1 PETER 5:1 - Edisana ñwed Abasi Ibom

¹ AMI nsɔŋɔ nnɔ mbiowo emi edude ke otu mbufo uyo, kpa ami emi ke idem mi nsaŋade ye mmɔ ndi ebiowo,

1 PETER 5:1 ပူးပေါင်းရင်းမြစ်များ

LUKE 24:48

Mbufo edi mme ntiense ŋkpɔ emi.

UTOM MME APOSTLE 1:22

Jesus ododuk ɔwɔwɔŋɔ ke otu nnyin, tɔŋɔ ke baptism John tutu osim usen emi emende Enye edɔk ekpɔŋ nnyin, ke otu mmɔ emi owo kiet enyene nditiene nnyin ndi ntiense eriset Esie.

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

UTOM MME APOSTLE 11:30

mmɔ enyuŋ enam ntem, enɔ enɔ mmɔ ke ubɔk Barnabas ye Saul esɔk mbiowo.

UTOM MME APOSTLE 14:23

Edi ke ema ekemek mbiowo enim enɔ mmɔ ke kpukpru ufɔk Abasi, enyuŋ ebɔŋ akam, enyuŋ etre udia, eyak mmɔ esin ke ubɔk Ɔbɔŋ emi mmɔ ekebuɔtde idem ye Enye.

UTOM MME APOSTLE 15:4

Edi ke ini mmɔ esimde Jerusalem, ufɔk Abasi ye mme apostle ye mbiowo edara mmɔ, mmɔ enyuŋ ebuk kpukpru se Abasi akadade mmɔ anam.

UTOM MME APOSTLE 15:6

Mme apostle ye mbiowo esop idem ɔtɔ kiet ndikere ikɔ emi.

UTOM MME APOSTLE 2:32

Abasi akanam Jesus emi eset ke mkpa, nte nnyin kpukpru idide mme ntiense.

UTOM MME APOSTLE 20:17

Edi enye etie ke Miletus ɔdɔŋ ete eka ke Ephesus ekekot mbiowo ufɔk Abasi edi.

UTOM MME APOSTLE 20:28

Etim ese idem mbufo, ye ofuri otu erɔŋ, emi Edisana Spirit okonimde mbufo ke mme andikpeme mmɔ, ete ebɔk mbon ufɔk Abasi, emi Enye ekedepde ke iyip Esie.

UTOM MME APOSTLE 21:18

Ndien ke ndaŋ-nsiere Paul asaŋa ye nnyin aka ndise James; kpukpru mbiowo enyuŋ edu do.

UTOM MME APOSTLE 3:15

edi Abasi amanam Enye eset ke mkpa; emi nnyin idide mme ntiense.

2 ŊWED CORINTH 5:1

KORO nnyin imɔfiɔk ite, edieke ataya eke idaŋde ke esit ke isɔŋ emi owurede, imenyene ufɔk eke Abasi ɔnɔde, eke midaha ubɔk owo ibɔp, eke ebigide ke nsinsi ke heaven.

2 ŊWED CORINTH 5:8

Ŋkɔm ikokop isɔŋ-esit, onyuŋ odu nnyin ke udɔŋ akan ndidaha ŋkpɔŋ ikpɔhidem ŋkodu ye Ɔbɔŋ.

ŊWED MBON PHILIPPI 1:19

ke akpanikɔ nyenyuŋ ndadara; koro mmɔfiɔk nte ŋkpɔ emi eyewɔrɔ erinyaŋa ɔnɔ mi, oto ke mkpe-ubɔk mbufo, ye Spirit emi Jesus Christ edinɔde mi:

1ŊWED TIMOTHY 5:1

KUSƆŊƆ uyo usua unɔ ebi-owo, edi nɔ enye item nte ete, nyuŋ teme mkparawa nte nditɔ-ete:

1ŊWED TIMOTHY 5:19

Kukop ikɔ-edem eke etiŋde edian ebiowo, ibɔhɔke oto ke inua owo iba mme ita.

