1 SAMUEL 11:7 - Edisana ñwed Abasi Ibom

⁷ Ndien enye ada enaŋ iba abak, onyuŋ emen mmɔ esin mme isuŋutom ke ubɔk, ete eda esaŋa ke ofuri adaŋa Israel, ete, Owo ekededi eke midiwɔrɔke Saul ye Samuel ke edem, ntem ke edinam enaŋ esie. Ndien ndik Jehovah odoro kpukpru owo ke idem, ndien mmɔ ewɔŋɔ ye esit kiet.

1 SAMUEL 11:7 ပူးပေါင်းရင်းမြစ်များ

GENESIS 35:5

Ndien mmɔ esaŋa eka: ndik Abasi onyuŋ odoro obio oro ekande mmɔ ekuk, ndien mmɔ ibineke nditɔ Jacob.

2 CHRONICLES 14:14

mmɔ enyuŋ esuan kpukpru obio eke ekande Gerer ekuk; koro ndik Jehovah odorode mmɔ; enyuŋ ebume kpukpru obio oro: koro ediwak mbume edude mmɔ ke esit.

2 CHRONICLES 17:10

Ndien ndik Jehovah odoro kpukpru mme idut ke ererimbot, emi ekande Judah ekuk, ndien mmɔ iŋwanake ekɔŋ ye Jehoshaphat.

2 CHRONICLES 19:7

Eyak ndik Jehovah odoro mbufo, ndien; ekpeme idem enyuŋ enam: koro baba mme ukwaŋ-ŋkpɔ miduhe ye Jehovah Abasi nnyin, baba uteŋe-enyin, baba erida enɔ.

ISAIAH 8:13

Mbufo enim idem Jehovah mme udim ke edisana; eyak enye onyuŋ edi se mbufo ebakde enyuŋ edikhede.

JUDGES 19:29

Ndien adaŋemi enye osimde ufɔk esiemɔ, enye ada ikwa, omum ŋwan esie, abahare enye ke ɔkpɔ, ke ɔkpɔ, esin ke mbak duopeba, ndien ɔnɔ enye esɔk ke ofuri adaŋa Israel.

JUDGES 20:1

EKEM kpukpru nditɔ Israel ewɔŋɔ, mbio-esop enyuŋ ebono nte owo kiet, ɔtɔŋɔde ke Dan tutu osim ke Beer-sheba, ye isɔŋ Gilead, etiene Jehovah ke Mizpah.