1 SAMUEL 12:12 - Edisana ñwed Abasi Ibom

¹² Ekem ke ini mbufo ekutde nte Nahash edidem nditɔ Ammon edide ndiŋwana ekɔŋ ye mbufo, mbufo edɔhɔ mi, ete, Ih ih, yak edidem kiet ada ubɔŋ nnyin adaŋemi Jehovah Abasi mbufo edide edidem mbufo.

1 SAMUEL 12:12 ပူးပေါင်းရင်းမြစ်များ

GENESIS 17:7

Nyenyuŋ nnam ediomi mi ɔsɔŋɔ ada ye afo, ye ubon fo eke editienede fi ke emana mmɔ, ke nsinsi ediomi, nte ndi Abasi fo, ye eke ubon fo eke editienede fi.

ŊWED MME PSALM 74:12

Ndien Abasi edi edidem mi toto ke eset, ke anam eriyaŋa ke ufɔt isɔŋ.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

JEREMIAH 40:11

Ndien ŋko kpukpru mme Jew eke edude ke Moab, ye ke otu nditɔ Ammon, ye ke Edom, ye eke edude ke kpukpru mme idut, edikop ete ke edidem Babylon ɔmɔsuhɔ ndusuk nditɔ Judah, onyuŋ onim Gedaliah eyen Ahikam, eyen Shaphan, ke etubom mmɔ;

HOSEA 13:10

Enye edidem fo ndien, man enye anyaŋa fi ke kpukpru mme obio fo? enye ŋko mme ebierikpe fo emi afo ɔkɔdɔhɔde abaŋa, ete,

NUMBERS 23:21

Enye isehe idiɔk ke Jacob, inyuŋ ikwe ŋkwaŋa ke Israel: Jehovah Abasi esie odu ye enye, mkpo edidem onyuŋ odu ke otu mmɔ.

JUDGES 8:23

Ndien Gideon ɔbɔrɔ, ete, Ami ndidaha ubɔŋ mbufo, eyen mi idinyuŋ idaha ubɔŋ mbufo: Jehovah eyedi andida ubɔŋ mbufo.

JUDGES 9:18

ndien mbufo ema edaha ke enyɔŋ, ebiat ufɔk ete mi mfin emi, ema enyuŋ eda nditɔ esie, owo ata ye duop, ewot ke enyɔŋ itiat kiet, enyuŋ eda Abimelech eyen aŋwan-esa esie enim ke ɔbɔŋ mme enyene Shechem: koro enye edide eyen-ete mbufo,

1 SAMUEL 10:19

Edi mfin emi mbufo emesin Abasi mbufo, emi edide enye akanyaŋa mbufo osio ke ofuri ukut mbufo, ye nnanenyin mbufo; enyuŋ edɔhɔ enye, ete, Kutre ndinam edidem nnɔ nnyin. Mbufo edi, ndien, edida ke iso Jehovah, ke esien, ke esien, ye ke tɔsin, ke tɔsin.

1 SAMUEL 8:3

Edi nditɔ esie isaŋake ke usuŋ esie, edi ewaha etiene udori, enyuŋ ebɔ inyene ekwaŋa ikpe.