1 PETER 4:14 - Edisana ñwed Abasi Ibom

¹⁴ Edieke esuenede mbufo kabaŋa enyiŋ Christ, ɔfɔfɔn ɔnɔ mbufo; koro Spirit ubɔŋ ye Spirit Abasi odoro mbufo ke idem.

1 PETER 4:14 ပူးပေါင်းရင်းမြစ်များ

1 NDIDEM 10:8

Ɔfɔfɔn ye ikɔt fo, ɔfɔfɔn ye mme asaŋutom fo emi edade fi ke iso kpukpru ini, enyuŋ ekopde eti ibuot fo.

2 NDIDEM 2:15

Ndien adaŋemi nditɔ mme prophet oro edude ke Jericho ke edem oko ekutde, mmɔ edɔhɔ ete, spirit Elijah odu Elisha ke idem. Ndien mmɔ eka ekesobo ye enye, enyuŋ enuhɔ ke isɔŋ enɔ enye.

ŊWED MME PSALM 146:5

Ɔfɔfɔn ɔnɔ owo eke Abasi Jacob edide andiŋwam enye, eke odoride enyin ye Jehovah Abasi esie:

ŊWED MME PSALM 49:9

man enye osuk odu uwem ke nsinsi, okunyuŋ okut mbiara.

ŊWED MME PSALM 89:51

emi mme asua fo edade esuene, O Jehovah; emi mmɔ edade esuene ikpat ukot Messiah fo.

ISAIAH 11:2

Ndien spirit Jehovah eyedoro enye ke idem, spirit eti ibuot ye asian, spirit item ye odudu, spirit ifiɔk ye uteŋe Jehovah:

ISAIAH 25:8

Enye eyemen mkpa ke nsinsi; Ɔbɔŋ Jehovah onyuŋ ɔkwɔhɔre kpukpru iso mmɔŋ eyet efep; eyenyuŋ osio esuene ikɔt esiemɔ ke ofuri ererimbot efep: koro edi Jehovah ɔdɔhɔ.

ISAIAH 51:7

Ekop uyo mi, mbufo emi efiɔkde eti ido, mbio emi mbet mi odude mmɔ ke esit; mbufo ekufehe esuene owo, nsia okonyuŋ oyomo mbufo abaŋa isuŋi mmɔ.

MATTHEW 5:11

Ɔfɔfɔn ɔnɔ mbufo ke adaŋemi owo edisuŋide mbufo, enyuŋ enam mbufo isin-enyin, enyuŋ etiŋ kpukpru oruk idiɔk-ŋkpɔ ke nsu edian mbufo kabaŋa Mi.

MATTHEW 5:16

Kpa ntre yak uŋwana mbufo ayama ke iso owo, man mmɔ ekut nti utom mbufo, enyuŋ etoro Ete mbufo emi odude ke Heaven.

LUKE 6:22

Ɔfɔfɔn ɔnɔ mbufo ke ini owo edisuade mbufo, edinyuŋ edianarede mbufo ke idem mmɔ efep, ediyuŋ esuŋide mbufo, enyuŋ esin enyiŋ mbufo nte idiɔk ŋkpɔ kabaŋa Eyen Owo.

JOHN 15:21

Edi mmɔ eyenam mbufo kpukpru ŋkpɔ emi ke ntak Mi, koro mmɔ mifiɔkke Andidɔŋ Mi.

JOHN 8:48

Mme Jew ebɔrɔ Enye ete, Nte nnyin ineŋekere idɔhɔ ite Afo edi owo Samaria, idat onyuŋ anam Fi?

JOHN 9:28

Mmɔ esuŋi enye ete, Afo edi owo mbet Esie, edi nnyin idi mbet Moses.

JOHN 9:34

Mmɔ ebɔrɔ enye ete, Afo akamana ke idiɔk-ŋkpɔ ofuri-ofuri: nte afo ekpekpep nnyin ŋkpɔ ndien? Ntem ke mmɔ ebin enye eduɔk.

