1 PETER 3:3 - Edisana ñwed Abasi Ibom

³ Ekubana idem enyɔŋ-enyɔŋ ke eridɔk idet, ye erikɔŋɔ ŋkpɔ mbana gold, ye erisine ediye ɔfɔŋidem;

1 PETER 3:3 ပူးပေါင်းရင်းမြစ်များ

GENESIS 24:22

Edikem, ke adaŋoro mme camel ema ekeŋwɔŋ ema, owo oro osio ŋkpanuen gold ke eke ibuo, emi udobi esie edide ubak shekel, ye okpoho ubɔk iba ke eke ubɔk esie, emi udobi mmɔ

GENESIS 24:47

Ndien mbup enye nte, Afo edi eyen anie owo? Ndien enye ete, Eyen Bethuel, eyen Nahor, emi Milcah akamande ɔnɔ enye. Ndien nsin enye ŋkpanuen ke ibuo, ye ŋkpɔ gold ke ubɔk.

GENESIS 24:53

ibuot ɔnɔ Jehovah ese isɔŋ. Owo oro onyuŋ ada ŋkpɔ silver, ye ŋkpɔ gold, ye edisine ŋkpɔ ɔnɔ Rebekah: onyuŋ osio ŋkpɔ uto ɔnɔ eyen-eka esie ye eka esie.

2 NDIDEM 9:30

Ekem Jehu osim ke Jezreel; ndien adaŋemi Jezebel okopde, enye ada stibium ewet enyin esie, onyuŋ ɔdiɔŋ ibuot esie, ndien etie ke window ese.

ESTHER 5:1

EDIKEM ke ɔyɔhɔ usen ita, Esther esine edisine-ŋkpɔ ɔbɔŋ-aŋwan, edi edida ke esit okure ufɔk edidem, asak iso ese ufɔk edidem: ndien edidem etie ke ebekpo ubɔŋ esie ke ufɔk edidem, asak iso ese usuŋ ufɔk.

ŊWED MME PSALM 45:9

Nditɔ-iban ndidem edu ke otu iban ima fo: ɔbɔŋ-aŋwan esine gold ophir ada fi ke ubɔk nnasia.

EXODUS 3:22

edi kpukpru iban eyebeŋe mbɔhiduŋ mmɔ, ye ŋwan eke oduŋde ke ufɔk mmɔ, ŋkpɔ silver, ye ŋkpɔ gold, ye edisine-ŋkpɔ: ndien mbufo eda mmɔ esine nditɔ-iren mbufo, ye nditɔ-iban mbufo ke idem: enyuŋ ebume ŋkpɔ Egypt.

EXODUS 32:2

Ndien Aaron ɔdɔhɔ mmɔ ete, Mbufo esioŋo mkpanuen o-gold emi edude ke utɔŋ iban mbufo, ye ke eke nditɔ-iren mbufo, ye ke eke nditɔ-iban mbufo, eda esɔk mi.

EXODUS 33:4

Ndien adaŋemi kpukpru owo ekopde idiɔk ikɔ emi, mmɔ etuaŋa: baba owo kiet inyuŋ isineke ŋkpɔ mbana esie ke idem.

EXODUS 35:22

Ntem ke mmɔ edi, iren ye iban, kpukpru owo eke esit mmɔ enyimede, eda mkpanuen ibuo, ye mkpanuen utɔŋ, ye mkpanuen, ye mbana itɔŋ, kpukpru edi ŋkpɔ gold; ndien kpukpru owo eke enɔde enɔ, eda gold enɔ Jehovah.

EXODUS 38:8

Enye onyuŋ ada okuriso iban emi esaŋade utom ke enyin-usuŋ efe esop, anam akpaŋkpaŋ ye ukot esie, ke okpoho.

ISAIAH 52:1

DEMERE, demere, sine odudu fo ke idem, O Zion; sine edisine-ŋkpɔ uyai fo, O Jerusalem, edisana obio: koro owo edut ye ndek miditɔŋɔke aba ntak iduk fi ke esit.

ISAIAH 61:10

Nyedat esit eti-eti ke Jehovah, ukpɔŋ mi eyebre abaŋa Abasi mi: koro enye emesine mi edisine-ŋkpɔ erinyaŋa ke idem, amada ekura edinen ido ofuk mi, kpa nte ɔdɔ-ŋwan ayarade anyanya esiemɔ, ye nte ŋwan ndɔ esinede ŋkpɔ mbana esie ke idem.

JEREMIAH 2:32

Nte eyen-aŋwan edifre ŋkpɔ mbana esie? Nte ŋwan ndɔ edifre ubɔp-isin esie? Edi ikɔt mi emefre mi usen inyeneke ibat.

JEREMIAH 4:30

Ndien afo andibiara edinam didie? Koro afo eyesine ididuot: koro afo eyeda mbana-ŋkpɔ o-gold abana idem, koro afo adade stibium awai enyin fo: eyenam idem fo eye ikpikpu: mmɔ eke emade fi esin fi, eyeyom uwem fo.

EZEKIEL 23:40

Ndien ŋko mmɔ edɔŋ ekekot owo emi etode ke anyan idut, emi ekedɔŋde isuŋ utom ke ɔtɔ mmɔ; ndien, sese, mmɔ edi: emi afo ekeyetde idem fo, onyuŋ eyet paint ke enyin fo, onyuŋ ada ŋkpɔ mbana abana idem, ɔnɔ mmɔ;

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

1 PETER 3:2

ke adaŋemi mmɔ ekutde nte mbufo iban enyenede edisana ido ye ndik.