1 PETER 4:11 - Edisana ñwed Abasi Ibom

¹¹ Edieke owo etiŋde ikɔ, yak enye etiŋ nte etiŋ ikɔ Abasi: ŋko, edieke owo anamde ŋkpɔ ɔnɔ ekemmɔ owo yak enye anam nte ada odudu eke Abasi ɔnɔde anam; man ke kpukpru ŋkpɔ Abasi edinyene ubɔŋ oto ke Jesus Christ. Ubɔŋ ye erikara enyene Enye ke nsinsi-nsinsi. Amen.

1 PETER 4:11 ပူးပေါင်းရင်းမြစ်များ

ŊWED MME PSALM 145:13

Ubɔŋ fo edi ata nsinsi ubɔŋ, afo onyuŋ akara ke ofuri emana.

ISAIAH 8:20

Ebup ewuhɔ ye ŋwed ntiense: ke mmɔ minyimeke ndidɔhɔ nte ekemde ye ikɔ emi, ke edi mmɔ eke midikwe usiere.

JEREMIAH 23:22

Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

DANIEL 4:3

Mme utibe ŋkpɔ esie ewak didie! ŋkpɔ ndyɔ esie enyuŋ esɔŋɔ didie! ubɔŋ esie edi nsinsi ubɔŋ; enye onyuŋ akara ke ofuri emana.

DANIEL 4:34

Ekem ke utit ini oro, ami Nebuchadnezzar mmenere enyin mi nse enyɔŋ, ndien ibuot mi ɔtɔŋ ntak ɔfɔn; ndien ami ŋkɔm Ata Edikoŋ, nnyuŋ ntoro, nnyuŋ ŋkpono enye emi odude uwem ke nsinsi, emi akarade ke nsinsi, emi ubɔŋ esie onyuŋ ebigide ke ofuri emana:

DANIEL 7:14

Ndien enɔ enye ubɔŋ, ye ukpono, ye itie-edidem, ete kpukpru mme idut ye obio ye usem enam ŋkpɔ enɔ enye: ubɔŋ esie edi nsinsi ubɔŋ eke midikureke, itie-edidem esie idinyuŋ ibiarake.

MATTHEW 6:13

Kunyuŋ uda nnyin usin ke idomo; Edi sio nnyin ke ubɔk andidiɔk.

JOHN 13:31

Ke enye ama ɔkɔwɔrɔ, Jesus ɔdɔhɔ ete, Eyen Owo ɔkɔbɔ ubɔŋ ke emi, Abasi okonyuŋ ɔbɔ ubɔŋ ke idem Eyen.

UTOM MME APOSTLE 7:38

Enye edi owo oro asaŋade ye angel emi ekenemede nneme ye enye ke Obot Sinai odu ke esop ke desert ye mme ete nnyin: enye onyuŋ ɔbɔ mme odu-uwem ikɔ ɔsɔk nnyin:

ŊWED MBON ROME 11:36

Koro kpukpru ŋkpɔ eto Enye, enyuŋ edu ke Enye, enyuŋ ena enɔ Enye. Ubɔŋ enyene Enye ke nsinsi. Amen.

ŊWED MBON ROME 12:3

Nda mfɔn eke ekenɔde mi ndɔhɔ kpukpru owo ke otu mbufo, nte enye okukere ete idi ŋkpo ikan nte ekpekerede: edi yak enye ekere abaŋa idem esie nte enyene-ibuot owo ekpekerede, nte ekemde ye idomo mbuɔtidem eke Abasi ɔkɔnɔde owo kiet kiet.

ŊWED MBON ROME 16:27

Enɔ Enye emi ikpɔŋ-ikpɔŋ edide Abasi ɔniɔŋ ubɔŋ oto ke Jesus Christ, ke nsinsi. Amen.

ŊWED MBON ROME 3:2

Ɔfɔn eti-eti ke kpukpru usuŋ. Ke akpa itie, ekeyak ikɔ Abasi esin mmɔ ke ubɔk.

