1 PETER 5:9 - Edisana ñwed Abasi Ibom

⁹ lion eke okunide, oyom se editade. Esɔŋɔ eda ke mbuɔtidem eŋwana ye enye, ke efiɔkde ete kpa utɔ ndutuhɔ emi ke ɔyɔyɔhɔ ke otu nditɔ-ete mbufo emi edude ke ererimbot.

1 PETER 5:9 ပူးပေါင်းရင်းမြစ်များ

LUKE 22:32

nte mbuɔt-idem okubɔhɔ fi: ndien afo ŋko, ke ini editɔŋɔde ntak akabare, sɔŋɔ nditɔ-ete fo idem.

JOHN 16:33

Ntiŋ mme ŋkpɔ emi nnɔ mbufo, man mbufo enyene emem ke Idem Mi. Mbufo eyekut ukut ke ererimbot: edi esɔŋ esit; Ami ŋkakan ererimbot.

UTOM MME APOSTLE 14:22

ekpe ye mmɔ ete esuk eyire ke mbuɔtidem, enyuŋ esian mmɔ ete, nnyin inyene ndibe ke ediwak ukut nduk ke Obio Ubɔŋ Abasi.

1 ŊWED CORINTH 10:13

Idomo ikosimke mbufo ibɔhɔke se inade owo ndibiom; edi Abasi edi akpanikɔ, idinyuŋ iyakke edomo mbufo ebe se ukeme mbufo edide; edi Enye eyesiak usuŋ ubɔhɔ ɔnɔ mbufo ke ufɔt idomo, man mbufo ekeme ndibiom enye.

ŊWED MBON EPHESUS 4:27

Owo eke esiyipde inɔ, okuyip aba;

ŊWED MBON EPHESUS 6:16

enyuŋ eda mbuɔtidem nte otu-ekɔŋ, emi edidade ekeme ndinime kpukpru enyim ikaŋ andidiɔk.

ŊWED MBON COLOSSAE 2:5

Koro okposuk edi nte mmenduhe ye mbufo ke obukidem, ami do ye mbufo ke spirit, nnyuŋ ndadara ndikut nte mbufo etimde edu uwem, mbuɔtidem mbufo onyuŋ ɔsɔŋɔde ada ke Christ.

1 ŊWED THESSALONICA 3:3

mbak owo ndomo kiet edisehere ɔkpɔŋ itie esie ke ntak ukut oro; koro mbufo ke idem mbufo efiɔkde ete oro edi akaŋa nnyin.

1ŊWED TIMOTHY 6:12

Ŋwana eti eŋwan mbuɔtidem; sɔŋɔ mum nsinsi uwem kama, emi ekokotde fi edida enyene, afo okonyuŋ etiŋ eti ikɔ mbuɔtidem ke iso ediwak ntiense.

2 ŊWED TIMOTHY 3:12

Ke akpanikɔ kpukpru owo eke eyomde ndidu eti uwem ke Christ Jesus enyene ndibiom isin-enyin.

2 ŊWED TIMOTHY 4:7

Mma ŋŋwana eti eŋwan, mma mfehe mbuba mi mma, mma nsɔŋɔ mmum mbuɔtidem ŋkama.

MME HEBREW 11:33

ye mme prophet; emi ekedade mbuɔtidem ekan mme idut, enam edinen ido, ebɔ mme uŋwɔŋɔ, ekibi mme lion inua, enime ide ikaŋ,

MME HEBREW 12:8

Edieke mbufo mikwe ntunɔ eke kpukpru nditɔ enyenede udeme ke esit, mbufo edi nditɔ akpara, idige ata nditɔ.

JAMES 4:7

Esuk idem ndien enɔ Abasi; eŋwana ye satan, ndien enye eyefehe ɔkpɔŋ mbufo;

1 PETER 1:6

Mbufo enyuŋ edadara ke ini oro eti-eti, okposuk edi nte akpanade nte nsio-nsio idomo enam mbufo edu ke mfuhɔ ke emi ke ekpri ini;

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.

ERIYARARE 6:11

Ndien enɔ mmɔ kiet kiet afia edisine-ŋkpɔ, enyuŋ edɔhɔ mmɔ ete, ebet kaŋa ke ekpri ibio ini, tutu ibat nsaŋa-utom mmɔ ye nditɔ-ete mmɔ, eke ediwotde nte mmɔ, ɔyɔhɔ.

ERIYARARE 7:14

Ndɔhɔ enye nte, Ɔbɔŋ mi, afo ɔmɔfiɔk. Ekem enye ɔdɔhɔ mi ete, Mmɔ oro edi mmɔ emi eketode ke akwa ukut ewɔŋɔ, ekenyuŋ eyetde ɔfɔŋidem mmɔ enam afia ke iyip Eyen-erɔŋ.