1 PETER 3:4 - Edisana ñwed Abasi Ibom

⁴ edi eda edisine-ŋkpɔ eke midibiarake, kpa suŋ-suŋ spirit eke enyenede iso but, ebana idem ke esit-esit uwem mbufo; koro oro edi se isɔŋde urua ke enyin Abasi.

1 PETER 3:4 ပူးပေါင်းရင်းမြစ်များ

ŊWED MME PSALM 131:2

Ŋkɔm mmɔsuhɔ, mmonyuŋ ndop ukpɔŋ mi, nte eyen eke adahade ke eba, eke anade eka esie ke ubɔk. Ukpɔŋ ana mi ke idem, kpa nte eyen eke adahade ke eba.

ŊWED MME PSALM 147:6

Jehovah emenere mbon nsukesit onim ke enyɔŋ: emen mme idiɔk owo ɔduɔk ke isɔŋ.

ŊWED MME PSALM 149:4

Koro ikɔt Jehovah enemde enye esit: enye ada erinyaŋa abana mbon nsuk-esit.

ŊWED MME PSALM 25:9

Enye eyenam mbon nsukidem esaŋa ke erinen: onyuŋ eteme mbon nsukidem usuŋ esiemɔ.

ŊWED MME PSALM 45:13

Adiaha edidem edi ubɔŋ-ubɔŋ ke esit: eda gold edɔk edisine-ŋkpɔ esie.

ŊWED MME PSALM 51:6

Sese, afo amama akpanikɔ ke esit: afo eyenyuŋ anam mi mfiɔk ifiɔk ke ɔwɔŋ esit.

ISAIAH 11:4

edi eyekpe ikpe mme ubuene esin ke edinen, onyuŋ ebiere ikɔ nte enende ɔnɔ suŋ-suŋ mbio isɔŋ: onyuŋ amia isɔŋ ke eto inua esie, onyuŋ owot mme idiɔk owo ke ibifik mkpɔk-inua esie.

ISAIAH 29:19

Ndien mbon nsukesit eyemana edara Jehovah, mme ubuene ke otu owo eyenyuŋ edara Edisana Abasi Israel.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

ISAIAH 61:1

SPIRIT Ɔbɔŋ Jehovah odoro mi: koro, Jehovah emeyet mi aran onim, man mbuk eti mbuk nnɔ mbon nsuk-esit; ɔmɔdɔŋ mi, ete mbɔp mmɔ eke esit mmɔ ɔbuŋɔde, ŋkwɔrɔ uwɔrɔ-ufin nnɔ mbuot ekɔŋ, ŋkwɔrɔ nsana-nyak nnɔ mmɔ eke ekɔbide;

JEREMIAH 51:59

Uyo emi ke Jeremiah prophet eketeme Seraiah eyen Neriah eyen Mahseiah ke ini enye akade ŋkpɔ ke Babylon ke uyo Zedekiah edidem Judah ke ɔyɔhɔ isua ubɔŋ esie inaŋ.

MATTHEW 11:29

Emen ɔkpɔnɔ Mi ekɔŋɔ ke itɔŋ mbufo, enyuŋ ekpebe Mi; koro mme-nyene ifure-ifure ido nnyuŋ nsuhɔre idem ke esit; ndien mbufo eyekut nduɔk-odudu enɔ ukpɔŋ mbufo.

MATTHEW 21:5

Mbufo edɔhɔ adiaha Zion, ete, Sese, Edidem fo ke edi ke ɔtɔ fo, Ɔsuhɔre idem, onyuŋ odoro ke ass, Ke abak ass, eyen uman ass.

MATTHEW 23:26

Afo nnan Pharisee, bem iso yet esit cup ye usan asana, man edem esie onyuŋ akabare asana ŋko.

MATTHEW 5:5

Ɔfɔfɔn ɔnɔ mmɔ eke enyenede ifure-ifure ido: koro mmɔ eyeda isɔŋ enyene.

LUKE 11:40

Mbufo mme anana-ibuot, nte idige Enye emi akanamde edem mmɔ anam esit mmɔ ŋko?

LUKE 16:15

Ndien Enye ɔdɔhɔ mmɔ ete, Mbufo edi mmɔ emi enamde owo ebat mbufo ke nti owo, edi Abasi ɔmɔfiɔk esit mbufo: koro se ikponde owo ke enyin edi mbubiam ke iso Abasi.

ŊWED MBON ROME 1:23

edi mmɔ ekabare ndisime; mmɔ ekpuhɔre ubɔŋ Abasi emi odude uwem ke nsinsi, esin ke mbiet idem owo eke enyenede ndikpa, ye ke mbiet inuen, ye eke unam ukot inaŋ, ye se inyɔnide.

