1 PETER 5:6 - Edisana ñwed Abasi Ibom

⁶ Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

1 PETER 5:6 ပူးပေါင်းရင်းမြစ်များ

1 NDIDEM 21:29

Ŋkɔm afo omokut nte Ahab osukde idem-esie ke iso mi? Koro enye osukde idem esie ke iso mi, ndidaha idiɔk-ŋkpɔ emi ndi ke eyo esie: edi ke eyo eyen esie nyeda idiɔk emi ntiene ufɔk esie.

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

2 CHRONICLES 12:12

Ndien adaŋemi enye osukde idem esie, iyaresit Jehovah akabare ɔkpɔŋ enye, Enye inyuŋ isoboke enye fap: ndien ŋko, nti ŋkpɔ enyuŋ edu ke Judah.

2 CHRONICLES 30:11

Edi ndusuk owo emi etode ke Asher, ye ke Manasseh, ye ke Zebulun, esuhɔre idem mmɔ enim, enyuŋ edi ke Jerusalem.

2 CHRONICLES 32:26

Ekem Hezekiah osuk idem abaŋa mmenere esit esie, enye ye mme andiduŋ Jerusalem; ndien iyaresit Jehovah inamke mmɔ ke eyo Hezekiah.

2 CHRONICLES 33:12

Ndien ke nnanenyin esie, enye ekpe Jehovah Abasi esie ubɔk, onyuŋ osuk idem esie eti-eti ke iso Jehovah Abasi mme ete esie,

2 CHRONICLES 33:19

Ama edi mkpeubɔk esie ŋko, ye nte Jehovah okopde uyo esie, ye kpukpru mme idiɔk ido esie, ye eridue esie, ye ɔtɔ oro enye ɔkɔbɔpde edikoŋ ebiet ke esit, onyuŋ owukde eto-mkpe, ye edisɔi mbiet, ke ini enye mika-isukke idem; sese, ewet mmɔ esin ke ikɔ mbon-ŋkukut.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

2 CHRONICLES 36:12

Enye onyuŋ anam idiɔk ke iso Jehovah Abasi esie, inyuŋ isukke idem esie ke iso Jeremiah prophet, ke uyo Jehovah.

ŊWED JOB 36:22

Sese, Abasi ke okoŋ ke odudu esie: anie eteme nte enye?

ŊWED MME PSALM 75:10

Nyenyuŋ nsibe kpukpru nduk mme idiɔk owo mfep, edi eyemenere nduk nti owo enim ke enyɔŋ.

ŊWED MME PSALM 89:13

Afo emenyene ubɔk odudu: ubɔk fo ɔmɔsɔŋ, nnasia fo omokoŋ.

EXODUS 10:3

Ndien Moses ye Aaron eka ke ebiet Pharaoh, ekedɔhɔ enye, ete, ntem ke Jehovah Abasi mme Hebrew ɔdɔhɔ ete, adaŋa didie ke afo edisin ndisuk idem ke iso mi? yak ikɔt mi eka, man ekenam ŋkpɔ enɔ mi.

EXODUS 3:19

Ndien ami mmɔfiɔk nte ke edidem Egypt idiyakke mbufo eka, ekpedi ke ɔkpɔsɔŋ ubɔk.

EXODUS 32:11

Ndien Moses ekpe Jehovah Abasi esie ubɔk, ete, O Jehovah, nsinam iyaresit fo asakde ntem ye ikɔt fo, emi afo okosiode mmɔ ke isɔŋ Egypt, ke akwa odudu, ye ke ɔkpɔsɔŋ ubɔk?

MME ŊKE 29:23

Iseri owo eyesuhɔre enye: edi nsukesit eyeda ukpono.

ISAIAH 2:11

Mmenere-enyin owo ɔduɔ, ntaŋidem mbɔŋ onyuŋ ɔsuhɔre, ndien Jehovah ikpɔŋ-ikpɔŋ okoŋ ke usen oro.

