1 PETER 5:5 - Edisana ñwed Abasi Ibom

⁵ Kpasuk ntre, mbufo mkparawa, esuk idem enɔ mbiowo. Kpukpru mbufo enyuŋ ebɔbɔ nsukidem ke idem nte mbɔbɔ, enam ŋkpɔ enɔ kiet eken: koro Abasi aŋwaŋwana ye mbon iseri, edi ɔfɔn ido ye mbon nsukidem.

1 PETER 5:5 ပူးပေါင်းရင်းမြစ်များ

2 CHRONICLES 6:41

Daha ke enyɔŋ, ndien, O Jehovah Abasi, duk ke ebiet nduɔk-odudu fo, afo, ye ekebe nsɔŋ-idem fo: yak mme oku fo, O Jehovah Abasi esine erinyaŋa ke idem, yak mbon ima fo enyuŋ edat esit ke mfɔn.

ŊWED JOB 22:29

Ke ini emende owo eduɔk ke isɔŋ, afo eyedɔhɔ, ete, Emenere enim ke enyɔŋ: ndien eyenyaŋa owo eke ɔfuhɔde.

ŊWED JOB 29:14

Nsine edinen ido ke idem, ndien enye ofuk mi: eti ido mi ebiet ekura ye anyanya.

ŊWED MME PSALM 132:16

Ndien nyeda erinyaŋa nsine mme oku esie ke idem: ndien mbon ima esie eyesio mkpo idara.

ŊWED MME PSALM 132:9

Yak mme oku fo esine edinen ido ke idem; yak mbon ima fo enyuŋ esio mkpo idara.

ŊWED MME PSALM 138:6

Koro Jehovah okoŋde, ndien enye ese mbon nsukidem; edi etie nsan-nsan ɔdiɔŋɔ mbon iseri.

MME ŊKE 25:7

Koro ɔfɔnde nte edɔhɔde fi, ete, “Dɔk di ken,” akan nte esuhɔrede fi ke iso ɔbɔŋ emi enyin fo ekutde.

MME ŊKE 3:34

Ke ini enye asakde mbon nsahi, enye ɔfɔn ido ndien ye mme osuk-esit.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

ISAIAH 66:2

Ndien Jehovah ɔdɔhɔ, ete, Ubɔk mi akanam kpukpru ŋkpɔ, ndien kpukpru mmɔ emi edu: ndien nyewuk enyin nse owo emi, kpa eyen ukut, emi esit onyuŋ ɔtuhɔde, emi onyuŋ enyekde abaŋa ikɔ mi.

EZEKIEL 26:16

Ndien kpukpru mbɔŋ inyaŋ eyeto ke ebekpo mmɔ esuhɔre, enyuŋ enim ekura mmɔ, enyuŋ esioŋo ŋwet-ŋwet ɔfɔŋidem mmɔ efep: enyuŋ eda ndik esine ke idem; mmɔ eyesuhɔre etie ke isɔŋ, enyuŋ enyek idem kpukpru ini, enyuŋ enyene ndyɔ ebaŋa fi.

DANIEL 11:12

Ndien otu owo oro eyemenere idem mmɔ ke enyɔŋ, enye eyenyuŋ emenere esit esiemɔ onyuŋ ɔduɔk tɔsin duop, tɔsin duop, edi idisɔŋɔke.

LEVITICUS 19:32

Daha da ke iso owo iwat, nyuŋ kpono ebiowo iso, nyuŋ bak Abasi fo: ami ndi Jehovah.

LUKE 22:26

Edi inyeneke ndidi ntre ye mbufo: yak enye emi okponde akan ke otu mbufo akabare etie nte eyenɔwɔŋ; enye emi onyuŋ edide etubom akabare etie nte anam-utom.

ŊWED MBON ROME 12:10

Eda ima nditɔ-ete ema kiet eken; esɔp ndikpono kiet eken;

ŊWED MBON ROME 13:14

Emen Ɔbɔŋ Jesus Christ esine, ekunyuŋ ebeŋe ŋkpɔ enim enɔ idiɔk udɔŋ obukidem.

ŊWED MBON EPHESUS 5:21

Esuk idem enɔ kiet eken ke uteŋe Christ.

ŊWED MBON PHILIPPI 2:3

Ekunam baba ŋkpɔ kiet ke ndomo-idem mme ke ntaŋ-idem, edi yak owo kiet kiet ada nsuhɔre-esit abat ete, owo eŋwen ɔfɔn akan imɔ.

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

1ŊWED TIMOTHY 5:1

KUSƆŊƆ uyo usua unɔ ebi-owo, edi nɔ enye item nte ete, nyuŋ teme mkparawa nte nditɔ-ete:

MME HEBREW 13:17

Ekop uyo mme andida mbufo usuŋ, enyuŋ esuk ibuot enɔ mmɔ; koro mmɔ ekpemede eyom ufɔn ukpɔŋ mbufo, nte mmɔ emi enyenede ndinɔ Abasi ibat; man mmɔ enam utom ke idara, ekunam ke mfuhɔ; koro emi midorike udori inɔ mbufo.

JAMES 4:6

Edi Enye ɔnɔ mfɔn awak akan. Mmɔdo ewetde ete, Abasi ɔbiɔŋɔ mbon iseri, edi ɔnɔ mbon nsuhɔre-idem mfɔn.

1 PETER 3:8

Ke akpatre itie, mbufo kpukpru enyene esit kiet, ekop mbɔm ye kiet eken, etie ima-ima nte nditɔ-ete, enyene mfefere esit, enyuŋ esuhɔre idem.

1 PETER 4:1

SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

1 PETER 4:5

Edi mmɔ eyenyene ndibɔrɔ mbaŋa ŋkpɔ emi nnɔ Enye emi etiede ebet ndikpe mme odu uwem ye mme akpa-mkpa.