1 SAMUEL 10:6 - Edisana ñwed Abasi Ibom

⁶ ndien spirit Jehovah eyeduk fi ke idem, ndien afo eyetiene mmɔ anam prophecy, eyenyuŋ akabare edi owo efen.

1 SAMUEL 10:6 ပူးပေါင်းရင်းမြစ်များ

NUMBERS 11:17

Ndien nyesuhɔre ndidɔhɔ ye afo do: nyenyuŋ nda ubak spirit emi esinede fi ke idem, nsin mmɔ ke idem; ndien mmɔ eyetiene fi ebiom mbiomo mbio emi, man afo okubiom ke idem fo ikpɔŋ:

NUMBERS 11:25

Ndien Jehovah etie ke obubit enyɔŋ ɔsuhɔre, edidɔhɔ ye enye, onyuŋ ada ubak spirit emi odude enye ke idem, esin mbiowo ata ye udop oro ke idem: ndien edikem, ke spirit oro odukde mmɔ ke idem, mmɔ etiŋ prophecy, ndien itiŋke aba.

NUMBERS 11:26

Ndien owo iba emi kiet ekerede Eldad, kiet eken onyuŋ ekere Medad, esuk ke nna: ndien spirit oduk mmɔ ke idem; mmɔ enyuŋ edu ke otu mmɔ emi ekewetde, edi ikewɔrɔke ika tent: ndien mmɔ etiŋ prophecy ke nna.

NUMBERS 11:29

Ndien Moses ɔdɔhɔ ete, Nte afo ofibe ufup ɔnɔ mi? Ofuri ikɔt Jehovah ekpakam ekabare edi prophet: Jehovah akpakam ɔnɔ mmɔ spirit esie!

MATTHEW 7:22

Ediwak owo eyedɔhɔ Mi ke usen oro, ete, Ɔbɔŋ, Ɔbɔŋ, nte nnyin iketiŋke nte prophet ke enyiŋ Fo, inyuŋ idaha enyiŋ Fo iduɔŋɔ mme demon, inyuŋ idaha enyiŋ Fo inam ediwak ŋkpɔ odudu?

JUDGES 14:6

Ndien spirit Jehovah oduk enye ke idem, ndien enye awai lion nte akpawaide eyen ebot, ŋkpɔ inyuŋ iduhe enye ke ubɔk: edi enye isianke ete esie ye eka esie se enye akanamde.

JUDGES 15:14

Enye oto edisim Lehi, ndien mme Philistine ekpɔk ukube ke ini ekutde enye: ndien spirit Jehovah oduk enye ke idem, ndien uruk emi ɔbɔbɔde enye ke ubɔk, akabare etie nte mfibe eke ɔfɔpde ke ikaŋ, ndien uruk ɔkpɔhɔ enye ke ubɔk.

JUDGES 3:10

Ndien spirit Jehovah edidoro enye ke idem, ndien enye ekpe ikpe Israel, onyuŋ ɔwɔrɔ aka ekɔŋ, ndien Jehovah emen Cushan-rishathiam edidem Mesopotamia esin enye ke ubɔk: ubɔk esie onyuŋ ɔsɔŋɔ akan Cushan-rishathaim.

1 SAMUEL 10:10

Ndien adaŋemi mmɔ esimde do ke obot oro, sese, udim prophet edisobo ye enye: ndien Spirit Abasi oduk enye ke idem, ndien enye anam prophecy ke otu mmɔ.

1 SAMUEL 10:9

Edikem adaŋemi enye ɔwɔŋɔrede afara ɔkpɔŋ Samuel, Abasi akabare esit esie ɔnɔ enye efen: kpukpru mme idiɔŋɔ emi enyuŋ ewɔrɔ ke usen oro.

1 SAMUEL 11:6

Ndien Spirit Jehovah oduk Saul ke idem, ke ini enye okopde ikɔ emi, esit onyuŋ ayat enye eti-eti.

1 SAMUEL 16:13

Ntre Samuel ada nduk aran eyet enye idem ke otu nditɔ-ete esie: ndien spirit Jehovah oduk David ke idem toto ke usen oro, aka iso. Ndien Samuel adaha ɔnyɔŋ Ramah.

1 SAMUEL 19:20

Ndien Saul ɔdɔŋ mme isuŋutom, ete ekemum David: edi ke ini mmɔ ekutde udim mme prophet, nte enamde prophecy, nte Samuel onyuŋ adade ke etubom mmɔ, spirit Abasi oduk mme isuŋutom Saul ke idem, ndien mmɔ enyuŋ enam prophecy.