1 PETER 4:1 - Edisana ñwed Abasi Ibom

¹ SIA Christ okokutde ukut ke obukidem, mbufo nde eda ekikere emi esine nte ŋkpɔ-ekɔŋ esɔŋɔ idem mbufo esit; koro enye emi okokutde ukut ke obukidem ama adianare ke idiɔk-ŋkpɔ ama;

1 PETER 4:1 ပူးပေါင်းရင်းမြစ်များ

ISAIAH 1:16

Mbufo eyet idem enam esana; emen mme idiɔk ido mbufo ke enyin mi efep; etre ndinam idiɔk; ekpep ndinam eti:

EZEKIEL 16:41

enyuŋ efɔp ufɔk fo ke ikaŋ, enyuŋ enɔ fi ufen ke iso ediwak iban; ndien nyenam fi etre ndisin efibe, ndien afo udunɔŋɔ aba utip.

MARK 3:3

Edi Enye ɔdɔhɔ owo oro ubɔk esie akpade ete, Wɔrɔ di, da mi ke ufɔt.

ŊWED MBON ROME 6:11

Kpa ntre ŋko ke mbufo ebat ete, ima ikpa iwɔrɔ ikpɔŋ idiɔk-ŋkpɔ, edi ke idu uwem inɔ Abasi ke Christ Jesus.

ŊWED MBON ROME 6:2

Nsa nnyin O! Nnyin, emi ima ikakpaŋa iwɔrɔ ikpɔŋ idiɔk-ŋkpɔ, idinam didie idu uwem ke esit aba?

ŊWED MBON ROME 6:7

koro ikpe idiɔk-ŋkpɔ etebe owo eke ama akakpa.

ŊWED MBON GALATIA 2:20

Ema ewot mi ke cross ye Christ; edi ke ndodu uwem; edi idige aba ami ke idem mi ke ndu uwem, edi Christ ke odu uwem ke esit mi. Ndien uwem eke ndude ke obukidem ke emi, ke ndu ke mbuɔtidem, kpa mbuɔtidem eke nnyenede ye Eyen Abasi, emi akamade mi, okonyuŋ ayakde Idem Esie ɔnɔ abaŋa mi.

ŊWED MBON GALATIA 5:24

Mmɔ emi edide ikɔt Christ Jesus ema ewot obukidem ke cross, ye udɔŋ ye idiɔk itɔŋ esie.

ŊWED MBON EPHESUS 6:13

Mmɔdo eda ofuri ŋkpɔ-ekɔŋ Abasi, man mbufo edikeme ndisɔŋɔ nda ke usen idiɔk, enyuŋ esɔŋɔ eda ke ema ekenam kpukpru ŋkpɔ.

DEUTERONOMY 27:10

Kop ndien uyo Jehovah Abasi fo, nyuŋ nim mbet esie ye mme ewuhɔ esie emi ami ŋwukde fi mfin emi.

ŊWED MBON PHILIPPI 2:5

Yak mbufo enyene oruk esit emi okodude ke Christ Jesus.

MME HEBREW 12:3

Ese Enye emi okobiomde oruk idiɔk ndutiŋ oro mme idiɔk owo etiŋde edian Idem Esie, mbak mbufo edikpa mba, ekop mmem-idem ke ukpɔŋ.

MME HEBREW 4:10

Koro owo ama okoduk ke nduɔk-odudu Abasi, enye odop utom esie, kpa nte Abasi okodopde utom Esiemɔ.

1 PETER 2:21

Ekekot mbufo ete edinam oro; koro Christ ke Idem Esie ama okut ndutuhɔ kabaŋa mbufo, onyuŋ ɔkpɔŋ uwut-ŋkpɔ ɔnɔ mbufo, ete, mbufo ekpetiene esaŋa ke nde ikpat Imɔ.

1 PETER 3:18

Koro Christ ŋko-ŋko ama akpa kabaŋa mme idiɔk-ŋkpɔ ini kiet, Edinen owo ke ibuot mmɔ emi minenke, man Enye ada nnyin ɔsɔk Abasi: ewot Enye ke obukidem, edi enam Enye edidu uwem ke Spirit.