1 SAMUEL 10:18 - Edisana ñwed Abasi Ibom

¹⁸ ndien enye ɔdɔhɔ ye nditɔ Israel, ete, Ntem ke Jehovah Abasi Israel ɔdɔhɔ ete, Ami ŋkada Israel ke Egypt ndɔk, ŋkonyuŋ nsio mbufo Egypt ke ubɔk, ye ke ubɔk kpukpru mme idut oro ekefikde mbufo:

1 SAMUEL 10:18 ပူးပေါင်းရင်းမြစ်များ

EXODUS 29:46

Ndien mmɔ eyefiɔk ete ke ami ndi Jehovah Abasi mmɔ, emi ŋkosiode mmɔ ke isɔŋ Egypt, man nduŋ ke otu mmɔ: ami ndi Jehovah Abasi mmɔ.

NUMBERS 10:9

Ndien ŋko ke adaŋemi mbufo edikade ekɔŋ ke isɔŋ mbufo ye mme asua emi efikde mbufo, mbufo eda ukorowo eduat; ndien Jehovah Abasi mbufo eyeti mbufo, onyuŋ anyaŋa mbufo osio mme asua ke ubɔk.

JUDGES 2:1

EKEM angel Jehovah oto ke Gilgal ɔdɔk ke Bochim, ɔkɔdɔhɔ ete, Ŋkada mbufo ke Egypt ndɔk, ŋkonyuŋ nda mbufo nduk ke isɔŋ emi ŋkɔŋwɔŋɔde nnɔ mme usɔ: ndien ŋkɔdɔhɔ nte, Ndibiatke ediomi mi ye mbufo ke nsinsi;

1 SAMUEL 12:8

Adaŋemi Jacob odukde ke Egypt, mme ete mbufo enyuŋ esemede enɔ Jehovah, ndien Jehovah ɔdɔŋ Moses ye Aaron ekesioŋo mme ete mbufo ke Egypt efep, enyuŋ enɔ mmɔ iduŋ ke ebiet emi.