1 PETER 4:17 - Edisana ñwed Abasi Ibom

¹⁷ Koro ekem ini nte ikpe editɔŋɔde ke ufɔk Abasi; ndien edieke ikpe ɔtɔŋɔde ye nnyin, nso ididi utit mmɔ emi misukke ibuot inɔ gospel Abasi?

1 PETER 4:17 ပူးပေါင်းရင်းမြစ်များ

ISAIAH 10:12

Ndien eyedi nte Ɔbɔŋ edisibede ofuri utom esiemɔ efep ke obot Zion, ye ke Jerusalem; ndien nyeda ufen ntiene mfri iseri esit edidem Assyria, ye ubɔŋ mmenere iso esie.

JEREMIAH 25:29

Koro, sese, ami mmɔŋ ntɔŋɔ ndida idiɔk-ŋkpɔ ntiene obio emi ekerede enyiŋ mi, ndien nte mbufo edibɔhɔ ufen kpukpru? Mbufo idibɔhɔke bɔhɔ: koro ami ŋkotde ofut, nte osim kpukpru mme andiduŋ isɔŋ: emi edi uyo Jehovah mme udim.

JEREMIAH 49:12

Koro ntem ke Jehovah ɔdɔhɔ, ete, Sese, mmɔ eke mikenyeneke ndiŋwɔŋ cup oro iketreke ndiŋwɔŋ; nte afo edibɔhɔ ndien? Udubɔhɔke bɔhɔ: koro mudutreke ndiŋwɔŋ.

EZEKIEL 9:6

Mbufo ewot ebiowo ye akparawa ye eyen-aŋwan ye iban, esobo; edi ekusaŋa ekpere baba owo kiet eke idiɔŋɔ oro odude enye ke idem; mbufo enyuŋ etɔŋɔ ke edisana ebiet mi.

AMOS 3:2

Ŋkɔfiɔk mbufo ikpɔŋ-ikpɔŋ ke otu kpukpru oruk ererimbot: mmɔdo nyenɔ mbufo ufen kpukpru mme idiɔk ido mbufo.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

LUKE 23:31

Koro edieke enamde ŋkpɔ emi ye nsehe eto, edinam didie ye nsat eto?

ŊWED MBON ROME 1:1

PAUL, owo Jesus Christ, emi Abasi okokotde ete edidi apostle, onyuŋ adianarede onim ɔnɔ gospel Esie

ŊWED MBON ROME 2:9

Ukut ye ɔkpɔsɔŋ ndutuhɔ eyedoro kpukpru ukpɔŋ owo eke enamde idiɔk-ŋkpɔ, odoro Jew ke akpa-itie, onyuŋ odoro Greek ŋko;

ŊWED MBON GALATIA 3:1

O MBON Galatia, emi enanade ibuot, anie ekebre esin mbufo ewɔŋɔre ekpɔŋ Jesus Christ; emi ekosiode ke iso mbufo nte owo emi ewotde ke cross?

ŊWED MBON GALATIA 5:7

Mbufo ekefefehe mbuba nte eyede ndise: anie ɔkɔwɔrɔ ɔkɔbiɔŋɔ mbufo ke usuŋ, ete, ekusuk ibuot enɔ akpanikɔ?

ŊWED MBON GALATIA 6:10

Mmɔdo ndien, adaŋa nte ikutde ifet, eyak nnyin ifɔn ido ye kpukpru owo, akpan-akpan ye mmɔ emi etode ke ufɔk mme andinim ke akpanikɔ.

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

1ŊWED TIMOTHY 3:15

edi edieke mbigide ndidi, ŋwet man afo ɔfiɔk usuŋ nte owo ekpedude uwem ke ufɔk Abasi; emi edide ufɔk odu uwem Abasi, adaha ye isɔŋ eke akpanikɔ Abasi odorode ke esit.

MME HEBREW 11:8

Oto mbuɔtidem Abraham, ke adaŋemi ekotde enye, okop uyo Abasi, ete ɔwɔrɔ aka ke isɔŋ eke enye edidade nte udeme esie enye onyuŋ ɔwɔrɔ aka, ifiɔkke ŋkaŋ eke enye akade.

MME HEBREW 2:2

Koro edieke ikɔ eke ekedade mme angel etiŋ ɔsɔŋɔde ada, ndien kpukpru ndudue ye ntututɔŋ ebɔde ufen eke ekemde;

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.

MME HEBREW 3:6

edi Christ ke anam akpanikɔ nte Eyen, emi akarade ufɔk Abasi: ndien nnyin idi ufɔk Abasi emi, edieke nnyin isɔŋɔde imum uko nnyin ye mbure eke nnyin iburede ke idori-enyin nnyin tutu osim akpatre.

MME HEBREW 5:9

ndien ke ema ekenam Enye ɔfɔn ama, Enye akabare edi ntak nsinsi erinyaŋa ɔnɔ kpukpru owo emi ekopde uyo Esie;

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 2:8

Ye, Itiat utuaha ye akwa itiat eke esinde owo eduɔŋɔ. Mmɔ etuak ukot, koro mmɔ misukke ibuot inɔ ikɔ Abasi; oro onyuŋ edi se inade inɔ mmɔ.