1 ŊWED CORINTH 10:31

Mmɔdo mme mbufo ediade, mme eŋwɔŋde, mme enamde ŋkpɔ ekededi, enam kpukpru enɔ Abasi ubɔŋ.

1 ŊWED CORINTH 12:4

Edi mme enɔ edi nsio-nsio, edi Spirit edi kiet.

1 ŊWED CORINTH 3:10

Nte mfɔn emi Abasi ɔkɔnɔde mi edide, nte etubom ubɔp-ufɔk emi enyenede eti ibuot, mma nnim itiat-ukot-ufɔk, owo efen ke onyuŋ ɔbɔp odori ke esit. Edi ɔfɔn kpukpru owo ekpeme se mmɔ ebɔpde edori ke esit.

1 ŊWED CORINTH 6:20

Mbufo inyuŋ idige eke mbufo. Ekedep mbufo ke ekɔm-urua; mmɔdo enɔ Abasi ubɔŋ ke ikpɔhidem mbufo.

2 ŊWED CORINTH 2:17

Ndien anie ekeme ndinam utɔ utom oro? Nnyin imekeme; koro nnyin itiehe nte ediwak owo emi enyanyam ikɔ Abasi eŋwana udori; edi itiŋ ikɔ ke Christ ke iso Abasi, nte owo emi edide owo akpanikɔ ye owo Abasi etiŋde.

2 ŊWED CORINTH 9:13

Mmɔ eda erinam ŋkpɔ emi edomo mbufo efiɔk se mbufo edide, enyuŋ etoro Abasi, koro mbufo esukde ibuot enɔ gospel Christ emi mbufo ekonyimede, enyuŋ etatde ubɔk enɔ etibe esɔk mmɔ ye kpukpru owo;

ŊWED MBON EPHESUS 1:19

ye se uwak ubɔŋ udeme eke Enye enyenede ke ikɔt Esie edide; ye adaŋa nte odudu Esie ɔsɔŋɔde okpon ɔnɔ nnyin emi inimde ke akpanikɔ, nte asaŋade ekekem ye ata ɔkpɔsɔŋ odudu Esie,

ŊWED MBON EPHESUS 4:29

Ekuyak ndek-ndek ikɔ ɔwɔrɔ mbufo ke inua, edi etiŋ se iŋwamde owo ndikɔri ke mfɔn, nte unana owo edide, man eda ufɔn enɔ mmɔ eke ekopde.

ŊWED MBON EPHESUS 5:20

Enɔ Abasi Ete ekɔm kpukpru ini ebaŋa kpukpru ŋkpɔ, ke enyiŋ Ɔbɔŋ nnyin Jesus Christ.

ŊWED MBON EPHESUS 6:10

Nte akpatre ikɔ, esɔŋɔ idem ke Ɔbɔŋ ye ke ɔkpɔsɔŋ odudu Esie.

ŊWED MBON PHILIPPI 1:11

enyuŋ eyɔhɔ ye mbuŋwum eti ido, emi otode Jesus Christ, enɔ Abasi ubɔŋ ye itoro.

ŊWED MBON PHILIPPI 2:11

kpukpru edeme ekponyuŋ enyime ete Jesus Christ edi Ɔbɔŋ, enɔ Abasi Ete ubɔŋ.

ŊWED MBON COLOSSAE 4:6

Eyak nneme mbufo enyene inem ke esit kpukpru ini, nte esinde inuŋ ke esit, kpaŋ mbufo ediɔŋɔ nte mbufo ekpemende ikɔ enɔ kpukpru owo ibɔrɔ.

1 ŊWED THESSALONICA 2:4

edi nte Abasi okodomode nyin ɔfiɔk, ete nyin imodot nte Imɔ ikpayakde gospel isin nnyin ke ubɔk, ntem ke nnyin itiŋ; itiŋke man inem owo esit, edi ndinem Abasi emi odomode esit nnyin ese.

