1 PETER 5:3 - Edisana ñwed Abasi Ibom

³ ekunyuŋ ebre odudu ye mmɔ emi ekeyakde esin mbufo ke ubɔk, edi enim idem nte uwut-ŋkpɔ enɔ mme erɔŋ.

1 PETER 5:3 ပူးပေါင်းရင်းမြစ်များ

ŊWED MME PSALM 33:12

Ɔfɔfɔn ɔnɔ idut eke Jehovah edide Abasi esie, ɔfɔn ɔnɔ obio eke enye emekde ke udeme esiemɔ.

ŊWED MME PSALM 74:2

Ti mbon esop fo, emi afo ekedepde ke eset; afo akafak esien udeme fo, obot Zion emi afo oduŋde ke esit.

EZEKIEL 34:4

Mbufo isɔŋke mmɔ emi idem emende mmɔ, inyuŋ ikɔkke mmɔ emi edɔŋɔde, inyuŋ ibɔpke mmɔ emi ebuŋɔde, inyuŋ imenke mmɔ emi ebinde efep ifiak idi, inyuŋ iyomke mmɔ eke esopde; edi ekan mmɔ ke nsɔŋ-ubɔk ye ke nnama.

MICAH 7:14

Da esaŋ fo bɔk ikɔt fo, kpa ufene emi afo enyenede, emi eduŋde ikpɔŋ ke akai ke ufɔt Carmel: mmɔ eyeta mbiet ke Bashan ye ke Gilead, kpa nte eyo oko.

NUMBERS 18:7

Edi afo ye nditɔ fo ŋko edikpeme ndinam utom idaha oku mbufo, ke kpukpru ŋkpɔ itie-uwa, ye ke edem ukara; mbufo enyuŋ enam ŋkpɔ: mmada idaha oku nnɔ mbufo ke utom enɔ: ndien esen owo eke asaŋade ekpere enyene ndikpa.

JOHN 13:15

Koro mmɔnɔ mbufo uwut-ŋkpɔ nte, mbufo nde enam kpa nte Ami ŋkanamde mbufo.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

1 ŊWED CORINTH 11:11

Edi ke Ɔbɔŋ, ŋwan iduhe ke erenowo miduhe, erenowo inyuŋ iduhe ke ŋwan mi duhe.

1 ŊWED CORINTH 3:5

Apollos edi nso? Paul onyuŋ edi nso? Mmɔ edi mme isuŋutom, emi okotode mmɔ mbufo enim ke akpanikɔ, nte Ɔbɔŋ ɔnɔde mmɔ kiet kiet.

1 ŊWED CORINTH 3:9

Koro nnyin isaŋa ikpat kiet idi mme anam-utom Abasi; mbufo edi iŋwaŋ eke Abasi ɔkɔtɔde, edi ufɔk eke Abasi ɔkɔbɔpde.

2 ŊWED CORINTH 1:24

Idige nte nnyin idedi mme andikara mbufo ke ŋkpɔ mbuɔtidem, edi nte idedi mme andiŋwam mbufo ndiyene idaresit. Koro ke mbuɔtidem ke mbufo edada.

2 ŊWED CORINTH 4:5

Koro idige idem nnyin ke nnyin ikwɔrɔ, edi Christ Jesus, ite, Enye edi Ɔbɔŋ, inyuŋ ikwɔrɔ ibaŋa idem nnyin, ite, idi ifin mbufo kabaŋa Jesus.

DEUTERONOMY 32:9

Koro udeme Jehovah edi ikɔt esie: Jacob edi ubak emi enye odomode ada.

ŊWED MBON PHILIPPI 3:17

Nditɔ-ete, kpukpru mbufo edi mme andikpebe mi, enyuŋ etiŋ enyin ese mmɔ emi esaŋade ke ido eke ŋwutde mbufo.

ŊWED MBON PHILIPPI 4:9

Se mbufo ekekpepde ekenyuŋ ebɔde mi ke ubɔk, enyuŋ ekopde enyuŋ ekutde ete nanam, mbufo etiene enam; ndien Abasi emem eyedu ye mbufo.

1 ŊWED THESSALONICA 1:7

ntre ke mbufo ekabare edi uwut-ŋkpɔ enɔ kpukpru owo eke enimde ke akpanikɔ ke Macedonia ye Achaia.

2 ŊWED THESSALONICA 3:9

Inamke ntre koro nnyin minyeneke unen ndikpetre utom; edi ikanam ntre, man inɔ mbufo uwut-ŋkpɔ, ete, ekpekpebe nnyin.

1ŊWED TIMOTHY 4:12

Kuyak owo esin fi kabaŋa uyen fo, edi di uwut-ŋkpɔ nɔ mmɔ emi enimde ke akpanikɔ, ke ikɔ-inua fo, ye ke edu uwem fo, ye ke ima, ye mbuɔtidem, ye edisana ido.

TITUS 2:7

Ke kpukpru usuŋ kama idem fo ke iso mmɔ nte uwut-ŋkpɔ eti utom; ke ukpep-ŋkpɔ, nɔ mmɔ akpanikɔ eke minyeneke mbiara,

1 PETER 2:9

Edi mbufo edi ubon eke emekde; edi mme oku edidem, edi edisana obio, edi ikɔt eke Abasi onimde ɔnɔ Idem Esie, man mbufo eka ekataŋa mme utibe erinam Esie, emi okokotde mbufo osio ke ekim, esin ke utibe uŋwana esie;