1 SAMUEL 10:1 - Edisana ñwed Abasi Ibom

¹ NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?

1 SAMUEL 10:1 ပူးပေါင်းရင်းမြစ်များ

2 SAMUEL 1:14

Ndien David ɔdɔhɔ enye, ete, Nsinam afo mukefeheke ndinyan ubɔk fo ŋwot enye emi Jehovah ekeyetde aran?

2 SAMUEL 19:39

Ekem edidem otim Barzillai inua, ndien enye ɔdiɔŋ edidem, onyuŋ afiak ke ebiet esie.

2 SAMUEL 20:19

Ami ndu ke otu mbon emem ye akpanikɔ ke Israel: afo oyoyom ndisobo obio ye eka ke Israel. Afo edinam didie emen udeme Jehovah emen?

2 SAMUEL 5:2

Tutuko adaŋemi Saul edide edidem nnyin, edi afo akada Israel ɔwɔrɔ, onyuŋ ada oduk. Jehovah okonyuŋ ɔdɔhɔ fi, ete, Afo eyebɔk ikɔt mi Israel, afo eyenyuŋ edi etubom Israel.

1 NDIDEM 1:34

ndien yak Zadok oku ye Nathan prophet eyet enye aran do enim ke edidem Israel: mbufo enyuŋ eda obukpoŋ efuri, enyuŋ edɔhɔ, ete, Yak Solomon edidem odu uwem.

1 NDIDEM 19:18

Edi mma nsuhɔ tɔsin owo itiaba ke Israel nnɔ idem mi, kpukpru mme edɔŋ eke mikenuhɔke inɔ Baal, ye kpukpru mme inua eke miketimke enye.

2 NDIDEM 20:5

Fiak kɔdɔhɔ Hezekiah, etubom ikɔt mi, ete, Ntem ke Jehovah, Abasi David usɔ, ɔdɔhɔ, ete, Mmokop mkpe-ubɔk fo, mmokut mmɔŋ-eyet fo; sese, nyenam udoŋɔ okure fi: afo eyedɔk ke ufɔk Jehovah ke ɔyɔhɔ usen ita.

2 NDIDEM 9:1

EKEM Elisha prophet okot eyen mme prophet kiet, onyuŋ ɔdɔhɔ enye, ete, Bɔbɔ mbɔbɔ fo ke isin, nyuŋ da ekpeme aran emi ke ubɔk fo, ka ke Ramoth-gilead:

2 NDIDEM 9:12

Ndien mmɔ ete, Nsu; tiŋ nɔ nnyin, mbɔk. Ndien enye ete, Ntem ye ntem ke enye ɔkɔdɔhɔ mi, ete, Ntem ke Jehovah ɔdɔhɔ ete, Mmeyet fi aran nnim ke edidem Israel.

ŊWED MME PSALM 135:4

Koro Jehovah emekde Jacob onim ke idem esie, emek Israel onim ke ata inyene esiemɔ.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ŊWED MME PSALM 78:71

ada enye ke ukama mme uman erɔŋ emi enɔde mmɔŋ-eba, efep edi, ete enye ɔbɔk Jacob ikɔt esie, ye Israel udeme esie.

EXODUS 30:23

Ndien ŋko da ata akpan ufuɔŋ-ŋkpɔ ke idem fo, ata eti myrrh shekel ikie ition, ye cinnamon eti utebe ekem ye ubak myrrh, shekel ikie iba ye aba ye duop, ye calamus eti utebe shekel

JEREMIAH 10:16

koro enye edide andibot kpukpru ŋkpɔ; Israel onyuŋ edi eto udeme esie: Jehovah mme udim edi enyiŋ esie.

EZEKIEL 16:13

Ndien afo ada gold ye silver abana idem; edisine-ŋkpɔ fo enyuŋ edi linen ye silk ye ŋwet-ŋwet ɔfɔŋ; afo adia eti ndom-uyo, ye aran-ɔkwɔk ye aran: onyuŋ akabare eye eti-eti, onyuŋ ɔdɔdiɔŋ ɔkɔri ɔwɔrɔ edi obio edidem.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

UTOM MME APOSTLE 13:21

Ekem mmɔ ebeŋe edidem: ndien Abasi ɔnɔ mmɔ Saul eyen Kish, owo esien Benjamin, ke isua aba.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

1 ŊWED THESSALONICA 5:26

Ekɔm kpukpru nditɔ-ete ye edisana ntim-inua.

MME HEBREW 2:10

Koro odotde Enye, emi kpukpru ŋkpɔ esuŋɔde ye Enye, kpukpru ŋkpɔ enyuŋ etode ke Enye, ke erida ediwak nditɔ nduk ubɔŋ ndinam asiakusuŋ eriyaŋa mmɔ asaŋa ke ndutuhɔ akabare ɔfɔn ama

ERIYARARE 5:8

Ekem ke adaŋemi Enye ɔkɔbɔde ŋwed, ŋkpɔ-uwem inaŋ, ye mbiowo edip ye inaŋ oro eduɔŋɔ ke iso Eyen-erɔŋ; mmɔ kiet kiet enyene harp ye eso o-gold, emi eyɔhɔde ye incense, emi edide mme akam nti ikɔt Abasi.