1ŊWED TIMOTHY 1:17

Yak emen ukpono ye ubɔŋ enɔ Edidem emi akarade ke kpukpru eyo, emi mikemeke ndikpa, enyin minyuŋ ikemeke ndikut Enye, kpa Abasi kierakiet ke nsinsi-nsinsi. Amen.

1ŊWED TIMOTHY 6:16

emi Enye ikpɔŋ mikpaha mkpa, emi oduŋde ke uŋwana eke owo mikemeke ndisaŋa ŋkpere; emi akanam owo mikwe, midinyuŋ ikemeke ndikut: ubɔŋ enyene Enye ye nsinsi odudu. Amen.

TITUS 2:1

EDI ama edi afo, tiŋ ikɔ eke ekemde ye eti ukpep-ŋkpɔ.

TITUS 2:15

Tiŋ ŋkpɔ emi, nyuŋ nɔ owo item, nyuŋ sua nɔ mmɔ nte ekekeme. Kuyak baba owo kiet ese fi ke ndek.

MME HEBREW 13:7

Eti mmɔ emi ekadade mbuot usuŋ, emi eketiŋde ikɔ Abasi enɔ mbufo. Etim ese se uwem mmɔ ɔwɔrɔde ke akpatre, enyuŋ ekpebe mbuɔtidem mmɔ.

MME HEBREW 5:12

Koro ke ini mbufo ekpedide mme anditeme owo efen adaŋemi, mbufo etɔŋɔ ntak eyom owo ekpep mbufo akpa eritɔŋɔ ukpep-ŋkpɔ Abasi; ema enyuŋ ekabare edi mmɔ emi mmɔŋeba ɔfɔnde ye mmɔ, midige ata udia.

JAMES 1:19

Mbufo efiɔk emi, ndima nditɔ-ete mi. Edi yak kpukpru owo esɔp ndikop ikɔ, ekusɔp nditiŋ ikɔ, ekusɔp ndiyat esit;

JAMES 1:26

Edieke owo abatde idem ke owo Abasi, minyuŋ imumke edeme esie ikama, edi abiaŋade esit esie, erinim eke enye onimde ido Abasi ɔwɔrɔ ikpikpu.

1 PETER 2:12

Ekama idem nte odotde ke iso mme Gentile, man ke nde eke mmɔ etiŋde ŋkpɔ ebiat mbufo ete edi mme anam-idiɔk, mmɔ ekpada nti ido mbufo, emi edikutde ke ini eke edide ndidomo mbufo nse, enɔ Abasi ubɔŋ.

1 PETER 2:5

eyeda mbufo nde, nte mme odu-uwem itiat, ebɔp esin ke ufɔk eke spirit, enyuŋ enam mbufo edi ndisana oku, ndiwa uwa spirit, eke Abasi adarade ndibɔ oto ke Jesus Christ.

1 PETER 4:10

Adaŋa nte mbufo kiet kiet ema ekebɔ enɔ ke ubɔk Abasi, eda enam ŋkpɔ enɔ kiet eken nte nti mme akama-ukpɔhɔre nsio-nsio ufɔn Abasi.

1 PETER 4:16

edi edieke owo okutde ndutuhɔ nte owo Christ, yak enye okukop but, edi akam ɔnɔ Abasi ubɔŋ ye enyiŋ emi.

1 PETER 5:11

Yak edi Enye edi Andikara ke nsinsi-nsinsi. Amen.

JUDE 1:25

kpa Enye emi edide Abasi kierakiet, Andinyaŋa nnyin, oto ke Jesus Christ Ɔbɔŋ nnyin; yak ubɔŋ, ye ubom, ye edikara, ye odudu enyene Enye, toto ke eritɔŋɔ, ye ke emi, ye ke nsinsi. Amen.