1 PETER 4:19 - Edisana ñwed Abasi Ibom

¹⁹ Ntem ke ɔfɔn mmɔ emi ekutde ndutuhɔ nte uduak Abasi edide eyak ukpɔŋ mmɔ ke erinam eti ŋkpɔ esin ke ubɔk Andibot, emi edide Abasi akpanikɔ.

1 PETER 4:19 ပူးပေါင်းရင်းမြစ်များ

ESTHER 4:16

Ka kobon kpukpru mme Jew emi edude ke Shushan, mbufo enyuŋ etre udia ebaŋa mi, ekunyuŋ edia ŋkpɔ, ekunyuŋ eŋwɔŋ ke usen ita, ke okoneyo, ye ke uwemeyo, ami ye nditɔ-iban mi ŋko iyetre udia kpa ntre; ndien ntem ke ndiduk ke ɔtɔ edidem, eke misaŋake ke ewuhɔ; ndien mma ŋkpa yak ŋkpa.

ŊWED MME PSALM 138:8

Jehovah eyema ŋkpɔ ɔnɔ mi: O Jehovah, ima fo odu ke nsinsi: kukpɔŋ se ubɔk fo anamde.

ŊWED MME PSALM 31:5

Nyeda spirit mi nsin fi ke ubɔk: Jehovah Abasi akpanikɔ, afo amafak mi.

ŊWED MME PSALM 37:5

Kpat usuŋ fo nɔ Jehovah, nyuŋ buɔt idem fo ye enye, ndien enye eyenam.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.

DANIEL 6:22

Abasi mi ɔmɔdɔŋ angel esie edikubi mme lion inua, ndien mmɔ inamke mi baba idiɔk ŋkpɔ kiet: koro ekutde ete ke nnyeneke se nduede ke iso esie; ndien, ŋko, O edidem, nnamke baba idiɔkŋkpɔ kiet ke iso fo.

LUKE 23:46

Ndien Jesus ofiori ke ɔkpɔsɔŋ uyo, ete, Ete, mmayak spirit Mi nsin Fi ke ubɔk; ndien ke Enye amaɔkɔdɔhɔ ntem, Enye ayak Spirit Esie.

UTOM MME APOSTLE 7:59

Ndien mmɔ etɔŋɔ Stephen ke itiat, nte enye esemede okot Ɔbɔŋ, ete Ɔbɔŋ Jesus, bɔ ukpɔŋ mi.

ŊWED MBON ROME 2:7

Enye eyeda nsinsi uwem ɔnɔ mmɔ emi eyirede ke erinam eti ido eyom ubɔŋ ye ukpono ye uwem eke midibiarake:

2 ŊWED TIMOTHY 1:12

Emi esin mi ŋkut ndudtuhɔ emi; edi ŋkopke but; koro mmɔfiɔk Enye emi ŋkɔbuɔtde idem ye Enye, mmonyuŋ mbure mfiɔk nte, Enye emekeme ndikpeme se ŋkayakde nsin Enye ke ubɔk tutu osim usen oro.

1 PETER 2:15

Koro Abasi aduak ntem ete, mbufo eda nti ido ekibi inua mbon ndisime, eke mifiɔkke se mmɔ etiŋde.

1 PETER 3:17

Koro ɔfɔn mbufo ndikut ndutuhɔ mbaŋa erinam eti ido ke Abasi onyimede, akan ndikut mbaŋa erinam se idiɔkde.

1 PETER 3:20

kpa mmɔ emi eketutde utɔŋ ke eyo oko, ke adaŋemi anyan ime Abasi etiede ebet ke eyo Noah, tutu ema ebɔp ark, eke owo emi miwakke, oro edi owo itiaita, esaŋade ke esit ebe ke mmɔŋ ekut erinyaŋa;