ISAIAH 40:4

Kpukpru itihere ebiet eyemenere ke enyɔŋ, kpukpru ikpɔ ye ŋkpri obot eyenyuŋ esuhɔre: se ikwaŋade eyenyuŋ akabare enen, ibombom eyenyuŋ akabare edi una-isɔŋ:

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

JEREMIAH 13:18

Dɔhɔ edidem ye ɔbɔŋ-aŋwan, ete, Mbufo esuhɔre etie; koro anyanya ubɔŋ mbufo otode mbufo ke ibuot ɔduɔ ke isɔŋ.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

EZEKIEL 17:21

Ndien kpukpru owo esie eke ebɔhɔde, ye kpukpru mbon-ekɔŋ esie eyeduɔŋɔ ke ofut; ndien mmɔ emi esuhɔde eyesuana esine ke kpukpru mme ofum; ndien mbufo eyefiɔk ete ke edi ami Jehovah ndɔhɔ.

EZEKIEL 21:6

Afo, ndien, eyen owo, mum tutu isin ɔbuŋɔ; nyuŋ mum ndot-ndot ke iso mmɔ.

DANIEL 5:22

Ndien afo, O Belshazzar, eyen esie ukɔsuhɔkede esit fo unim, koro afo ɔfiɔkde kpukpru ŋkpɔ emi.

LEVITICUS 26:41

ye nte ami ŋko ŋkasaŋade ke ndusuara ye mmɔ, ŋkonyuŋ nda mmɔ nsin ke isɔŋ mme asua mmɔ; edieke edut esit mmɔ ɔsuhɔde ndien mmɔ enyuŋ enem esit ke ufen ukwaŋ-ŋkpɔ mmɔ:

MICAH 6:8

O owo, enye omowut fi se ifɔnde; ndien nso ke Jehovah oyom ye afo, ke mibɔhɔke ndinam se inende, nnyuŋ mma ima Abasi, nnyuŋ nsuk idem nsaŋa ye Abasi fo?

MATTHEW 23:12

Edi owo ekededi eke edimenerede idem, eyesuhɔre enye enim; edi owo ekededi eke edisuhɔrede idem, eyemenere enye.

LUKE 1:52

Enye ekemen mbɔŋ efep ke ebekpo mmɔ, Onyuŋ ofori mmɔ emi ekpride.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

ŊWED MBON ROME 5:6

Koro ke adaŋemi nnyin ikodude kaŋa ke mmem-idem, ke edikem ini Christ akpa ke ibuot mmɔ emi miteŋeke Abasi.

1 ŊWED CORINTH 10:22

Mme, nte nnyin inanam Ɔbɔŋ ofibe ufup? Nte imenyene odudu ikan Enye?

DEUTERONOMY 32:35

Ufen ye usiene edi okim; ukot mmɔ eyefiɔnɔde ke ekem ini: koro usen nditaha mmɔ emekpere, ndien se ibeŋede mmɔ ke ɔnyuŋ ɔsɔp itɔk edi.

1ŊWED TIMOTHY 2:6

emi ɔkɔnɔde Idem Esie, ete idi ufak kpukpru owo. Ekɔnɔ mbuk ebaŋa ŋkpɔ emi ke edikem ini;

TITUS 1:3

edi ke edikem ini Enye ama ayarare ikɔ Esie ke ukwɔrɔ-ikɔ emi ekayakde esin mi ke ubɔk, nte item Abasi Andinyaŋa nnyin edide;

JAMES 4:10

Esuhɔre idem ke iso Ɔbɔŋ, ndien Enye eyemen mbufo onim ke enyɔŋ.

JAMES 4:7

Esuk idem ndien enɔ Abasi; eŋwana ye satan, ndien enye eyefehe ɔkpɔŋ mbufo;

JAMES 5:10

Nditɔ-ete, eda mme prophet, emi eketiŋde ŋkpɔ ke enyiŋ Jehovah, nte uwut-ŋkpɔ ke erisɔŋ esit mbiom ukut.