1 SAMUEL 12:3

Se mi mi: mbufo ebaŋa mi ke iso Jehovah, ye ke iso enye emi Enye ekeyetde aran: ŋkɔbɔ anie owo enaŋ esie? ŋkɔbɔ anie owo ass esie ŋko? ŋkonyuŋ ntuk anie owo? ŋko-nyuŋ mfik anie? anie owo ke ŋkenyuŋ mbɔ inyene ke ubɔk, man nda enye mfuk enyin mi? ndien nyeyak nnɔ mbufo.

1 SAMUEL 13:14

Edi ke emi ubɔŋ fo idibigike: Jehovah ama oyom owo ke idem esie eke ekemde esit ye enye, Jehovah ama onyuŋ eteme enye, ete edi etubom ikɔt imɔ, koro afo mukonimke se Jehovah eketemde fi.

1 SAMUEL 15:1

EKEM Samuel ɔdɔhɔ Saul, ete, Jehovah ɔkɔdɔŋ mi, ete nyet fi aran nnim ke edidem ikɔt esie, Israel: kop, ndien, uyo ikɔ Jehovah.

1 SAMUEL 15:17

Ndien Samuel ɔdɔhɔ ete, adaŋoro afo esede idemfo ke ekpri, nte inimke fi ke etubom mme esien Israel? Ndien Jehovah eyet fi aran onim ke edidem Israel.

1 SAMUEL 16:1

EKEM Jehovah ɔdɔhɔ Samuel, ete, Adaŋa didie ke afo editua Saul, sia mma nsio enye mfep ke idaha edidem Israel? Sin aran ke nduk fo yɔhɔ; ndien ka, nyedɔŋ fi utom ke ebiet Jesse eyen Bethlehem: koro mmokut edidem mi ke otu nditɔ-iren esie.

1 SAMUEL 16:13

Ntre Samuel ada nduk aran eyet enye idem ke otu nditɔ-ete esie: ndien spirit Jehovah oduk David ke idem toto ke usen oro, aka iso. Ndien Samuel adaha ɔnyɔŋ Ramah.

1 SAMUEL 2:10

Jehovah eyenuak mbon utɔk esie; enye etie ke enyɔŋ ada obuma esie ɔtɔ mmɔ: Jehovah eyekpe ikpe utit ererimbot; eyenyuŋ ɔnɔ edidem esie nsɔŋidem, onyuŋ emen nduk Messiah esie onim ke enyɔŋ.

1 SAMUEL 24:6

Enye onyuŋ ɔdɔhɔ ikɔt esie, ete, Nsa mi, ma Jehovah, ndinamke ŋkpɔ emi ye ete mi emi Jehovah ekeyetde aran; ndinyanke ubɔk mi ntuk enye: koro enye edide se Jehovah ekeyetde aran.

1 SAMUEL 26:11

Nsa mi O, ma Jehovah, ndinyanke ubɔk mi ntuk enye emi Jehovah ekeyetde aran: edi, mbɔk, kam men eduat emi odude ke ɔtɔ udoribuot esie, ye abaŋ mmɔŋ, ndien yak nnyin inyɔŋ.

1 SAMUEL 26:9

Ndien David ɔdɔhɔ Abishai, ete, Kusobo enye: koro anie edinyan ubɔk esie otuk enye emi Jehovah ekeyetde aran, ndien etre ndidue isop?

1 SAMUEL 8:19

Edi mbon oro inyimeke ndikop uyo Samuel; ndien mmɔ edɔhɔ ete, Ih ih: kam yak edidem akara nnyin;

1 SAMUEL 8:9

Kop ndien uyo mmɔ: edi kutetre ndisua nnɔ mmɔ, nnyuŋ nsian mmɔ ido edidem emi edikarade mmɔ.

1 SAMUEL 9:16

Adaŋemi mkpɔŋ nyedɔŋ owo oto ke isɔŋ Benjamin etiene fi, ndien da aran yet enye nim ke etubom ikɔt mi Israel; ndien enye eyenyaŋa ikɔt mi osio mme Philistine ke ubɔk: koro mmese ikɔt mi, koro eseme mmɔ omosim mi.

1 SAMUEL 9:27

Mmɔ esuhɔre eka ke utit obio, ndien Samuel ɔdɔhɔ Saul, ete, Dɔhɔ owo fo, ete asaŋa nnyin ke iso (ndien enye asaŋa), edi afo tuak da esisit, ndien nyenam fi okop uyo Abasi.