1 SAMUEL 12:19 - Edisana ñwed Abasi Ibom

¹⁹ Ndien kpukpru owo edɔhɔ Samuel, ete, Kpe Jehovah Abasi fo ubɔk nɔ ikɔt fo, man nnyin ikukpaŋa: koro nnyin imada idiɔkŋkpɔ ke eriyom edidem ikɔrɔ ye mme idiɔk ido nnyin efen.

1 SAMUEL 12:19 ပူးပေါင်းရင်းမြစ်များ

GENESIS 20:7

Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa.

ŊWED JOB 37:13

Enye anam enye edi, edide ke ufen, onyuŋ edide abaŋa isɔŋ esiemɔ, onyuŋ edide ke ima.

ŊWED JOB 42:8

Mbufo eda ndien enaŋ itiaba, ye okukim itiaba, ke idem mbufo, ndien eka ke ebiet owo mi Job, ekewa edifɔp uwa ebaŋa idem mbufo; ndien owo mi Job edinam mkpe-ubɔk ɔnɔ mbufo: koro nyekop nnɔ enye: mbak ami ndinɔ mbufo ufen ndisime ido mbufo: koro mbufo mikɔdɔhɔke se inende ibaŋa mi, nte emi owo mi Job.

EXODUS 10:17

Mbɔk, ndien, dahado ke ndudue mi ini emi ikpɔŋ; mbufo enyuŋ ekpe Jehovah Abasi mbufo ubɔk, ete Enye anam suk mkpa emi ikpɔŋ ɔkpɔŋ mi.

EXODUS 32:30

Edikem eyo esiere, ndien Moses ɔdɔhɔ kpukpru owo, ete, Mbufo emenam ata idiɔk ido, ndien ke emi, nyedɔk ntiene Jehovah; ndusuk nyekut nte nsiode isop idiɔk ido mbufo emi.

EXODUS 9:28

Mbufo ekpe Jehovah ubɔk, ndien yak uyom Abasi ye edim - itiat ekem; ndien nyeyak mbufo eka, ndien mbufo idibigike aba. Ndien Moses ɔdɔhɔ enye, ete,

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

JEREMIAH 15:1

NDIEN Jehovah ɔdɔhɔ mi, ete, Moses ye Samuel ekpedu ke iso mi, ukpɔŋ mi ikpamaŋa mbio emi: sio mmɔ ke iso mi duɔk, yak mmɔ enyuŋ ewɔŋɔ.

JEREMIAH 27:18

Ndien edieke mmɔ edide prophet, ikɔ Jehovah onyuŋ odude ye mmɔ, yak mmɔ ekpe Jehovah mme udim ubɔk, ete mkpoduoho emi esuhɔde ke ufɔk Jehovah, ye ke ufɔk edidem Judah, ye ke Jerusalem, ekuka ke Babylon.

JEREMIAH 37:3

Ndien edidem Zedekiah ɔdɔŋ Jehucal eyen Shelemiah, ye Zephaniah eyen Maaseiah oku, utom ke ɔtɔ Jeremiah prophet, ete, Mbɔk, kpe Jehovah Abasi nnyin ubɔk nɔ nnyin.

JEREMIAH 42:2

edidɔhɔ Jeremiah prophet, ete, Mbɔk, yak mkpe-ubɔk nnyin ɔsuhɔre ana fi ke iso, nyuŋ kpe Jehovah Abasi fo ubɔk baŋa nnyin, baŋa kpukpru mmɔ eke esuhɔde mi: koro nnyin emi ikewakde isuhɔde esisit, kpa nte enyin fo okutde nnyin:

MALACHI 1:9

Ke emi, mbɔk, mbufo ekpe Abasi ubɔk, ete, enye atua nnyin mbɔm: ŋkpɔ emi oto mbufo ke ubɔk: nte enye edikpono mbufo iso? Jehovah mme udim ɔdɔhɔ.

NUMBERS 21:7

Ndien kpukpru owo etiene Moses, ekedɔhɔ ete, Nnyin imenam idiɔk: koro nnyin inamde ikɔ ye Jehovah ye afo; kpe Jehovah ubɔk ete enye ɔbɔ nnyin urukikɔt emi efep.

UTOM MME APOSTLE 8:24

Edi Simon ɔbɔrɔ ete, Ekpe Ɔbɔŋ ubɔk enɔ mi, ete, se mbufo etiŋde baba kiet okusim mi.

JAMES 5:15

ndien akam mbuɔtidem eyenyaŋa enye emi ɔdɔŋɔde, Ɔbɔŋ eyenyuŋ anam enye adaha ada; ndien edieke enye akanamde idiɔk-ŋkpɔ, eyefen enye.

1 JOHN 5:16

Edieke owo okutde eyen-ete esie anamde idiɔk-ŋkpɔ eke midaha mkpa idi, enye eyenam mkpe-ubɔk, ndien Abasi eyeda uwem ɔnɔ enye, kpa ɔnɔ mmɔ eke minamke idiɔk-ŋkpɔ mkpa. Idiɔk-ŋkpɔ emi adade mkpa edi odu; ndɔhɔke nte owo anam mkpe-ubɔk abaŋa utɔ idiɔk-ŋkpɔ emi.

1 SAMUEL 12:13

Sese, ndien, edidem emi mbufo emekde enyuŋ eyomde! ndien, sese, Jehovah omonim edidem ɔnɔ mbufo.

1 SAMUEL 12:17

Nyeseme nnɔ Jehovah, ndien enye eyenam enyɔŋ oyomo, onyuŋ anam edim edep; man mbufo efiɔk, enyuŋ ekut ete ke idiɔk ido mbufo omokpon, emi mbufo ekenamde ke iso Jehovah, ke eriyom edidem nnɔ idem mbufo.

1 SAMUEL 12:20

Ndien Samuel ɔdɔhɔ kpukpru owo, ete, Mbufo ekudikhe: mbufo emenam kpukpru idiɔk-ŋkpɔ emi: edi ekuwaha ekpɔŋ Jehovah, edi enam ŋkpɔ Jehovah ke ofuri esit mbufo; ekunyuŋ ewaha:

1 SAMUEL 12:23

Ndien ama edi ami, nsa mi! nduehe Jehovah ke eritre ndikpe enye ubɔk nnɔ mbufo: edi nyeteme mbufo eti ye edinen usuŋ:

1 SAMUEL 7:5

Ndien Samuel ɔdɔhɔ ete, Mbufo ebon ofuri Israel ke Mizpah, man ŋkpe Jehovah ubɔk nnɔ mbufo.

1 SAMUEL 7:8

Ndien nditɔ Israel edɔhɔ Samuel, ete, Kutre ndiseme nnɔ Jehovah Abasi nnyin unɔ nnyin, ete enye anyaŋa nnyin osio mme Philistine ke ubɔk.

1 SAMUEL 8:6

Edi ikɔ oro inemke Samuel, ke ini mmɔ edɔhɔde ete, Nɔ nnyin edidem eke edikpede ikpe nnyin.