1 SAMUEL 11:8 - Edisana ñwed Abasi Ibom

⁸ Ndien adaŋemi ebatde mmɔ ke Bezek, nditɔ Israel esim tɔsin owo ke itie ikie ita, ye nditɔ Judah tɔsin owo edip ye duop.

1 SAMUEL 11:8 ပူးပေါင်းရင်းမြစ်များ

2 SAMUEL 24:9

Ndien Joab ada ibat owo oro mmɔ ekebatde esɔk edidem: ndien Israel edi tɔsin mbon-uko emi esiɔŋode ofut ke itie ikie itiaita; iren-owo Judah enyuŋ edi tɔsin ke itie ikie ition.

2 NDIDEM 3:6

Ndien ke ini oro edidem Jehoram oto ke Samaria, aka akabat ofuri Israel.

JUDGES 20:2

Ndien ikpɔ owo ofuri mbio-obio, kpa kpukpru esien Israel, edaha eda ke esop ikɔt Abasi, esim tɔsin owo ke itie ikie inaŋ, eke esaŋade ke ikpat enyuŋ esiode ofut.

1 SAMUEL 11:9

Ndien mmɔ edɔhɔ mme isuŋutom oro ekedide, ete, Ntem ke mbufo edidɔhɔ mbio-obio Jabesh-gilead, ete, Mkpɔŋ erinyaŋa eyesim mbufo ke adaŋemi eyo ofiopde. Ndien mme isuŋutom oro eka eketiŋ enɔ mbio-obio Jabesh; ndien esit adat mmɔ.

1 SAMUEL 13:15

Ekem Samuel adaha ke Gilgal ɔdɔk ke Gibeah Benjamin. Ndien Saul abat mmɔ eke edude ye enye, osim owo ikie itiokiet.

1 SAMUEL 15:4

Ndien Saul okot kpukpru owo edi, ndien otim mmɔ esin ke udim ke Telaim, tɔsin mbon-ekɔŋ ke itie ikie iba eke esaŋade ke ikpat, ye tɔsin nditɔ Judah duop.