UTOM MME APOSTLE 13:45

Edi ke ini mme Jew ekutde otu owo, ufup ɔyɔhɔ mmɔ ke esit, mmɔ enyuŋ eneni mme ŋkpɔ eke Paul etiŋde, enyuŋ esuŋi.

UTOM MME APOSTLE 18:6

Edi ke mmɔ enenide ye enye ɔkpɔsɔŋ enyuŋ esuŋide, enye ekeŋ ɔfɔŋidem esie onyuŋ ɔdɔhɔ mmɔ ete, Iyip mbufo osuk ɔkɔbɔ mbufo; nsaŋake do; ɔtɔŋɔde ke emi mmetiene mme Gentile.

UTOM MME APOSTLE 28:22

Edi iyom ndikop se ekerede ke inua fo: edi ama edi ŋka emi, nnyin imɔfiɔk ite mme owo etiŋ ŋkpɔ ebiat enye ke kpukpru ebiet.

UTOM MME APOSTLE 5:41

Ntre ke mmɔ oro ewɔrɔ ekpɔŋ esop, edara koro ebatde ete mmɔ emedot ndibɔ esuene kabaŋa enyiŋ Jesus.

2 ŊWED CORINTH 12:10

Mmɔdo mmadara ke mmem-idem, ye esuene, ye afanikɔŋ, ye isin-enyin, ye mbaba, kabaŋa Christ; koro ke adaŋemi idem ememde mi, adaŋoro ke ntim nnyene nsɔŋ-idem.

2 ŊWED CORINTH 4:10

kpukpru ini ke ibiom eriwot eke ewotde Jesus ke ikpɔhidem nnyin isaŋa, man uwem Jesus nde ɔwɔrɔ owut idem ke ikpɔhidem nnyin.

2 ŊWED CORINTH 4:16

Ke ntak emi esit iduɔhɔ nnyin; edi okposuk edi nte ikpɔhidem nnyin ataharede, idem nnyin emi odude ke esit-esit ke akabare edi obufa, ke usen ke usen.

ŊWED MBON GALATIA 1:24

ndien mmɔ enɔ Abasi ubɔŋ ebaŋa mi.

MME HEBREW 11:26

enye onyuŋ abat esuene Christ nte inyene eke okponde akan ŋkpɔ uto Egypt: koro enye owukde enyin ese utip eke edinɔde enye.

JAMES 1:12

Ɔfɔn ye owo eke ɔsɔŋɔde ada ke idomo, koro ke ema ekedomo enye efiɔk ete ɔfɔn, eyenɔ enye anyanya uwem, emi Ɔbɔŋ ɔkɔ-ŋwɔŋɔde ndinɔ mmɔ emi emade Enye.

JAMES 5:11

Sese, nnyin idɔhɔ ite, ɔfɔfɔn ye mmɔ emi ema ebiom ukut: mbufo emokop ebaŋa ime Job, emenyuŋ ekut se Ɔbɔŋ anamde enye ke akpatre, nte Ɔbɔŋ enyenede esit mbɔm, onyuŋ atuade owo mbɔm.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 3:14

Edi edieke mbufo ekutde ndutuhɔ ŋko ke ntak edinen ido, osuk ɔfɔfɔn ɔnɔ mbufo. Ekufehe se mmɔ etiŋde ndidikhe mbufo, ekunyuŋ eyak esit otimere mbufo;

1 PETER 3:16

etiŋ enyin enyene esit eke asanade, man ke nde eke etiŋde ŋkpɔ edian mbufo, mmɔ eke esuede eti uwem mbufo ke Christ ekpadia but.

1 PETER 4:16

edi edieke owo okutde ndutuhɔ nte owo Christ, yak enye okukop but, edi akam ɔnɔ Abasi ubɔŋ ye enyiŋ emi.

2 PETER 2:2

Ediwak owo eyenyuŋ etiene mmɔ ke mbukpo ido mmɔ: oto mmɔ ke owo eyenyuŋ etiŋ idiɔk edian usuŋ akpanikɔ.