1 PETER 4:10 - Edisana ñwed Abasi Ibom

¹⁰ Adaŋa nte mbufo kiet kiet ema ekebɔ enɔ ke ubɔk Abasi, eda enam ŋkpɔ enɔ kiet eken nte nti mme akama-ukpɔhɔre nsio-nsio ufɔn Abasi.

1 PETER 4:10 ပူးပေါင်းရင်းမြစ်များ

MATTHEW 20:28

kpa nte Eyen Owo mikedige, man enam ŋkpɔ enɔ Enye edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

MATTHEW 24:14

Eyenyuŋ ekwɔrɔ gospel Ubɔŋ Abasi emi ke ofuri ekondo nte ntiense enɔ kpukpru mme idut, ndien adaŋoro ke utit eyedi.

MATTHEW 24:21

koro ke ini oro akwa ukut eyedu, oruk eke akanam miduhe toto ke eritɔŋɔ ererimbot tutu osim emi, eke midinyuŋ iduhe aba.

MATTHEW 24:45

Anie ndien edi asaŋutom emi anamde akpanikɔ, onyuŋ enyenede ɔniɔŋ, emi ete esie okonimde ete, akara mbon ufɔk imɔ, onyuŋ ɔnɔ mmɔ udia ke edikem ini?

MATTHEW 25:17

Kpasuk ntre ŋko owo emi ɔkɔbɔde iba aŋwana iba efen odori.

MATTHEW 25:44

Ekem mmɔ ŋko eyebup Enye ete, Ɔbɔŋ, ini ewe ke nnyin ikokut Fi etiede biɔŋ, me nte itɔŋ asatde Fi, me nte edide esen, me iferi, me nte ɔdɔŋɔde, me nte etiede ke ufɔk-ŋkpɔkɔbi, ndien nnyin itre ndinam ŋkpɔ nnɔ Fi?

MARK 10:45

Koro Eyen Owo ke Idem Esie ikedige man enam ŋkpɔ enɔ Enye, edi man Enye anam ŋkpɔ ɔnɔ owo, onyuŋ ɔnɔ uwem Esie ndifak ediwak owo.

LUKE 12:42

Ndien Ɔbɔŋ ɔdɔhɔ ete, Anie ndien edi akama-ukpɔhɔre, emi anamde akpanikɔ onyuŋ edide ɔniɔŋ, emi ete-ufɔk esie edinimde enye nte andikara kpukpru mbon ufɔk esie, man enye edeme udia ɔnɔ mmɔ ke edikem ini?

LUKE 19:13

Ntem ke enye okot owo duop ke otu ikɔt esie, onyuŋ ɔnɔ mmɔ okuk duop, onyuŋ ɔdɔhɔ mmɔ ete, Eda emi enyam urua tutu ndi.

LUKE 8:3

ye Joanna ŋwan Chuza akama-ukpɔhɔre Herod, ye Susanna, ye ediwak mmɔ efen: emi edade se enyenede ese ebaŋa mmɔ.

ŊWED MBON ROME 15:25

Edi ke emi mmɔŋ ŋka Jerusalem, man nda enɔ mfɔn nsɔk ikɔt Abasi.

ŊWED MBON ROME 15:27

Edi se ikenemde mmɔ ke enyin ke akpanikɔ; mmɔ enyuŋ ekama mmɔ oro isɔn ŋko. Koro edieke mmɔ ema ekenam mme Gentile etiene mmɔ enyene udeme ke ŋkpɔ spirit, mme Gentile ekama mmɔ isɔn ndida ŋkpɔ obukidem nnɔ mmɔ nte uwa.

1 ŊWED CORINTH 15:10

Edi oto mfɔn Abasi ndi se ndedi: ndien mfɔn emi Abasi ɔnɔde mi ikɔwɔrɔke ikpikpu; edi mmanam utom ŋkan mmɔ kpukpru; inyuŋ idige ami nnam, edi mfɔn Abasi eke odude ye ami anam.

1 ŊWED CORINTH 3:10

Nte mfɔn emi Abasi ɔkɔnɔde mi edide, nte etubom ubɔp-ufɔk emi enyenede eti ibuot, mma nnim itiat-ukot-ufɔk, owo efen ke onyuŋ ɔbɔp odori ke esit. Edi ɔfɔn kpukpru owo ekpeme se mmɔ ebɔpde edori ke esit.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

2 ŊWED CORINTH 9:1

KORO inaŋa nte ŋkpewet nnɔ mbufo mbaŋa utom mfɔn eke enamde enɔ ikɔt Abasi;

ŊWED MBON EPHESUS 3:8

Ekenɔ mi, emi ŋkpride ŋkan ata andikpri ŋkan ke otu ikɔt Abasi, ufɔn emi, ete ŋkwɔrɔ nnɔ mme Gentile uwak inyene Christ, eke owo mikemeke ndiduŋɔre mma:

ŊWED MBON EPHESUS 4:11

Ndien Enye ɔkɔnɔ ndusuk owo nte mme apostle; onyuŋ ɔnɔ ndusuk owo nte mme asiak-uduak Abasi, onyuŋ ɔnɔ ndusuk owo nte mme ɔkwɔrɔ-gospel, onyuŋ ɔnɔ ndusuk owo nte mme andikpeme ye mme anditeme;

2 ŊWED TIMOTHY 1:18

Ɔbɔŋ akpakam ayak enye okut mbɔm ke ubɔk Ɔbɔŋ ke usen oro. Afo omonyuŋ otim ɔfiɔk adaŋa nte enye anamde ediwak ŋkpɔ ɔnɔ mi ke Ephesus.

TITUS 1:7

Koro ada idaha ufɔk Abasi enyenede ndidi owo eke mme owo minyeneke se etiŋde edian, nte akama-ukpɔhɔre Abasi. Enye inyeneke ndidi itun, inyeneke ndisɔp nyat esit, inyeneke ndidi owo mmin ye ifiopesit, enye ikponyuŋ idiɔkke itɔŋ ibine idiɔk udori.

MME HEBREW 6:10

Koro Abasi ikwaŋake nte efrede utom mbufo ye ima enyiŋ Esie eke mbufo ewutde, ke emi mbufo ekenamde ŋkpɔ enɔ ikɔt Abasi, enyuŋ esuk enanam.

1 PETER 5:10

Ndien Abasi kpukpru mfɔn, emi okokotde mbufo ete ediduk ke nsinsi ubɔŋ Imɔ ke Christ, ke ini mbufo ema ekut ukut ke ekpri ini, eyenam mbufo efɔn ema, enyuŋ esɔŋɔ eda, enyuŋ ekop idem.

1 PETER 5:12

Ŋwet ŋwed emi ibio-ibio nnɔ esɔk mbufo ke ubɔk silvanus, emi ndade nte eyen-ete emi anamde akpanikɔ; man nsɔŋɔ mbufo esit, nnyuŋ ŋwut mbufo nte, emi edi ata mfɔn Abasi. Esɔŋɔ eda ke esit.