ-usuŋ, mbufo esaŋa ke esit,” ke mbufo ediŋwɔŋɔrede eka nnasia, mme enyuŋ eka ufien.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 27:18

Ndien edieke mmɔ edide prophet, ikɔ Jehovah onyuŋ odude ye mmɔ, yak mmɔ ekpe Jehovah mme udim ubɔk, ete mkpoduoho emi esuhɔde ke ufɔk Jehovah, ye ke ufɔk edidem Judah, ye ke Jerusalem, ekuka ke Babylon.

JEREMIAH 42:4

Ndien Jeremiah prophet ɔdɔhɔ mmɔ, ete, Mmokop; sese, ami nyekpe Jehovah Abasi mbufo ubɔk, nte ekemde ke uyo mbufo; ndien ama ekem nyesian mbufo kpukpru ikɔ emi Jehovah edibɔrɔde mbufo: ndidipke mbufo baba ikɔ kiet.

JEREMIAH 6:16

Ntem ke Jehovah ɔdɔhɔ ete, Mbufo eda ke mme usuŋ, enyuŋ ese, enyuŋ ebup ebaŋa mme ɔkpɔ-usuŋ eset, ete, Eti usuŋ, enye? ndien mbufo esaŋa ke esit, enyuŋ ekut nduɔk-odudu ukpɔŋ mbufo. Edi mmɔ edɔhɔ ete, “Nnyin idisaŋake.”

UTOM MME APOSTLE 12:5

Mmɔdo ekpeme Peter ke ufɔk-ŋkpɔkɔbi: edi ufɔk Abasi esɔŋɔ ebɔŋ akam enɔ Abasi ebaŋa enye.

UTOM MME APOSTLE 20:20

Mbufo emefiɔk ete ŋkefeheke ndisian mbufo se ededi eke odorode mbufo ŋkpɔ, mma nnyuŋ ŋkpep mbufo ŋkpɔ aŋwa-aŋwa,

ŊWED MBON ROME 1:9

Koro Abasi, emi ndade spirit mi nnam ŋkpɔ nnɔ Enye ke gospel Eyen Esie, edi ntiense ɔnɔ mi, adaŋa nte mmendopke ndisiak enyiŋ mbufo ke akam mi kpukpru ini,

1 ŊWED CORINTH 9:16

Koro edieke ŋkwɔrɔde gospel, nnyeneke ntak mbure; utom oro obiomo mi ke idem nte ŋkpɔ eke nnyenede ndinam; koro idifɔnke fɔn inɔ mi edieke mmeŋkwɔrɔke gospel.

ŊWED MBON COLOSSAE 1:28

Emi nnyin ikwɔrɔde, ida kpukpru eti ibuot iteme inyuŋ ikpep kpupru owo, man nnyin ida kpukpru owo inim ke iso Abasi nte efɔnde ema ke Christ.

ŊWED MBON COLOSSAE 1:9

Ke ntak emi, toto ke usen emi ikokopde ŋkpɔ emi, nnyin ŋko idopke ndibɔŋ akam mbaŋa mbufo, ndinyuŋ nnam mkpe-ubɔk ite, Abasi akpakam anam mbufo eyɔhɔ ye ifiɔk uduak Esie ke kpukpru eti ibuot ye ikike ke ŋkpɔ Spirit;

1 ŊWED THESSALONICA 3:10

Nnyin isɔŋɔ ibɔŋ akam eti-eti okoneyo ye uwemeyo, ite ikpakam ikut mbufo iso, inyuŋ inam se inanade mbufo ke mbuɔtidem ɔyɔhɔ.

2 ŊWED TIMOTHY 1:3

Mmɔkɔm Abasi, emi ntienede mme ete mi nnam ŋkpɔ nnɔ Enye ke edisana esit, sia mmendopke nditi fi ke akam mi ke okoneyo ye ke uwemeyo;

1 SAMUEL 12:19

Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 8:6

Edi ikɔ oro inemke Samuel, ke ini mmɔ edɔhɔde ete, Nɔ nnyin edidem eke edikpede ikpe nnyin.