1 SAMUEL 11:6 - Edisana ñwed Abasi Ibom

⁶ Ndien Spirit Jehovah oduk Saul ke idem, ke ini enye okopde ikɔ emi, esit onyuŋ ayat enye eti-eti.

1 SAMUEL 11:6 ပူးပေါင်းရင်းမြစ်များ

EXODUS 32:19

Edikem adaŋemi enye asaŋade ekpere nna, enye okut eyen enaŋ oro ye unek; ndien esit ɔbumere Moses, ndien enye ayak itiat-ŋwed oro ke ubɔk esie ɔduɔk, onyuŋ anuak mmɔ ke usuhɔre obot.

NUMBERS 12:3

Ndien Moses oro edi ata suŋ-suŋ owo, akan kpukpru owo emi edude ke iso ererimbot.

MARK 3:5

Ndien ke ini Enye ama akasuan enyin ese mmɔ ke iyaresit, koro nsɔŋesit mmɔ anamde Enye mfuhɔ, Enye ɔdɔhɔ owo oro ete, Nyanare ubɔk fo. Enye anyanare ubɔk: ubɔk esie onyuŋ akabare ɔfɔn.

ŊWED MBON EPHESUS 4:26

Eyat esit, ndien ekudue; ekuyak utin ɔsuhɔre edisim iyaresit mbufo: ekunyuŋ enɔ Satan ufaŋ.

JUDGES 11:29

Ekem spirit Jehovah edidoro Jephthah ke idem, ndien enye asaŋa ke Gilead, ye Manasseh ebe, onyuŋ oto aka Mizpeh Gilead, ndien oto ke Mizpeh Gilead ebe aka okosim nditɔ Ammon.

JUDGES 13:25

Ndien spirit Jehovah ɔtɔŋɔ ndidemere enye ndien-ndien ke nna-ekɔŋ Dan ke ufɔt Zorah ye Eshtaol.

JUDGES 14:6

Ndien spirit Jehovah oduk enye ke idem, ndien enye awai lion nte akpawaide eyen ebot, ŋkpɔ inyuŋ iduhe enye ke ubɔk: edi enye isianke ete esie ye eka esie se enye akanamde.

JUDGES 15:14

Enye oto edisim Lehi, ndien mme Philistine ekpɔk ukube ke ini ekutde enye: ndien spirit Jehovah oduk enye ke idem, ndien uruk emi ɔbɔbɔde enye ke ubɔk, akabare etie nte mfibe eke ɔfɔpde ke ikaŋ, ndien uruk ɔkpɔhɔ enye ke ubɔk.

JUDGES 3:10

Ndien spirit Jehovah edidoro enye ke idem, ndien enye ekpe ikpe Israel, onyuŋ ɔwɔrɔ aka ekɔŋ, ndien Jehovah emen Cushan-rishathiam edidem Mesopotamia esin enye ke ubɔk: ubɔk esie onyuŋ ɔsɔŋɔ akan Cushan-rishathaim.

JUDGES 6:34

Ndien Spirit Jehovah odoro Gideon ke idem, ndien enye ofuri ukorowo; onyuŋ owuk Abiezer, ete etiene imɔ ke edem

1 SAMUEL 10:10

Ndien adaŋemi mmɔ esimde do ke obot oro, sese, udim prophet edisobo ye enye: ndien Spirit Abasi oduk enye ke idem, ndien enye anam prophecy ke otu mmɔ.

1 SAMUEL 10:6

ndien spirit Jehovah eyeduk fi ke idem, ndien afo eyetiene mmɔ anam prophecy, eyenyuŋ akabare edi owo efen.

1 SAMUEL 16:13

Ntre Samuel ada nduk aran eyet enye idem ke otu nditɔ-ete esie: ndien spirit Jehovah oduk David ke idem toto ke usen oro, aka iso. Ndien Samuel adaha ɔnyɔŋ Ramah.

1 SAMUEL 16:14

Ndien spirit Jehovah ɔkpɔŋ Saul, idiɔk spirit emi otode Jehovah onyuŋ ɔtuhɔ enye.