2 ŊWED TIMOTHY 4:8

Ema enim anyanya eti ido ebeŋe mi, emi Ɔbɔŋ, kpa Edinen Ebierikpe, edinɔde mi ke usen oro; idinyuŋ inɔŋɔ mi ikpɔŋ, edi eyenyuŋ ɔnɔ kpukpru mmɔ emi emade eriyarare Esie.

TITUS 1:5

Ŋkɔkpɔŋ fi ke Crete ke ntak emi, man afo eneŋere onim ŋkpɔ eke enanade, onyuŋ emek mbiowo onim ke obio ke obio, kpa nte ŋketemede fi;

PHILEMON 1:9

edi ke ntak ima mmakam ŋkabare ŋkpe ye afo, sia ntiede nte Paul, akani owo, nnyuŋ ndide owo-ŋkpɔkɔbi Christ Jesus ke emi;

MME HEBREW 12:1

MMƆDO, sia otu ntiense eke ewakde ntem ekande nnyin ekuk, eyak nnyin nde ikpɔnɔre kpukpru mbiomo inim ŋkaŋ kiet, ye idiɔk-ŋkpɔ eke eyirede nnyin ke kpukpru edem; enyuŋ eyak ifehe mbuba eke anade nnyin ke iso ye ime,

1 PETER 1:12

Ema enyuŋ eyarare ewut mmɔ ete, idige kabaŋa idem mmɔ, edi kabaŋa mbufo, ke mmɔ emen ikɔ oro etiŋ, kpa ikɔ oro ema etaŋa ke emi enɔ mbufo, ke inua mmɔ emi ekwɔrɔde gospel enɔ mbufo ke Edisana Spirit, emi ekɔdɔŋde oto ke heaven edi. Ɔdɔŋ mme angel ndinyuŋɔ ŋkpɔ emi mfiɔk.

1 PETER 1:7

man mbuɔtidem mbufo emi ema edomo ewut, emi ɔsɔŋde urua akan mbiara gold eke edade ikaŋ edomo, ɔkpɔwɔrɔ edi ŋkpɔ itoro ye ubɔŋ ye ukpono ɔnɔ mbufo ke adaŋemi Jesus Christ ediyararede idem.

1 PETER 4:13

Edi adaŋa nte mbufo ebuanade ke ndutuhɔ Christ, ekam edara; man mbufo ekpenyuŋ edat esit eti-eti ke adaŋemi ediyararede ubɔŋ Esie.

1 PETER 5:4

Ndien ke adaŋemi Akwa Andikpemerɔŋ ediyararede idem, mbufo eyebɔ anyanya ubɔŋ eke midibiarake.

1 JOHN 3:2

Ndima, nnyin idi nditɔ Abasi ke emi; ndien iyarakere kaŋa iwut se nnyin ididide. Edi nnyin ifiɔk ite, edieke Enye ediwɔrɔde owut idem nnyin iyebiet Enye, koro nnyin iyekut Enye nte Enye edide.

2 JOHN 1:1

EBIOWO ɔnɔ ŋwed emi esɔk eti ŋwan emi Abasi ekemekde, ye nditɔ esie emi mmade ke esit akpanikɔ; inyuŋ idige ami ikpɔŋ mma mmɔ, edi kpukpru mmɔ emi efiɔkde akpanikɔ;

3 JOHN 1:1

EBIOWO ewet ŋwed emi ɔnɔ esɔk Gaius, owo ima mi, emi mmade ke akpanikɔ.

ERIYARARE 1:9

Ami John, eyen-ete mbufo, emi mbuanade ye mbufo ke ukut ye Obio Ubɔŋ ye ime eke edude ke Jesus, ŋkodu ke isuo emi ekerede Patmos, ke ntak ikɔ Abasi, ye ikɔ-ntiense mbaŋa Jesus.