1 SAMUEL 12:10 - Edisana ñwed Abasi Ibom

¹⁰ Ndien mmɔ eseme enɔ Jehovah, ete, Nnyin imanam idiɔk, koro nnyin ikpɔŋde Jehovah, inyuŋ inamde ŋkpɔ Baalim ye Ashtaroth: edi kam sio nnyin ke ubɔk mme asua nnyin, ndien nnyin iyenam ŋkpɔ fo.

1 SAMUEL 12:10 ပူးပေါင်းရင်းမြစ်များ

ŊWED MME PSALM 106:44

Ndien enye ese ukut mmɔ, ke ini enye okopde eseme mmɔ:

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

JOSHUA 13:31

ye ubak Gilead, ye Ashtaroth, ye Edrei, obio emi Og akadade ubɔŋ mmɔ ke Bashan, enyene nditɔ Mashir eyen Manasseh, kpa ubak nditɔ Machir, ke ubon, ke ubon.

JUDGES 10:10

Ndien nditɔ Israel eseme enɔ Jehovah, ete, Nnyin ima inam idiɔk ido ye afo: koro nnyin ikɔkpɔŋde Abasi nnyin, inyuŋ inam ŋkpɔ Baalim.

JUDGES 2:11

Ndien nditɔ Israel enam idiɔk ke enyin Jehovah, enyuŋ enam ŋkpɔ Baalim:

JUDGES 2:13

Ntem ke mmɔ ekpɔŋ Jehovah, enyuŋ enam ŋkpɔ Baal ye Ashtaroth.

JUDGES 3:15

Ekem adaŋemi nditɔ Israel esemede enɔ Jehovah, Jehovah edemere andiyaŋa kiet ɔnɔ mmɔ, kpa Ehud eyen Gera, eyen Benjamin kiet, owo ufien: ndien nditɔ Israel esin enye enɔ ke ubɔk, ete enye ada ɔsɔk Eglon edidem Moab.

JUDGES 3:7

Ndien nditɔ Israel enam idiɔk ke enyin Jehovah, enyuŋ efre Jehovah Abasi mmɔ, enyuŋ enam ido Baalim ye eke Ashtaroth.

JUDGES 3:9

adaŋemi nditɔ Israel esemede enɔ Jehovah, Jehovah edemere andinyaŋa ɔnɔ nditɔ Israel, eke anyaŋade mmɔ, kpa Othniel eyen Kenaz, ekpri eyen ete Caleb.

JUDGES 4:3

Ekem nditɔ Israel eseme enɔ Jehovah: koro enye ekenyenede chariot ukwak ikie usukkiet; onyuŋ ɔsɔŋɔ otuk nditɔ Israel ke ofuri isua edip.

JUDGES 6:7

Edikem adaŋemi nditɔ Israel esemede enɔ Jehovah ebaŋa Midian,

1 SAMUEL 7:2

Edikem, ini emi ekebe oro odude ke Kiriat-jearim ebigi, osim isua edip: ndien ofuri ufɔk Israel etua eyom Jehovah.

1 SAMUEL 7:6

Ndien mmɔ eka ekesop idem ke Mizpah, enyuŋ ekoi mmɔŋ, eŋwaŋa ke iso Jehovah, enyuŋ etre udia ke usen oro, enyuŋ edɔhɔ do, ete, Nnyin imedue Jehovah. Ndien Samuel ekpe ikpe nditɔ Israel ke Mizpah.