ŊWED MBON ROME 2:29

edi ata Jew edi enye edide Jew ke esit-esit; ata mbobi onyuŋ edi ŋkpɔ ɔwɔŋesit, odu ke spirit, iduhe ke item eke ewetde; itoro esie inyuŋ itoho owo, edi oto Abasi.

ŊWED MBON ROME 6:6

sia imɔfiɔk emi ite, ema ewot akani owo emi nnyin ikedide ke cross ye Enye, man ebiat ikpɔhidem idiɔk-ŋkpɔ, man nnyin ikudi aba ifin idiɔk-ŋkpɔ;

ŊWED MBON ROME 7:22

Koro ndara ibet Abasi ke ɔwɔŋesit mi:

2 ŊWED CORINTH 10:1

EDI ami Paul ke idem mi nda ifure-ifure ido ye mmem-ido Christ nnɔ mbufo uyo-ami emi ndide owo nsuk-idem ke iso mbufo, ke ini ndude ye mbufo, edi nsɔŋde inua ye mbufo, ke ini mmenduhe ye mbufo:

2 ŊWED CORINTH 4:16

Ke ntak emi esit iduɔhɔ nnyin; edi okposuk edi nte ikpɔhidem nnyin ataharede, idem nnyin emi odude ke esit-esit ke akabare edi obufa, ke usen ke usen.

ŊWED MBON GALATIA 5:23

ye ime, ye mfɔn-ido, ye eti ido, ye erinam akpanikɔ, ye ifure-ifure ido, ye mfara ke idem; baba ibet kiet ibiɔŋɔke oruk edu emi.

ŊWED MBON EPHESUS 4:2

ke kpukpru nsuk-idem ye ifure-ifure ido, ye anyan ime;

ŊWED MBON COLOSSAE 3:12

Nte mmɔ emi Abasi ekemekde, emi Abasi akanamde mmɔ esana onyuŋ amade, eda ndien esit mbɔm esine, ye mfɔn-ido, ye nsuk-idem, ye ifure-ifure ido, ye ime;

ŊWED MBON COLOSSAE 3:3

Koro mbufo ema ekpa ema, uwem mbufo onyuŋ odibe ye Christ ke Abasi.

1 ŊWED THESSALONICA 4:11

enyuŋ eda ofuri esit eyom nditie suŋ-suŋ, nnyuŋ nse mbubehe mbufo, nnyuŋ nda ubɔk nnam utom kpa nte ikɔnɔde mbufo uyo;

2 ŊWED THESSALONICA 3:12

Ima ida uyo Ɔbɔŋ Jesus Christ isɔŋɔ iwuk inyuŋ iteme mmɔ eke etiede ntem, ite mmɔ etie suŋ, enam utom, eŋwana se edade ekama idem.

1ŊWED TIMOTHY 2:2

ebaŋa ndidem ye kpukpru mmɔ emi edude ke ikpɔ itie; man nnyin idu uwem ifure ye emem, ke kpukpru uteŋe ye eti ido.

2 ŊWED TIMOTHY 2:25

enye onyuŋ enyene ndida ata nsuk-esit nnam mmɔ emi ebiɔŋɔde eneŋere esaŋa; mme eyeto do Abasi anam mmɔ ekabare esit enyene ifiɔk akpanikɔ,

TITUS 3:2

Ekusuŋi baba owo kiet, ekunyuŋ edi mbon utɔk; edi etie ifure-ifure, enyuŋ ewut kpukpru owo suŋ-suŋ ido.

JAMES 1:21

Mmɔdo eduɔŋɔ kpukpru ndek-ndek ido ye nyɔhɔ-nsuhɔ udu, enyuŋ ebɔ ikɔ emi etɔde ke esit mbufo ke ododop, kpa ikɔ emi ekemede ndinyaŋa ukpɔŋ mbufo.

1 PETER 1:23

Ema ebon mbufo obufa, idige ke ubon eke edikpade, edi ke ubon eke midikemeke ndikpa, oto ke ikɔ Abasi, emi odude uwem onyuŋ ebigide ke nsinsi.

1 PETER 3:15

edi eteŋe Christ ke esit mbufo nte Ɔbɔŋ. Kpukpru ini ebeŋe idem ndibɔrɔ kpukpru owo eke edibupde mbufo ntak idori-enyin emi mbufo enyenede; edi ekpeme ndibɔrɔ ke suŋ-suŋ ido ye ke ido uteŋe;

1 SAMUEL 16:7

Edi Jehovah ɔdɔhɔ Samuel, ete, Kuse enye iso, kunyuŋ use nte enye okoŋde idaha; koro mmesin enye: koro (mmensehe) nte owo esede; koro owo esede enyin, edi Jehovah ese esit.